करमाळा पोलीसांची मोठी कामगिरी — घरफोडीतील सोन्याचे दागिने हस्तगत!
दि. २ जुलै २०२५ | करमाळा
करमाळा पोलिसांनी दिवसा घरफोडी प्रकरणातील आरोपीला अटक करत सुमारे ९ लाख ५० हजार रुपये किमतीचे सोन्याचे दागिने हस्तगत केले आहेत.
दि. ६ डिसेंबर २०२४ रोजी अभिजीत जीवन सरडे (वय २७, रा. कंदर, ता. करमाळा) यांनी फिर्याद दिली होती की, दुपारी १२ ते २.३० दरम्यान अज्ञात चोरट्याने त्यांच्या घराची कडी उचकटून घरफोडी केली. या प्रकरणी करमाळा पोलीस ठाण्यात गु.र.नं. ७८८/२०२४, भा.दं.वि. कलम 454, 457, 380 अन्वये गुन्हा दाखल करण्यात आला होता.
तपासादरम्यान रामेश्वर जंगल्या भोसले (वय २५, रा. पांडेगव्हाण, ता. आष्टी, जि. बीड) याला अटक करण्यात आली. न्यायालयीन कोठडी घेऊन त्याच्याकडून ९.५० लाख रुपये किमतीचे सोन्याचे कर्णफुले व सोन्याची दुही असा मुद्देमाल हस्तगत करण्यात आला.
आरोपीवर याआधी खालील ठिकाणी गुन्हे दाखल आहेत:
1. करमाळा – गु.र. ७८८/२०२४
2. कर्जत – गु.र. ७७५/२०२४, ६७४/२०२४, ३६०/२०२१
3. गंगापूर – गु.र. ४२५/२०१९
4. बीडकीन – गु.र. ८९/२०१९
5. राहुरी – गु.र. ६९२/२०१६
6. आष्टी – गु.र. १८६/२०१९
ही कामगिरी मा. पोलीस अधीक्षक श्री. अतुल कुलकर्णी (सोलापूर ग्रामीण), अपर पोलीस अधीक्षक श्री. प्रितम यावलकर, उपविभागीय पोलीस अधिकारी श्री. अजित पाटील यांच्या मार्गदर्शनाखाली पार पडली.
या कारवाईत पोलीस निरीक्षक रणजीत माने, सहाय्यक निरीक्षक गीरीजा म्हस्के, पो.उ.नि. प्रशांत मदने, तसेच पोलीस कर्मचारी — अजीत उबाळे, वैभव ठैंगल, मनिष पवार, सोमनाथ गावडे, योगेश येवले, मिलिंद दहिहांडे, अर्जुन गोसावी, अमोल रंदिल, रविराज गटकुळ आदींनी सहभाग घेतला.
अंगुलीमुद्रा विभागाचे स.पो.नि. गळवे आणि सायबर पोलीस ठाण्याचे पो.शि. व्यंकटेश मोरे यांनी तांत्रिक मदत केली.
🟠
नियम व अटी / Disclaimer:
वरील माहिती विविध ओपन सोर्स माध्यमांतून, सोशल मीडियातील चर्चांमधून तसेच उपलब्ध असलेल्या सार्वजनिक वाचन-सामग्रीवर आधारित आहे. “क्राईम महाराष्ट्र लाईव्ह न्युज” (Crime Maharashtra Live News) व त्याचे संपादक, प्रतिनिधी किंवा संबद्ध कर्मचारी या माहितीच्या संपूर्ण सत्यतेचा दावा करत नाहीत.ही माहिती केवळ जनहितार्थ, समाजजागृती व चर्चेसाठी प्रसिद्ध करण्यात आलेली आहे. कृपया वाचक/दर्शकांनी संबंधित अधिकृत यंत्रणांकडून खातरजमा करूनच कोणताही निर्णय घ्यावा. या माहितीमध्ये काही बाबी चुकीच्या, अपूर्ण किंवा कालांतराने बदललेल्या असू शकतात. त्यामुळे कोणतीही कायदेशीर अथवा प्रशासकीय कृती करण्यापूर्वी अधिकृत स्रोताची खात्री करणे अत्यावश्यक आहे.. तथापि, या बातम्यांमुळे उद्भवणाऱ्या कोणत्याही गैरसमज किंवा नुकसानीस Crime Maharashtra Live News जबाबदार राहणार नाही.> टीप: जर कोणाला आमच्या बातमीबाबत आक्षेप असल्यास, कृपया आम्हाला [crimemaharashtra.live@gmail.com] वर संपर्क करा.मोबाईल नंबर 7744808833
