अवैध मुरुम उत्खननाविरोधात जिल्हाधिकारी कार्यालयाचे पाऊल – येवलेवाडी प्रकरण तहसीलदार हवेली यांच्याकडे सुपूर्द
पुणे (दि. ०६ सप्टेंबर २०२५) :
येवलेवाडी परिसरात मोठ्या प्रमाणात सुरू असलेल्या बेकायदेशीर मुरुम उत्खननाविरोधात जिल्हाधिकारी कार्यालयाने गंभीर दखल घेतली आहे. यासंदर्भात आलेल्या तक्रारीवर कारवाई करत जिल्हा खनिकर्म अधिकारी यांनी तहसीलदार हवेली यांना तातडीने तपास व कार्यवाही करण्याचे आदेश दिले आहेत.
ही तक्रार श्री. आमिर शेख, रा. कृष्णानगर, मोहम्मदवाडी, हडपसर यांनी दिनांक ०६/०९/२०२५ रोजी ईमेलद्वारे जिल्हाधिकारी कार्यालयास सादर केली होती. सादर अर्जात त्यांनी येवलेवाडी येथे मोठ्या प्रमाणात अवैध मुरुम उत्खनन सुरू असल्याची तक्रार केली आहे.
जिल्हा खनिकर्म अधिकारी यांनी तहसीलदार हवेली यांना आदेश देताना म्हटले आहे की –
🔹 अर्जदारांचा अर्ज व त्यासोबत जोडलेली सदर तक्रार तपासून घ्यावी.
🔹 महसूल विभाग व पोलिसांच्या मदतीने पंचनामे करून प्रत्यक्ष चौकशी करावी.
🔹 शासन तरतुदीनुसार दोषींवर कायदेशीर कार्यवाही करावी.
🔹 झालेल्या कार्यवाहीचा सविस्तर अहवाल जिल्हाधिकारी कार्यालयास तातडीने सादर करावा.
या आदेशामुळे येवलेवाडी परिसरातील बेकायदेशीर मुरुम उत्खनन थांबण्यास मदत होणार असून, संबंधित जबाबदारांवर कठोर कारवाई होण्याची शक्यता आहे.
नागरिकांची अपेक्षा आहे की, महसूल विभाग व पोलिसांनी संयुक्त कारवाई करून अवैध उत्खनन रोखावे व दोषींना तातडीने शिक्षा करावी.
नियम व अटी / Disclaimer:
वरील माहिती विविध ओपन सोर्स माध्यमांतून, सोशल मीडियातील चर्चांमधून तसेच उपलब्ध असलेल्या सार्वजनिक वाचन-सामग्रीवर आधारित आहे. “क्राईम महाराष्ट्र लाईव्ह न्युज” (Crime Maharashtra Live News) व त्याचे संपादक, प्रतिनिधी किंवा संबद्ध कर्मचारी या माहितीच्या संपूर्ण सत्यतेचा दावा करत नाहीत.ही माहिती केवळ जनहितार्थ, समाजजागृती व चर्चेसाठी प्रसिद्ध करण्यात आलेली आहे. कृपया वाचक/दर्शकांनी संबंधित अधिकृत यंत्रणांकडून खातरजमा करूनच कोणताही निर्णय घ्यावा. या माहितीमध्ये काही बाबी चुकीच्या, अपूर्ण किंवा कालांतराने बदललेल्या असू शकतात. त्यामुळे कोणतीही कायदेशीर अथवा प्रशासकीय कृती करण्यापूर्वी अधिकृत स्रोताची खात्री करणे अत्यावश्यक आहे.. तथापि, या बातम्यांमुळे उद्भवणाऱ्या कोणत्याही गैरसमज किंवा नुकसानीस Crime Maharashtra Live News जबाबदार राहणार नाही.> टीप: जर कोणाला आमच्या बातमीबाबत आक्षेप असल्यास, कृपया आम्हाला [crimemaharashtra.live@gmail.com] वर संपर्क करा.मोबाईल नंबर 7744808833
