आळेफाटा (पुणे): प्रवासाच्या बहाण्याने चारचाकी गाडीत बसून चालकाला मारहाण करीत त्यांचा खून करणाऱ्या सराईत आंतरजिल्हा टोळीच्या मुसक्या स्थानिक गुन्हे अन्वेषण (ग्रामीण) व आळेफाटा पोलिसांनी आवळल्या आहेत.शुक्रवारी (ता. 31) माळशेज घाटाजवळ सापळा रचून ही कारवाई करण्यात आली.विशाल आनंदा चव्हाण (वय -22, रा. गंगापूर रोड, बिगबाजार बँकसाईट, महेश अपार्टमेंट कॉलेज रोड, नाशिक), मयुर विजय सोळसे (वय – 23 गंगापूर रोड, गोकुळवाडी, श्रीरंगनगर, नाशिक), ऋतुराज विजय सोनवणे (वय 21, रा. गंगापूर रोड, विदया विकास सर्कल, गोकुळवाडी, नाशिक) अशी अटक करण्यात आलेल्या तिघांची नावे आहेत. तर राजेश बाबुराव गायकवाड (वय 56, व्यवसाय चालक रा. निधी अपार्टमेंट जेलरोड, नाशिक, ता. जि. नाशिक) असे खून झालेल्या व्यक्तीचे नाव असल्याची माहिती जिल्हा पोलीस अधीक्षक पंकज देशमुख यांनी पत्रकार परिषदेत दिली. तर सदरचे आरोपी हे सराईत असून आरोपी विशाल चव्हाण व मयुर सोळसे यांच्यावर गंगापूर (नाशिक) पोलीस ठाण्यात अनेक गुन्ह्यांची नोंद आहे. तसेच त्यांचा साथीदार आरोपी युवराज मोहन शिंदे याच्यावर चार गुन्हे दाखल आहेत.पोलिसांनी दिलेल्या माहितीनुसार, आळेफाटा पोलीस ठाण्याच्या हद्दीत राजेश गायकवाड यांचा मंगळवारी (ता. 28) खून झाला होता. याप्रकरणी त्यांचा मुलगा अंकुश गायकवाड यांनी फिर्याद दिली होती. सोमवारी राजेश गायकवाड हे कार घेऊन रविवारी पुण्याला गेले होते. संध्याकाळी त्यांनी ते पुणे-नाशिक हायवेलगत असलेल्या संतवाडी येथील समाघेऊन रविवारी पुण्याला गेले होते. संध्याकाळी त्यांनी ते पुणे-नाशिक हायवेलगत असलेल्या संतवाडी येथील समाधान हॉटेल येथे असल्याची माहिती कुटुंबाला दिली होती. मात्र दुसऱ्या ते दिवशी घरी न आल्याने कुटुंबाने मिसींग केस दाखल केली होती.
मंगळवारी सकाळी साडेनऊ वाजण्याच्या सुमारास संतवाडी परिसरात राजेश गायकवाड यांचा मृतदेह मिळून आला. यावेळी त्यांचे दोन्ही हात पाठीमागे बांधलेले होते. सदर परिस्थीतीवरून वरील प्रमाणे अनोळखी व्यक्ती विरोधात खूनाचा गुन्हा दाखल केला होता. सदरचा गुन्हा उघडकीस आणण्याच्या अनुषंगाने स्थानिक गुन्हे शाखेचे पोलीस निरीक्षक अविनाश शिळीमकर यांना अधीक्षक देशमुख यांनी सूचना दिल्या होत्या. त्यानुसार गुन्हे शाखेच्या पोलिसांनी आळेफाटा पोलिसांच्या तपास पथकाच्या मदतीने तपास सुरू करून मृतदेह मिळून आलेल्या रोडवरील सीसीटीव्ही फुटेज तपासले.
तपासादरम्यान राजेश गायकवाड यांची कार चाळकवाडी टोलनाक्यावरून नाशिककडे जाताना कारमध्ये त्यांच्या व्यतिरीक्त आणखी दोन इसम बसलेले होते. त्यातील एका व्यक्तीच्या डोक्यात पांढऱ्या रंगाची कॅप होती. त्याद्वारे चाकण चौकातील नाशिककडे जाणाऱ्या गाडीतळावर जावून चौकेली असता, पांढऱ्या रंगाची कॅप घातलेल्या इसमासोबत इतर तीन व्यक्ती असल्याचे आढळून आले. सदर घटनेची माहिती एका खबऱ्याकडून घेऊन सदर फुटेजमधील व्यक्ती या युवराज मोहन शिंदे ( रा. सातपूर जि. नाशिक) व विशाल आनंदा चव्हाण (रा. गंगापूर-कॉलेज रोड, नाशिक) हे असून त्यांनी सदरचा गुन्हा केला असल्याची माहिती मिळाली. मिळालेल्या माहितीच्या अनुषंगाने सदरचे आरोपी पुन्हा गुन्हा करण्यासाठी कल्याण बाजूकडून ओतूर बाजुकडे येत असल्याची माहिती मिळाली.
दरम्यान, माळशेज घाटाजवळ सापळा रचून वरील तीन आरोपींना अटक केली. त्यांच्याकडे चौकशी केली असता, ते नाशिकला जाण्यासाठी प्रवासी म्हणून कारमध्ये बसले आणि आळेफाट्याजवळ राजेश गायकवाड यांचा कारमध्येच गळा आवळून खून केला. त्यांचा मृतदेह तिथेच टाकून कार घेऊन निघून गेले असल्याची माहिती दिली. त्यांच्याकडे अधिक चौकशी केली असता, यातील मुख्य आरोपी युवराज शिंदे यायापुर्वी त्याच्या इतर साथीदारांच्या मदतीने अशा प्रकारच्या पद्धतीचा अवलंब करून एक इरटीगा कार जबरदस्तीने चोरून नेली. त्याबाबत चाकण पोलीस ठाण्यात गुन्हा नोंद आहे. सदर आरोपींना न्यायालयात हजर केले असता शुक्रवारपर्यंत (ता. 07) पोलीस कोठडी मंजूर केली आहे.
सदरची कामगिरी जिल्हा पोलीस अधीक्षक पंकज देशमुख, अपर पोलीस अधीक्षक रमेश चोपडे, उपविभागीय पोलीस अधिकारी रविंद्र चौधर, यांचे मार्गदर्शनाखाली, स्थानिक गुन्हे शाखेचे पोलीस निरीक्षक अविनाश शिळीमकर, आळेफाटा पोलीस ठाण्याचे वरिष्ठ पोलीस निरीक्षक दिनेश तायडे, गुन्हे शाखेचे सहायक निरीक्षक कुलदीप संकपाळ, पोलीस उपनिरीक्षक अमित सिदपाटील, आळेफाटाचे सहायक निरीक्षक अमोल पन्हाळकर, पोलीस उपनिरीक्षक चंद्रशेखर डुंबरे, गुन्हे शाखेचे अंमलदार दिपक साबळे, राजु मोमीण, संदिप वारे, अक्षय नवले, विक्रम तापकीर, निलेश सुपेकर, आळेफाटाचे अंमलदार विनोद गायकवाड, अमित माळुंजे, सचिन कोबल, गणेश जगताप, ओकार खुणे, यांनी केली आहे.नेकशीधान
नियम व अटी / Disclaimer:
वरील माहिती विविध ओपन सोर्स माध्यमांतून, सोशल मीडियातील चर्चांमधून तसेच उपलब्ध असलेल्या सार्वजनिक वाचन-सामग्रीवर आधारित आहे. “क्राईम महाराष्ट्र लाईव्ह न्युज” (Crime Maharashtra Live News) व त्याचे संपादक, प्रतिनिधी किंवा संबद्ध कर्मचारी या माहितीच्या संपूर्ण सत्यतेचा दावा करत नाहीत.ही माहिती केवळ जनहितार्थ, समाजजागृती व चर्चेसाठी प्रसिद्ध करण्यात आलेली आहे. कृपया वाचक/दर्शकांनी संबंधित अधिकृत यंत्रणांकडून खातरजमा करूनच कोणताही निर्णय घ्यावा. या माहितीमध्ये काही बाबी चुकीच्या, अपूर्ण किंवा कालांतराने बदललेल्या असू शकतात. त्यामुळे कोणतीही कायदेशीर अथवा प्रशासकीय कृती करण्यापूर्वी अधिकृत स्रोताची खात्री करणे अत्यावश्यक आहे.. तथापि, या बातम्यांमुळे उद्भवणाऱ्या कोणत्याही गैरसमज किंवा नुकसानीस Crime Maharashtra Live News जबाबदार राहणार नाही.> टीप: जर कोणाला आमच्या बातमीबाबत आक्षेप असल्यास, कृपया आम्हाला [crimemaharashtra.live@gmail.com] वर संपर्क करा.मोबाईल नंबर 7744808833
