पुणे : मसाज सेंटरवर छापा – ५ महिलांची सुटका, दोन आरोपींवर गुन्हा दाखल
पुणे शहर गुन्हे शाखेच्या अनैतिक मानवी वाहतूक व व्यापार प्रतिबंध कक्षाने मोठी कारवाई करत दत्तनगर, भारती विद्यापीठ रोड परिसरातील एका मसाज सेंटरवर छापा टाकून ५ पीडित महिलांची सुटका केली आहे. या प्रकरणी मसाज सेंटरच्या मालकासह दोन जणांविरुद्ध गुन्हा दाखल करण्यात आला आहे.
दिनांक १७/०४/२०२६ रोजी गुन्हे शाखेला मिळालेल्या गोपनीय माहितीनुसार “योग आयुर्वेदिक पोटली मसाज सेंटर”, स. नं. ३४/३, व्यंकटेश ब्लॉसम सोसायटी, दुसरा मजला, फ्लॅट नं. २०२, दत्तनगर, भारती विद्यापीठ रोड, पुणे येथे महिलांकडून वेश्याव्यवसाय करून घेतला जात असल्याची माहिती मिळाली.
या माहितीची खातरजमा करण्यासाठी पोलिस निरीक्षक छगन कापसे यांच्या मार्गदर्शनाखाली बनावट ग्राहक पाठवून पडताळणी करण्यात आली. माहिती सत्य असल्याचे निष्पन्न झाल्यानंतर पोलिसांनी तत्काळ छापा टाकला.
या कारवाईदरम्यान संबंधित मसाज सेंटरमधून ५ पीडित महिलांची सुटका करण्यात आली. तसेच मसाज सेंटर चालवणाऱ्या दोन आरोपींविरुद्ध भारती विद्यापीठ पोलीस स्टेशन येथे भा.न्या.सं. १४३(१)(३), ३(५) तसेच अनैतिक मानवी वाहतूक प्रतिबंध अधिनियम १९५६ अंतर्गत कलम ३, ४, ५ प्रमाणे गुन्हा दाखल करण्यात आला आहे.
ही कारवाई मा. पोलीस आयुक्त अमितेश कुमार, मा. सह पोलीस आयुक्त रंजनकुमार शर्मा, मा. अपर पोलीस आयुक्त (गुन्हे) पंकज देशमुख यांच्या मार्गदर्शनाखाली पार पडली. तसेच मा. पोलीस उपायुक्त (गुन्हे) निखिल पिंगळे, मा. सहायक पोलीस आयुक्त (गुन्हे-३) शंकर खटके यांच्या नेतृत्वात ही मोहीम राबविण्यात आली.
या कारवाईत पोलिस निरीक्षक छगन कापसे यांच्यासह पोलिस अंमलदार आव्हळे, भिवरकर, जाधव, नतफ, भुजबळ तसेच म.पो.अंमलदार कंक यांनी सहभाग घेतला.
पुणे शहर पोलिसांच्या या कारवाईमुळे परिसरात बेकायदेशीर वेश्याव्यवसायावर आळा बसण्यास मदत होणार असून, अशा प्रकारच्या गुन्ह्यांविरोधात पुढील काळातही कठोर कारवाई सुरू राहणार असल्याचा इशारा पोलिसांनी दिला आहे.
नियम व अटी / Disclaimer:
वरील माहिती विविध ओपन सोर्स माध्यमांतून, सोशल मीडियातील चर्चांमधून तसेच उपलब्ध असलेल्या सार्वजनिक वाचन-सामग्रीवर आधारित आहे. “क्राईम महाराष्ट्र लाईव्ह न्युज” (Crime Maharashtra Live News) व त्याचे संपादक, प्रतिनिधी किंवा संबद्ध कर्मचारी या माहितीच्या संपूर्ण सत्यतेचा दावा करत नाहीत.ही माहिती केवळ जनहितार्थ, समाजजागृती व चर्चेसाठी प्रसिद्ध करण्यात आलेली आहे. कृपया वाचक/दर्शकांनी संबंधित अधिकृत यंत्रणांकडून खातरजमा करूनच कोणताही निर्णय घ्यावा. या माहितीमध्ये काही बाबी चुकीच्या, अपूर्ण किंवा कालांतराने बदललेल्या असू शकतात. त्यामुळे कोणतीही कायदेशीर अथवा प्रशासकीय कृती करण्यापूर्वी अधिकृत स्रोताची खात्री करणे अत्यावश्यक आहे.. तथापि, या बातम्यांमुळे उद्भवणाऱ्या कोणत्याही गैरसमज किंवा नुकसानीस Crime Maharashtra Live News जबाबदार राहणार नाही.> टीप: जर कोणाला आमच्या बातमीबाबत आक्षेप असल्यास, कृपया आम्हाला [crimemaharashtra.live@gmail.com] वर संपर्क करा.मोबाईल नंबर 7744808833
