शिक्षकांच्या कार्यमुक्तीचे आदेश मे २०२६ नंतर द्यावेत – क्रांतीसेनेची मुख्यमंत्र्यांकडे मागणी
पुणे – जिल्हा परिषद शाळांतील शिक्षकांच्या झालेल्या बदल्या रद्द न करता, त्यांना थेट मे २०२६ नंतर कार्यमुक्त करावे, अशी मागणी अखिल भारतीय क्रांतीसेना पक्षाचे प्रदेश संपर्क प्रमुख मधुकर म्हसे पाटील यांनी मुख्यमंत्री देवेंद्र फडणवीस यांच्याकडे लेखी निवेदनाद्वारे केली आहे.
या निवेदनात म्हटले आहे की, अहिल्यानगर जिल्हा परिषद क्षेत्रातील प्राथमिक शिक्षकांच्या बदल्यांचे आदेश जुलै २०२५ मध्ये अंमलात आणले गेले. मात्र, शैक्षणिक वर्ष अर्धवट पूर्ण झाल्यानंतर अचानक बदल्या केल्यामुळे विद्यार्थ्यांच्या अभ्यासात व्यत्यय येत आहे.
“इयत्ता १ ली ते ४ थी पर्यंतच्या विद्यार्थ्यांमध्ये शिक्षकांप्रती भावनिक नाते तयार झालेले असते. अशावेळी शिक्षक बदलल्यास त्या नात्यांमध्ये व्यत्यय येतो व त्याचा विद्यार्थ्यांच्या मनोविश्वावर खोल परिणाम होतो,” असे मत म्हसे पाटील यांनी मांडले.
ते पुढे म्हणाले की, बदल्यांचे आदेश योग्य असले तरी त्यांची अंमलबजावणी मे २०२६ नंतर केल्यास विद्यार्थी व शिक्षक दोघांच्याही दृष्टीने ते हितकारक ठरेल.
या मागणीला अनेक पालकांनी पाठिंबा दिला असून, विद्यार्थ्यांचे शैक्षणिक सत्र अखंडित राहावे आणि सर्वांगीण विकास साधावा, यासाठी शासनाने त्वरित निर्णय घ्यावा, अशी अपेक्षा क्रांतीसेना पक्षाने व्यक्त केली आहे.
मुख्यमंत्री देवेंद्र फडणवीस यांनी या निवेदनाची सकारात्मक दखल घेऊन लवकरच निर्णय घ्यावा, अशी मागणीही यावेळी करण्यात आली.
📞 संपर्क:
सहसंपादक शिवाजी दवणे – क्राईम महाराष्ट्र न्यूज
📱 9730170965
नियम व अटी / Disclaimer:
वरील माहिती विविध ओपन सोर्स माध्यमांतून, सोशल मीडियातील चर्चांमधून तसेच उपलब्ध असलेल्या सार्वजनिक वाचन-सामग्रीवर आधारित आहे. “क्राईम महाराष्ट्र लाईव्ह न्युज” (Crime Maharashtra Live News) व त्याचे संपादक, प्रतिनिधी किंवा संबद्ध कर्मचारी या माहितीच्या संपूर्ण सत्यतेचा दावा करत नाहीत.ही माहिती केवळ जनहितार्थ, समाजजागृती व चर्चेसाठी प्रसिद्ध करण्यात आलेली आहे. कृपया वाचक/दर्शकांनी संबंधित अधिकृत यंत्रणांकडून खातरजमा करूनच कोणताही निर्णय घ्यावा. या माहितीमध्ये काही बाबी चुकीच्या, अपूर्ण किंवा कालांतराने बदललेल्या असू शकतात. त्यामुळे कोणतीही कायदेशीर अथवा प्रशासकीय कृती करण्यापूर्वी अधिकृत स्रोताची खात्री करणे अत्यावश्यक आहे.. तथापि, या बातम्यांमुळे उद्भवणाऱ्या कोणत्याही गैरसमज किंवा नुकसानीस Crime Maharashtra Live News जबाबदार राहणार नाही.> टीप: जर कोणाला आमच्या बातमीबाबत आक्षेप असल्यास, कृपया आम्हाला [crimemaharashtra.live@gmail.com] वर संपर्क करा.मोबाईल नंबर 7744808833
