चार वर्षापासुन चार गुन्हयात फरार असलेल्या आरोपीस जेरबंद करून जबरी चोरीचा गुन्हा आणला उघडकीस स्थानिक गुन्हे शाखा, पुणे ग्रामीणची कारवाई
पुणे-::वालचंदनगर पोलीस स्टेशन गु.र.नं. २६/२०२४ भा.न्या.सं. ३९४ प्रमाणे दि. १७/०१/२०२४ रोजी दाखल असून सदर गुन्हयातील फिर्यादी नामे दिपक पोपट रासकर वय ३२ वर्षे रा.निरवांगी ता. इंदापूर जि.पुणे हे त्यांचे आईसह राहते घरात झोपलेले असताना दि. १७/०१/२०२४ रोजी पहाटेच्या वेळी अनोळखी दोन इसमांनी घरात घुसून चोरी करत असताना फिर्यादीस जाग आल्याने चोरट्यांना विरोध केल्यामुळे फिर्यादीस चाकूने मारहाण करून जबरी चोरी केली आहे. त्याबाबत फिर्यादीने वरील प्रमाणे गुन्हा नोंदविला आहे.
सदरचा गुन्हा उघडकीस आणण्याचे अनुषंगाने मा. पोलीस अधीक्षक श्री. पंकज देशमुख, साो. पुणे ग्रामीण यांनी स्था.गु.शा.चे पथकास योग्य ते मार्गदर्शन करून सुचना केल्या होत्या. स्थानिक गुन्हे शाखेचे पोलीस निरीक्षक अविनाश शिळीमकर यांनी पथकास सुचना करून सीसीटीव्ही फुटेज, आसपासचे परिसरात साक्षीदारांकडे तपास करणेबाबत सुचना केल्या होत्या. त्याप्रमाणे स्था.गु.शा.चे पथकाने घटनास्थळा पासून जाणारे येणारे रोडवरील सीसीटीव्ही फुटेज तपासले असता, काही संशयित इसम निदर्शनास आले होते. सदर फुटेज मधील इसमांचे वर्णन व गुन्हा करणेसाठी आलेले आरोपोंचे वर्णनात साम्य होते, त्याअनुषंगाने पथकाने प्राप्त फुटेज हे गोपनीय बातमीदारांना दाखविले असता, संशयित इसम हा रेकॉर्डवरील आरोपी नामे शिवा मिठु भोसले रा. पिटकेश्वर इंदापूर हा असून त्यानेच त्याचे इतर साथीदारांसोबत गुन्हा केला असल्याची माहिती पथकास मिळाली. त्या माहितीचे आधारे निष्पन्न आरोपी शिवा भोसले याचा स्था.गु.शा. चे पथकाने वारंवार जावून शोध घेतला असता, तो वेळोवेळी गुंगारा देत होता.
स्था.गु.शा.चे पथक दि. १५/०२/२०२५ रोजी वालचंदनगर पो स्टे हद्दीत गुन्हे प्रकटीकरणाचे अनुषंगाने हजर असताना पोहवा स्वप्निल अहीवळे यांना बातमीदारामार्फत बातमी मिळाली की, संशयित आरोपी शिवा भोसले आहे सराफवाडील चौकात आलेला आहे, अशी बातमी मिळाल्याने पथकाने सापळा रचून आरोपी नामे शिवा मिठु भोसले वय ४५ वर्षे रा. पिटकेश्वर, भोंगवस्ती, ता. इंदापूर जि. पुणे यास ताब्यात घेतले. त्यास विश्वासात घेवून चौकशी केली असता, त्याने वरील नमुद गुन्हा केला असल्याचे सांगितले असून त्याचे सोबत गुन्हा करते वेळी त्याचे सोबत इतर साथीदार असल्याचे सांगितले.
(१) वालचंदनगर पो स्टे गु.र.नं. ६१२/२०२३ भादंवि ४५७,३८०, (२) इंदापूर पो स्टे गु.र.नं ७६/२०२२ भादंविक. ३२५, (३) इंदापूर पोस्टे गु.र.नं.५०३/२०२३ भादंवि क. ४५४,४५७,३८०, (४) इंदापूर पो स्टे गु.र.नं ८८१/२०२३ भादंविक, ४५४,४५७,३८० प्रमाणे दाखल गुन्हयात आरोपी शिवा मिठु भोसले वय ४५ वर्षे रा. पिटकेश्वर, भोंगवस्ती, ता. इंदापूर जि. पुणे हा पाहिजे आरोपी असून तो पुणे ग्रामीण जिल्हयाचे अभिलेखावर पाहिजे आरोपी आहे.
सदरची कामगिरी मा. पोलीस अधीक्षक श्री. पंकज देशमुख, साो. पुणे ग्रामीण, मा. अपर पोलीस अधीक्षक श्री. गणेश बिरादार बारामती विभाग, मा. उपविभागीय पोलीस अधिकारी श्री सुदर्शन राठोड, बारामती विभाग, यांचे मार्गदर्शनाखाली, स्थानिक गुन्हे शाखेचे पोलीस निरीक्षक अविनाश शिळीमकर, वालचंदनगर पो स्टे चे सपोनि राजकुमार डुणगे, स्था.गु.शाचे सपोनि कुलदीप संकपाळ, स्था.गु.शा. चे अंमलदार बाळासाहेब कारंडे, ज्ञानदेव क्षिरसागर, स्वप्निल अहीवळे, अभिजीत एकशिंगे, अतुल डेरे, यांनी केली आहे.
पुणे
नियम व अटी / Disclaimer:
वरील माहिती विविध ओपन सोर्स माध्यमांतून, सोशल मीडियातील चर्चांमधून तसेच उपलब्ध असलेल्या सार्वजनिक वाचन-सामग्रीवर आधारित आहे. “क्राईम महाराष्ट्र लाईव्ह न्युज” (Crime Maharashtra Live News) व त्याचे संपादक, प्रतिनिधी किंवा संबद्ध कर्मचारी या माहितीच्या संपूर्ण सत्यतेचा दावा करत नाहीत.ही माहिती केवळ जनहितार्थ, समाजजागृती व चर्चेसाठी प्रसिद्ध करण्यात आलेली आहे. कृपया वाचक/दर्शकांनी संबंधित अधिकृत यंत्रणांकडून खातरजमा करूनच कोणताही निर्णय घ्यावा. या माहितीमध्ये काही बाबी चुकीच्या, अपूर्ण किंवा कालांतराने बदललेल्या असू शकतात. त्यामुळे कोणतीही कायदेशीर अथवा प्रशासकीय कृती करण्यापूर्वी अधिकृत स्रोताची खात्री करणे अत्यावश्यक आहे.. तथापि, या बातम्यांमुळे उद्भवणाऱ्या कोणत्याही गैरसमज किंवा नुकसानीस Crime Maharashtra Live News जबाबदार राहणार नाही.> टीप: जर कोणाला आमच्या बातमीबाबत आक्षेप असल्यास, कृपया आम्हाला [crimemaharashtra.live@gmail.com] वर संपर्क करा.मोबाईल नंबर 7744808833
