जमिनीच्या वादातून चुलत भावाचा खून; हवेली तालुक्यातील धक्कादायक घटना
पुणे (शशिकांत पाटोळे) | दि; ४ मार्च २०२६ : जमिनीच्या वादातून चुलत भावानेच दुचाकीला मोटारीने धडक देऊन भावाचा खून केल्याची घटना भवरापूर (ता. हवेली) येथे घडली. सोमवारी (ता. २) सायंकाळी साठे वस्तीजवळ झालेल्या या घटनेत महेश लक्ष्मण साठे (वय ३४) यांचा मृत्यू झाला असून, पोलिसांनी दोघांना अटक केली आहे. दरम्यान, हा अपघात नसून जीवे मारण्याचा कट असल्याचा संशय व्यक्त होत आहे.
याप्रकरणी मृत महेश यांचे वडील लक्ष्मण सोपान साठे (वय ५८) यांनी लोणी काळभोर पोलिस ठाण्यात तक्रार दिली आहे. पोलिसांनी अक्षय दशरथ साठे (वय ३२, रा. भवरापूर) आणि गोकुळ नाना कोकरे (वय २३, रा. आष्टापूर) यांना अटक करून त्यांच्यावर खुनाचा गुन्हा दाखल केला.
आरोपी अक्षय साठे याच्यावर यापूर्वीही दोन गुन्हे दाखल आहेत. मिळालेल्या माहितीनुसार, महेश साठे आणि अक्षय साठे यांच्यात वडिलोपार्जित जमिनीवरून वाद सुरू होता. याच वादातून महेश यांनी पोलिस ठाण्यात तक्रार दिली होती.
तक्रार देऊन दुचाकीवरून (एमएच १२ बीजे ९५५१) घरी परतत असताना, साठे वस्तीजवळ पाठीमागून आलेल्या भरधाव कारने (एमएच १२ क्यूवाय ७८८८) त्यांच्या दुचाकीला जोरदार धडक दिली. यात महेश यांचा जागीच मृत्यू झाला.
नियम व अटी / Disclaimer:
वरील माहिती विविध ओपन सोर्स माध्यमांतून, सोशल मीडियातील चर्चांमधून तसेच उपलब्ध असलेल्या सार्वजनिक वाचन-सामग्रीवर आधारित आहे. “क्राईम महाराष्ट्र लाईव्ह न्युज” (Crime Maharashtra Live News) व त्याचे संपादक, प्रतिनिधी किंवा संबद्ध कर्मचारी या माहितीच्या संपूर्ण सत्यतेचा दावा करत नाहीत.ही माहिती केवळ जनहितार्थ, समाजजागृती व चर्चेसाठी प्रसिद्ध करण्यात आलेली आहे. कृपया वाचक/दर्शकांनी संबंधित अधिकृत यंत्रणांकडून खातरजमा करूनच कोणताही निर्णय घ्यावा. या माहितीमध्ये काही बाबी चुकीच्या, अपूर्ण किंवा कालांतराने बदललेल्या असू शकतात. त्यामुळे कोणतीही कायदेशीर अथवा प्रशासकीय कृती करण्यापूर्वी अधिकृत स्रोताची खात्री करणे अत्यावश्यक आहे.. तथापि, या बातम्यांमुळे उद्भवणाऱ्या कोणत्याही गैरसमज किंवा नुकसानीस Crime Maharashtra Live News जबाबदार राहणार नाही.> टीप: जर कोणाला आमच्या बातमीबाबत आक्षेप असल्यास, कृपया आम्हाला [crimemaharashtra.live@gmail.com] वर संपर्क करा.मोबाईल नंबर 7744808833
