पुणे | प्रतिनिधी
दिनांक २ मार्च २०२६ रोजी पुणे महानगरपालिका तर्फे कर्करोग प्रतिबंधासाठी एक महत्त्वपूर्ण पाऊल उचलण्यात आले. मा. महापौर श्रीमती मंजुषा नागपुरे यांच्या शुभहस्ते आणि मा. अतिरिक्त महापालिका आयुक्त (ज) श्रीमती पवनीत कौर यांच्या प्रमुख उपस्थितीत शरदचंदजी पवार अकॅडमी ऑफ ई लर्निंग, सिंहगड रोड, वडगाव बुद्रुक येथे विशेष HPV (सर्व्हायकल कॅन्सर प्रतिबंधक) लसीकरण कार्यक्रमाचे उद्घाटन करण्यात आले.
९ ते १३ वयोगटातील मुलींना मोफत लस
पुणे महानगरपालिका आणि जीविका फाउंडेशन यांच्या संयुक्त विद्यमाने पुणे शहरातील ९ ते १३ वयोगटातील मुलींना सर्व्हायकल कॅन्सर प्रतिबंधक लसीची एक मात्रा पूर्णतः मोफत देण्यात येणार आहे. यासाठी दोन्ही संस्थांदरम्यान करारनामा करण्यात आला असून, सदर लस सामाजिक दायित्व योजना (CSR) अंतर्गत उपलब्ध करून दिली जाणार आहे.
गर्भाशय मुखाच्या कर्करोगाविरुद्ध संरक्षण कवच
या उपक्रमाबाबत बोलताना मान्यवरांनी सांगितले की,
“राष्ट्रीय मिशनला पूरक आणि अधिक बळकटी देण्यासाठी पुणे महानगरपालिका, जीविका फाउंडेशन आणि CSR भागीदार यांच्या सहकार्याने आम्ही एक पाऊल पुढे टाकत आहोत. मोफत HPV लसीकरणामुळे ९ ते १३ वयोगटातील सर्व मुलींना सर्वसमावेशक संरक्षण मिळेल आणि पुणे शहरात गर्भाशय मुखाच्या कर्करोगाविरुद्ध मजबूत संरक्षण कवच उभे राहील. हा उपक्रम मुलींच्या आरोग्याचे आणि त्यांच्या उज्ज्वल भविष्याचे रक्षण करणारे ऐतिहासिक पाऊल आहे.”
मान्यवरांची उपस्थिती
कार्यक्रमास मा. उपमहापौर श्री. परशुराम वाडेकर, राष्ट्रवादी काँग्रेस (शरद पवार गट) पक्षनेते श्री. सोपान चव्हाण, शहर सुधारणा समिती अध्यक्षा श्रीमती स्मिता वस्ते, महिला व बालकल्याण समिती अध्यक्षा श्रीमती अल्पना वर्षे, नाव समिती अध्यक्षा श्रीमती पल्लवी जावळे, शिक्षण समिती अध्यक्ष श्री. अरुण राजवाडे, स्थानिक नगरसेविका मा. ज्योती गोसावी, स्थानिक नगरसेवक मा. सचिन मोरे, तसेच मा. श्रीकांत जगताप आदी मान्यवर उपस्थित होते.
दीप प्रज्वलन करून कार्यक्रमाचे प्रायोगिक तत्वावर उद्घाटन करण्यात आले.
नियम व अटी / Disclaimer:
वरील माहिती विविध ओपन सोर्स माध्यमांतून, सोशल मीडियातील चर्चांमधून तसेच उपलब्ध असलेल्या सार्वजनिक वाचन-सामग्रीवर आधारित आहे. “क्राईम महाराष्ट्र लाईव्ह न्युज” (Crime Maharashtra Live News) व त्याचे संपादक, प्रतिनिधी किंवा संबद्ध कर्मचारी या माहितीच्या संपूर्ण सत्यतेचा दावा करत नाहीत.ही माहिती केवळ जनहितार्थ, समाजजागृती व चर्चेसाठी प्रसिद्ध करण्यात आलेली आहे. कृपया वाचक/दर्शकांनी संबंधित अधिकृत यंत्रणांकडून खातरजमा करूनच कोणताही निर्णय घ्यावा. या माहितीमध्ये काही बाबी चुकीच्या, अपूर्ण किंवा कालांतराने बदललेल्या असू शकतात. त्यामुळे कोणतीही कायदेशीर अथवा प्रशासकीय कृती करण्यापूर्वी अधिकृत स्रोताची खात्री करणे अत्यावश्यक आहे.. तथापि, या बातम्यांमुळे उद्भवणाऱ्या कोणत्याही गैरसमज किंवा नुकसानीस Crime Maharashtra Live News जबाबदार राहणार नाही.> टीप: जर कोणाला आमच्या बातमीबाबत आक्षेप असल्यास, कृपया आम्हाला [crimemaharashtra.live@gmail.com] वर संपर्क करा.मोबाईल नंबर 7744808833
