लोणीकाळभोर पोलिसांची धडक कारवाई : गुटखा-तंबाखू विक्रेत्यांवर 104 कारवाई..
लोणीकाळभोर पोलीस स्टेशन हद्दीत गुटखा, सुगंधित तंबाखू, सिगारेट आदी प्रतिबंधित तंबाखूजन्य पदार्थांच्या विक्रीचे पूर्णपणे उच्चाटन करण्यासाठी सातत्याने विशेष मोहीम राबविण्यात येत आहे. वरिष्ठ पोलीस निरीक्षक मा. श्री. राजेंद्र पन्हाळे यांच्या मार्गदर्शनाखाली पोलिस पथकांनी 2024 वर्षभरात कार्यक्षेत्रातील विविध पानटपऱ्या, दुकाने व फेरीवाल्यांवर तपासणी करून COTPA कायदा 2003 अंतर्गत महत्त्वाच्या कारवाया केल्या आहेत.
यामध्ये आतापर्यंत एकूण 104 कारवाई करण्यात आली असून विविध दुकानांतून ₹2,70,900/- किमतीचा तंबाखूजन्य मुद्देमाल जप्त करण्यात आला आहे. संबंधित दुकानचालकांवर कायदेशीर गुन्हे दाखल केले असून पुढील तपास सुरू आहे.
व्यावसायिकांसोबत जनजागृती बैठक
दिनांक 08/12/2024 रोजी वरिष्ठ निरीक्षक पन्हाळे यांनी पोलिस स्टेशनमध्ये कार्यक्षेत्रातील पानटपरी व्यावसायिकांची बैठक घेतली. या बैठकीत :
शासनाने लागू केलेल्या तंबाखू उत्पादनांवरील निर्बंधांची सविस्तर माहिती देण्यात आली.
ई-सिगारेट, सुगंधित तंबाखू, गुटखा आदी पदार्थांच्या विक्रीवर संपूर्ण बंदी असल्याचे स्पष्ट करण्यात आले.
अधिकृत परवानगीशिवाय तंबाखूजन्य पदार्थांची विक्री करणे कायद्यानुसार दंडनीय असल्याचे सांगण्यात आले.
अवैध विक्री आढळल्यास कठोर कारवाई करण्यात येईल, याची स्पष्ट सूचना देण्यात आली.
या बैठकीस लोणीकाळभोर पोलिस स्टेशन हद्दीतील 43 पानटपरी चालक/मालक उपस्थित होते.
पोलीस अधिकारी व कर्मचारी यांचा सहभाग
या मोहिमेत खालील अधिकारी उपस्थित राहून कायदेशीर माहिती व मार्गदर्शन केले :
सौ. स्मिता पाटील – पोलीस निरीक्षक (गुन्हे)
श्री. कृष्णा बाबर – सहाय्यक पोलीस निरीक्षक
श्री. अंकुश गोराटे – सहाय्यक पोलीस निरीक्षक
बैठकीच्या शेवटी पोलीस हवालदार रवि आहेर यांनी उपस्थित व्यावसायिकांचे आभार मानले.
आवाहन
लोणीकाळभोर पोलीस स्टेशनमार्फत पुढील काळातही अशा प्रकारच्या अवैध तंबाखू विक्रीवर कठोर कारवाई करण्यात येणार असून नागरिकांनी अवैध विक्रीची माहिती पोलिसांना कळवून सहकार्य करावे, असे आवाहन करण्यात येते.
नियम व अटी / Disclaimer:
वरील माहिती विविध ओपन सोर्स माध्यमांतून, सोशल मीडियातील चर्चांमधून तसेच उपलब्ध असलेल्या सार्वजनिक वाचन-सामग्रीवर आधारित आहे. “क्राईम महाराष्ट्र लाईव्ह न्युज” (Crime Maharashtra Live News) व त्याचे संपादक, प्रतिनिधी किंवा संबद्ध कर्मचारी या माहितीच्या संपूर्ण सत्यतेचा दावा करत नाहीत.ही माहिती केवळ जनहितार्थ, समाजजागृती व चर्चेसाठी प्रसिद्ध करण्यात आलेली आहे. कृपया वाचक/दर्शकांनी संबंधित अधिकृत यंत्रणांकडून खातरजमा करूनच कोणताही निर्णय घ्यावा. या माहितीमध्ये काही बाबी चुकीच्या, अपूर्ण किंवा कालांतराने बदललेल्या असू शकतात. त्यामुळे कोणतीही कायदेशीर अथवा प्रशासकीय कृती करण्यापूर्वी अधिकृत स्रोताची खात्री करणे अत्यावश्यक आहे.. तथापि, या बातम्यांमुळे उद्भवणाऱ्या कोणत्याही गैरसमज किंवा नुकसानीस Crime Maharashtra Live News जबाबदार राहणार नाही.> टीप: जर कोणाला आमच्या बातमीबाबत आक्षेप असल्यास, कृपया आम्हाला [crimemaharashtra.live@gmail.com] वर संपर्क करा.मोबाईल नंबर 7744808833
