शनिवारवाडा बिकट अवस्थेत : सुविधा नाहीत, दररोज लाखो महसूल असूनही नागरिक व पर्यटकांना त्रास – भ्रष्टाचाराचा संशय
पुणे :
पुणे शहराचे ऐतिहासिक व सांस्कृतिक वैभव असलेला शनिवारवाडा आज अत्यंत बिकट परिस्थितीत आहे. दररोज राज्यभरातून आणि परराज्यातून हजारो पर्यटक येथे भेट देतात. मात्र, त्यांच्या मूलभूत सोयींचा पूर्णतः अभाव असल्याने संताप व्यक्त होत आहे.
शनिवारवाड्यात शौचालय व बाथरूमची सुविधा नाही. परिसरात गवत वाढलेले असून स्वच्छतेचा अभाव जाणवतो. इतकेच नव्हे तर सुरक्षा रक्षकांची संख्या अपुरी असल्याने पर्यटकांच्या सुरक्षिततेबाबत प्रश्नचिन्ह निर्माण झाले आहे.
प्रवेशासाठी प्रत्येकी २० रुपये शुल्क आकारले जाते. त्यामुळे दररोज लाखो रुपयांचा महसूल जमा होत असूनदेखील नागरिकांना कोणतीही सुविधा दिली जात नाही. त्यामुळे या रकमेचा अपहार होऊन भ्रष्टाचार होत असल्याचा गंभीर संशय व्यक्त केला जात आहे.
या पार्श्वभूमीवर माहिती अधिकार कायदा 2005 अंतर्गत RTI अर्ज दाखल करून गेल्या तीन वर्षांत शनिवारवाड्यातील महसूल, खर्च, सुरक्षा रक्षकांची नेमणूक, स्वच्छता व शौचालय उभारणीसाठी झालेला खर्च याबाबत माहिती मागविण्यात आली आहे. तसेच स्वच्छतेसाठी व सुरक्षेसाठी कंत्राटी कंपन्यांना दिलेल्या रकमेचा तपशीलही मागवण्यात आला आहे.
पुणेकर व पर्यटकांची मागणी आहे की, शनिवारवाड्यात तातडीने शौचालय, स्वच्छता, सुरक्षा आणि सुविधा उपलब्ध करून द्याव्यात. अन्यथा हा ऐतिहासिक वारसा नागरिकांसाठी त्रासदायक ठरत असल्याची नाराजी व्यक्त केली जात आहे.
नियम व अटी / Disclaimer:
वरील माहिती विविध ओपन सोर्स माध्यमांतून, सोशल मीडियातील चर्चांमधून तसेच उपलब्ध असलेल्या सार्वजनिक वाचन-सामग्रीवर आधारित आहे. “क्राईम महाराष्ट्र लाईव्ह न्युज” (Crime Maharashtra Live News) व त्याचे संपादक, प्रतिनिधी किंवा संबद्ध कर्मचारी या माहितीच्या संपूर्ण सत्यतेचा दावा करत नाहीत.ही माहिती केवळ जनहितार्थ, समाजजागृती व चर्चेसाठी प्रसिद्ध करण्यात आलेली आहे. कृपया वाचक/दर्शकांनी संबंधित अधिकृत यंत्रणांकडून खातरजमा करूनच कोणताही निर्णय घ्यावा. या माहितीमध्ये काही बाबी चुकीच्या, अपूर्ण किंवा कालांतराने बदललेल्या असू शकतात. त्यामुळे कोणतीही कायदेशीर अथवा प्रशासकीय कृती करण्यापूर्वी अधिकृत स्रोताची खात्री करणे अत्यावश्यक आहे.. तथापि, या बातम्यांमुळे उद्भवणाऱ्या कोणत्याही गैरसमज किंवा नुकसानीस Crime Maharashtra Live News जबाबदार राहणार नाही.> टीप: जर कोणाला आमच्या बातमीबाबत आक्षेप असल्यास, कृपया आम्हाला [crimemaharashtra.live@gmail.com] वर संपर्क करा.मोबाईल नंबर 7744808833
