श्रीक्षेत्र थेऊर : बहुप्रतिक्षित दळवीवस्ती अंतर्गत रस्त्याचे भूमिपूजन, कामाला सुरुवात
श्रीक्षेत्र थेऊर (ता. हवेली) येथील मौजे थेऊरमधील दळवीवस्ती अंतर्गत रस्त्याच्या बहुप्रतिक्षित कामाचे भूमिपूजन करून प्रत्यक्ष कामाला सुरुवात करण्यात आली आहे. गेल्या अनेक वर्षांपासून या रस्त्याचे काम प्रलंबित असल्याने ग्रामस्थांमध्ये नाराजी होती. अखेर हा प्रश्न मार्गी लागल्याने दळवीवस्तीतील नागरिकांमध्ये समाधान व्यक्त होत आहे.
या रस्त्याच्या पहिल्या टप्प्यासाठी १० लाख रुपयांचा निधी मंजूर करण्यात आला असून, पुढील काळात टप्प्याटप्प्याने उर्वरित रस्त्याचे काम पूर्ण केले जाणार असल्याची माहिती आरोग्यदूत युवराज काकडे यांनी दिली. या रस्त्याच्या कामामुळे दळवीवस्तीतील नागरिकांना दळणवळणाची मोठी सोय होणार असून, पावसाळ्यातील चिखल व गैरसोयींपासून दिलासा मिळणार आहे.
भूमिपूजन प्रसंगी युवराज काकडे, भरत कुंजीर, नवनाथ कुंजीर, गणेश साळुंखे, रामचंद्र उर्फ बाबू बोडके, गोरख काळे, बाळासाहेब कुंजीर, तुकाराम कुंजीर, आनंद काकडे, बाळासाहेब गिरमकर, दिलीप गावडे, सुभाष गावडे, पांडुरंग दळवी, उत्तम दळवी, स्वप्नील दळवी, सिद्धेश्वर कुंजीर, अच्युत कुंजीर, शरद कुंजीर, विक्रम काळे आदी मान्यवरांसह मोठ्या संख्येने ग्रामस्थ उपस्थित होते.
दळवीवस्तीतील रस्ता विकासकामाला अखेर गती मिळाल्याने स्थानिक नागरिकांनी समाधान व्यक्त करत संबंधित पदाधिकारी व कार्यकर्त्यांचे आभार मानले.
नियम व अटी / Disclaimer:
वरील माहिती विविध ओपन सोर्स माध्यमांतून, सोशल मीडियातील चर्चांमधून तसेच उपलब्ध असलेल्या सार्वजनिक वाचन-सामग्रीवर आधारित आहे. “क्राईम महाराष्ट्र लाईव्ह न्युज” (Crime Maharashtra Live News) व त्याचे संपादक, प्रतिनिधी किंवा संबद्ध कर्मचारी या माहितीच्या संपूर्ण सत्यतेचा दावा करत नाहीत.ही माहिती केवळ जनहितार्थ, समाजजागृती व चर्चेसाठी प्रसिद्ध करण्यात आलेली आहे. कृपया वाचक/दर्शकांनी संबंधित अधिकृत यंत्रणांकडून खातरजमा करूनच कोणताही निर्णय घ्यावा. या माहितीमध्ये काही बाबी चुकीच्या, अपूर्ण किंवा कालांतराने बदललेल्या असू शकतात. त्यामुळे कोणतीही कायदेशीर अथवा प्रशासकीय कृती करण्यापूर्वी अधिकृत स्रोताची खात्री करणे अत्यावश्यक आहे.. तथापि, या बातम्यांमुळे उद्भवणाऱ्या कोणत्याही गैरसमज किंवा नुकसानीस Crime Maharashtra Live News जबाबदार राहणार नाही.> टीप: जर कोणाला आमच्या बातमीबाबत आक्षेप असल्यास, कृपया आम्हाला [crimemaharashtra.live@gmail.com] वर संपर्क करा.मोबाईल नंबर 7744808833
