पुणे, दि. ११ एप्रिल २०२६ – पुणे महानगर परिवहन महामंडळ (PMPML) अंतर्गत कार्यरत तसेच सेवानिवृत्त कर्मचारी व त्यांच्या कुटुंबियांना वैद्यकीय उपचार नाकारले जाऊ नयेत, असे स्पष्ट आवाहन महामंडळाच्या व्यवस्थापनाने शहरातील पॅनेलवरील रुग्णालयांना केले आहे.
महामंडळाकडून कर्मचाऱ्यांसाठी वैद्यकीय खर्चासाठी आर्थिक तरतूद केली जाते. या योजनेअंतर्गत कार्यरत व सेवानिवृत्त कर्मचाऱ्यांना वैद्यकीय उपचारांचा लाभ दिला जातो. मात्र, काही रुग्णालयांकडून निधीअभावी उपचार नाकारल्याच्या तक्रारी समोर येत असल्याने प्रशासनाने ही भूमिका स्पष्ट केली आहे.
महामंडळाने स्पष्ट केले आहे की, वैद्यकीय योजनेसाठी कर्मचाऱ्यांच्या वेतनातून कपात केली जाते तसेच निवृत्त कर्मचाऱ्यांच्या निधीतूनही रक्कम जमा केली जाते. तरीही, रुग्णालयांकडून उपचार नाकारले जाणे ही गंभीर बाब असून त्यामुळे कर्मचारी व त्यांच्या कुटुंबियांना अडचणींचा सामना करावा लागत आहेया पार्श्वभूमीवर, महामंडळाचे अध्यक्ष व व्यवस्थापकीय संचालक यांनी पॅनेलवरील सर्व रुग्णालयांना निर्देश दिले आहेत की, आर्थिक कारणांमुळे कोणत्याही पात्र कर्मचाऱ्याला उपचार नाकारू नयेत. तसेच, आवश्यक त्या निधीची उपलब्धता लक्षात घेऊन देयकांच्या प्रक्रियेस गती देण्यात येणार असल्याचेही सांगण्यात आले.
महामंडळाने नागरिक व संबंधित कर्मचाऱ्यांना दिलासा देत स्पष्ट केले की, वैद्यकीय उपचाराची सुविधा अखंड सुरू राहील आणि कोणालाही अन्याय होऊ दिला जाणार नाही.
नियम व अटी / Disclaimer:
वरील माहिती विविध ओपन सोर्स माध्यमांतून, सोशल मीडियातील चर्चांमधून तसेच उपलब्ध असलेल्या सार्वजनिक वाचन-सामग्रीवर आधारित आहे. “क्राईम महाराष्ट्र लाईव्ह न्युज” (Crime Maharashtra Live News) व त्याचे संपादक, प्रतिनिधी किंवा संबद्ध कर्मचारी या माहितीच्या संपूर्ण सत्यतेचा दावा करत नाहीत.ही माहिती केवळ जनहितार्थ, समाजजागृती व चर्चेसाठी प्रसिद्ध करण्यात आलेली आहे. कृपया वाचक/दर्शकांनी संबंधित अधिकृत यंत्रणांकडून खातरजमा करूनच कोणताही निर्णय घ्यावा. या माहितीमध्ये काही बाबी चुकीच्या, अपूर्ण किंवा कालांतराने बदललेल्या असू शकतात. त्यामुळे कोणतीही कायदेशीर अथवा प्रशासकीय कृती करण्यापूर्वी अधिकृत स्रोताची खात्री करणे अत्यावश्यक आहे.. तथापि, या बातम्यांमुळे उद्भवणाऱ्या कोणत्याही गैरसमज किंवा नुकसानीस Crime Maharashtra Live News जबाबदार राहणार नाही.> टीप: जर कोणाला आमच्या बातमीबाबत आक्षेप असल्यास, कृपया आम्हाला [crimemaharashtra.live@gmail.com] वर संपर्क करा.मोबाईल नंबर 7744808833
