घरगुती गॅसचा अवैध साठा उघड; १०३ सिलेंडर जप्त, आरोपीस बेड्या
पुणे | प्रतिनिधी
काळेपडळ पोलीस स्टेशनच्या हद्दीत घरगुती गॅसचा अवैध साठा करून काळाबाजार करणाऱ्या दुकानावर पोलिसांनी धाड टाकत मोठी कारवाई केली आहे. या कारवाईत तब्बल १०३ गॅस सिलेंडर जप्त करण्यात आले असून एका आरोपीस अटक करण्यात आली आहे.
वरिष्ठांच्या आदेशानुसार अवैध धंद्यांवर कारवाई सुरू असताना पोलिस अंमलदार महादेव शिंदे यांना गुप्त बातमीदारामार्फत माहिती मिळाली की, हांडेवाडी परिसरात एक इसम घरगुती गॅस सिलेंडरमधील गॅस व्यावसायिक सिलेंडरमध्ये भरून काळाबाजार करत आहे.
मिळालेल्या माहितीनुसार पोलिसांनी संबंधित ठिकाणी छापा टाकला असता, ‘काया मल्टी सर्व्हिसेस’ या दुकानाच्या शेजारी मालती सुदृढी कंपनीच्या सुपर कॅरी टेम्पोमध्ये मोठ्या प्रमाणात घरगुती व व्यावसायिक गॅस सिलेंडर साठवून ठेवलेले आढळून आले. तपासादरम्यान दुकानामध्ये घरगुती सिलेंडरमधून व्यावसायिक सिलेंडरमध्ये तसेच ५ किलोच्या सिलेंडरमध्ये गॅस ट्रान्सफर सुरू असल्याचे उघड झाले.
पोलिसांनी तात्काळ कारवाई करत संबंधित इसमास ताब्यात घेतले. चौकशीत आरोपीने आपले नाव नितीन हनुमंत होळकर (वय २८, रा. हांडेवाडी, पुणे) असे सांगितले. त्याच्याकडे गॅस साठवणूक व ट्रान्सफरसाठी कोणताही अधिकृत परवाना नसल्याचे निष्पन्न झाले.
या छाप्यात पोलिसांनी एकूण १०३ गॅस सिलेंडर, चारचाकी वाहन आणि इतर साहित्य असा सुमारे १० लाख ९ हजार ३०० रुपयांचा मुद्देमाल जप्त केला आहे.
या प्रकरणी काळेपडळ पोलीस स्टेशन येथे गु.र.नं. १६४/२०२६ अन्वये अत्यावश्यक वस्तू अधिनियम कलम ३ व ७ अंतर्गत गुन्हा दाखल करण्यात आला असून आरोपीस अटक करण्यात आली आहे.
ही कारवाई पोलीस उपआयुक्त परिमंडळ ६, पुणे शहर यांच्या मार्गदर्शनाखाली तसेच सहाय्यक पोलीस आयुक्त, हडपसर विभाग आणि वरिष्ठ पोलीस निरीक्षक यांच्या सूचनेनुसार पार पडली. कारवाईत पोलीस निरीक्षक अमित शेटे, अंमलदार प्रवीण काळभोर, दाऊद सय्यद, प्रतीक लाहिडे, अमोल फडतरे, विशाल तांबे, शाहिद शेख, लक्ष्मण काळे, अतुल पंधरकर, सहेम तांबोळी, प्रदीप बेडकेकर, महादेव शिंदे आणि गिरीराज जगताप यांनी सहभाग घेतला.
पोलिसांनी नागरिकांना आवाहन केले आहे की, घरगुती गॅसचा अशा प्रकारे गैरवापर करणे अत्यंत धोकादायक असून यामुळे मोठे अपघात होऊ शकतात. अशा अवैध प्रकारांची माहिती तात्काळ पोलिसांना देऊन सहकार्य करावे.
(Grievance Redressal – IT Rules 2021)
क्राईम महाराष्ट्र लाईव्ह न्यूज (Crimemaharashtra.live) हे केंद्र सरकारच्या माहिती तंत्रज्ञान नियम, २०२१ (IT Rules 2021) च्या नियम १८ अंतर्गत नोंदणीकृत आणि नियमांचे पालन करणारे अधिकृत डिजिटल न्यूज पोर्टल आहे. आमच्या पोर्टलवर प्रसिद्ध झालेल्या कोणत्याही बातमी, लेख किंवा मजकुराबाबत आपल्याला काही आक्षेप किंवा तक्रार असल्यास, आपण आमच्या मुख्य तक्रार निवारण अधिकाऱ्यांकडे लेखी नोंदणी करू शकता.
कायदा आणि नियमांनुसार आपल्या तक्रारीची २४ तासांच्या आत दखल घेऊन १५ दिवसांच्या आत त्याचे निवारण केले जाईल.
📌 मुख्य तक्रार निवारण अधिकारी (Level 1):
अधिकारी: आमीर मोहम्मद शेख (Editor & Publisher)
वेबसाईट: https://crimemaharashtra.live
अधिकृत ईमेल: crimemaharashtra.live@gmail.com
Info@crimemaharashtra.live
कार्यालयीन पत्ता: पुणे, महाराष्ट्रIn accordance with Rule 11(2)(a) of the Information Technology (Intermediary Guidelines and Digital Media Ethics Code) Rules, 2021, any person having a grievance regarding the content published on Crimemaharashtra.live may send their complaint to the designated Grievance Redressal Officer.
Grievance Officer: Amir Mohammad Shaikh (Editor & Publisher)
Website: https://crimemaharashtra.live
Official Email: crimemaharashtra.live@gmail.com
Address: Pune, Maharashtra, India.
Note: Please ensure that your complaint includes the specific URL of the news article, the date of publication, and a clear description of the grievance along with supporting documents. All grievances will be acknowledged within 24 hours and resolved within 15 days.,
