पुणे, दि. २४ एप्रिल २०२६ – शारीरिक तंदुरुस्तीच्या माध्यमातून पर्यावरण संरक्षणाचा संदेश देण्यासाठी कार्यरत असलेल्या वृक्षाथॉन फाऊंडेशन तर्फे VHM Edition 5.0 या उपक्रमाच्या प्रमोशनसाठी विशेष पत्रकार परिषद आयोजित करण्यात आली. या कार्यक्रमाला विविध क्षेत्रातील मान्यवरांची उपस्थिती लाभली असून नागरिकांनीही मोठ्या संख्येने सहभाग नोंदवावा, असे आवाहन आयोजकांनी केले.
या पत्रकार परिषदेला पोलिस विभागाकडून अनमोल रानपीसे, लहान मुलांचे प्रमुख म्हणून भूषण होणे, तसेच भविष्यातील अभिनेत्री अमेशा आवटे यांची प्रमुख उपस्थिती होती. यावेळी उपस्थित मान्यवरांनी पर्यावरण संवर्धन आणि निरोगी जीवनशैली यासाठी अशा उपक्रमांची गरज अधोरेखित केली. तसेच नागरिकांनी मोठ्या संख्येने वृक्षाथॉनमध्ये सहभागी व्हावे, असे आवाहन करण्यात आले.
विशेष प्रमोशन उपक्रमात विनी कलावंत भारती आर्किड्स, रिल्स फेस स्नेहा, सानवी कुलकर्णी आणि पुष्कराज सिरसटकर यांनी उपस्थित राहून कार्यक्रमास विशेष रंगत आणली. या सर्वांनी पर्यावरणपूरक उपक्रमाचे कौतुक करत वृक्षाथॉनला जनतेचा चांगला प्रतिसाद मिळेल, असा विश्वास व्यक्त केला.
वृक्षाथॉन फाऊंडेशनचे संस्थापक विजय गायकवाड यांनी या उपक्रमामागील संकल्पना स्पष्ट करताना सांगितले की, “फिटनेससोबत पर्यावरण संवर्धनाचा संदेश प्रत्येक घरापर्यंत पोहोचवणे हा आमचा उद्देश आहे.” त्यांना सौ. रेश्मा गायकवाड यांचेही सहकार्य लाभत असल्याचे नमूद करण्यात आले.
याशिवाय सोनाली मोरे (सदस्या), विदुषा लुनावत (मार्केटिंग हेड), अमोल सातवे तसेच इतर
VHM Edition 5.0 ही केवळ धावण्याची स्पर्धा नसून पर्यावरण संवर्धनासाठी प्रेरणादायी आणि सामाजिक जबाबदारी जपणारा उपक्रम असल्याचे आयोजकांनी सांगितले. झाडे लावणे, पर्यावरण रक्षण करणे आणि आरोग्यदायी जीवनशैलीचा प्रसार करणे हा या उपक्रमाचा प्रमुख उद्देश आहे.
हा भव्य वृक्षाथॉन सोहळा दि. ६ जुलै २०२६ रोजी, पोलिस ग्राउंड, शिवाजीनगर, पुणे येथे आयोजित करण्यात येणार आहे. या उपक्रमात पुणे परिसरासह राज्यातील विविध भागांतून स्पर्धक सहभागी होणार असल्याचे सांगण्यात आले.
स्पर्धेत विविध वयोगटांसाठी स्वतंत्र रन कॅटेगरी ठेवण्यात आल्या आहेत. पर्यावरणप्रेमी, फिटनेसप्रेमी, तरुणाई आणि कुटुंबांसाठी हा कार्यक्रम आकर्षणाचा केंद्रबिंदू ठरणार आहे. आयोजकांनी संपूर्ण महाराष्ट्रातून स्पर्धक सहभागी होतील, असा विश्वास व्यक्त केला आहे. �
रेस कॅटेगरी पुढीलप्रमाणे :
०३ किमी – ज्येष्ठ नागरिक आणि लहान मुलांसाठी वॉक
०५ किमी – नवशिके आणि आरोग्य जागरूकतेसाठी रन/जॉग
१० किमी – इमिन रनर्स आणि एलिट अॅथलिट्ससाठी
२१ किमी – सर्व व्यावसायिकांसाठी हाफ मॅरेथॉन
नागरिकांनी या उपक्रमात उत्स्फूर्त सहभाग नोंदवून पर्यावरण संरक्षण आणि शारीरिक तंदुरुस्तीचा संदेश पुढे न्यावा, असे आवाहन आयोजकांकडून करण्यात आले आहे. अधिक माहितीसाठी आणि नोंदणीसाठी https://www.vrukshathon.com/� या संकेतस्थळाला भेट देता येणार आहे.
नियम व अटी / Disclaimer:
वरील माहिती विविध ओपन सोर्स माध्यमांतून, सोशल मीडियातील चर्चांमधून तसेच उपलब्ध असलेल्या सार्वजनिक वाचन-सामग्रीवर आधारित आहे. “क्राईम महाराष्ट्र लाईव्ह न्युज” (Crime Maharashtra Live News) व त्याचे संपादक, प्रतिनिधी किंवा संबद्ध कर्मचारी या माहितीच्या संपूर्ण सत्यतेचा दावा करत नाहीत.ही माहिती केवळ जनहितार्थ, समाजजागृती व चर्चेसाठी प्रसिद्ध करण्यात आलेली आहे. कृपया वाचक/दर्शकांनी संबंधित अधिकृत यंत्रणांकडून खातरजमा करूनच कोणताही निर्णय घ्यावा. या माहितीमध्ये काही बाबी चुकीच्या, अपूर्ण किंवा कालांतराने बदललेल्या असू शकतात. त्यामुळे कोणतीही कायदेशीर अथवा प्रशासकीय कृती करण्यापूर्वी अधिकृत स्रोताची खात्री करणे अत्यावश्यक आहे.. तथापि, या बातम्यांमुळे उद्भवणाऱ्या कोणत्याही गैरसमज किंवा नुकसानीस Crime Maharashtra Live News जबाबदार राहणार नाही.> टीप: जर कोणाला आमच्या बातमीबाबत आक्षेप असल्यास, कृपया आम्हाला [crimemaharashtra.live@gmail.com] वर संपर्क करा.मोबाईल नंबर 7744808833
