अष्टविनायक तीर्थक्षेत्री भाविक आणि ग्रामस्थांच्या सुरक्षेचा प्रश्न ऐरणीवर; अपघाताची भीती वाढली
थेऊर:
अष्टविनायकांपैकी एक महत्त्वाचे तीर्थक्षेत्र असलेल्या श्रीक्षेत्र थेऊर येथील ग्रामपंचायत प्रशासनाचा अत्यंत ढिसाळ कारभार पुन्हा एकदा चव्हाट्यावर आला आहे. जिल्हा नियोजन समितीमार्फत (DPDC) लाखो रुपये खर्च करून बसविण्यात आलेले पथदिवे केवळ देखभालीअभावी बंद अवस्थेत असून, परिसरात अंधाराचे साम्राज्य पसरले आहे. प्रशासनाच्या या निष्काळजीपणामुळे स्थानिक नागरिक आणि दर्शनासाठी येणाऱ्या भाविकांमध्ये तीव्र संताप व्यक्त केला जात आहे.
अपघातप्रवण क्षेत्रातच अंधार
मिळालेल्या माहितीनुसार, थेऊर येथील चिंतामणी विद्यामंदिर परिसराजवळ रस्त्याला तीव्र उतार आणि धोकादायक वळण आहे. तसेच, रस्त्याच्या एका बाजूला नदी असल्याने हा भाग ‘अपघातप्रवण क्षेत्र’ म्हणून ओळखला जातो. या ठिकाणी यापूर्वीही अनेक छोटे-मोठे अपघात घडले आहेत. रात्रीच्या वेळी या वळणाचा अंदाज न आल्याने वाहनचालकांना मोठा धोका निर्माण झाला आहे. अशा संवेदनशील ठिकाणी प्रकाश व्यवस्था असणे ही ग्रामपंचायतीची नैतिक जबाबदारी असतानाही प्रशासन याकडे पूर्णपणे डोळेझाक करत असल्याचे चित्र दिसत आहे.
भाविकांची आणि ग्रामस्थांची गैरसोय
श्री चिंतामणी गणपतीच्या दर्शनासाठी राज्यातील कानाकोपऱ्यातून भाविक येत असतात. सुट्ट्यांच्या दिवशी आणि संकष्टी चतुर्थीला येथे मोठी गर्दी असते. मात्र, मुख्य रस्त्यावरील पथदिवे बंद असल्याने पायी चालणाऱ्या भाविकांना आणि वाहनचालकांना मोठ्या संकटाचा सामना करावा लागत आहे. “लाखो रुपये खर्चून यंत्रणा उभी केली जाते, मग केवळ दुरुस्तीसाठी ती का थांबवली जाते?” असा सवाल उपस्थित करत भाविकांनी प्रशासनावर ताशेरे ओढले आहेत.
”प्रशासन मोठ्या अपघाताची वाट पाहत आहे का?”
स्थानिक नागरिकांनी विचारलेला हा संतप्त सवाल आता ग्रामपंचायत प्रशासनासमोर उभा ठाकला आहे. या ठिकाणी एखादा मोठा अपघात झाल्यानंतरच प्रशासनाला जाग येईल का, असा प्रश्न नागरिक विचारत आहेत.
मुख्य मागण्या:
बंद असलेले सर्व पथदिवे युद्धपातळीवर दुरुस्त करून सुरू करावेत.
नदीकाठच्या आणि वळणावरील रस्त्यावर कायमस्वरूपी प्रकाश व्यवस्था राहील याची खबरदारी घ्यावी.
जिल्हा नियोजन समितीच्या निधीचा अपव्यय करणाऱ्या जबाबदार घटकांवर चौकशी व्हावी.
येथील पथदिव्यांची अवस्था पाहता, ‘दिव्याखाली अंधार’ अशीच काहीशी अवस्था थेऊर ग्रामपंचायतीची झाली आहे. आता वरिष्ठ प्रशासन याकडे लक्ष देऊन ग्रामपंचायतीला तातडीने कार्यवाही करण्याचे आदेश देणार का, हे पाहणे महत्त्वाचे ठरेल.
(Grievance Redressal – IT Rules 2021)
क्राईम महाराष्ट्र लाईव्ह न्यूज (Crimemaharashtra.live) हे केंद्र सरकारच्या माहिती तंत्रज्ञान नियम, २०२१ (IT Rules 2021) च्या नियम १८ अंतर्गत नोंदणीकृत आणि नियमांचे पालन करणारे अधिकृत डिजिटल न्यूज पोर्टल आहे. आमच्या पोर्टलवर प्रसिद्ध झालेल्या कोणत्याही बातमी, लेख किंवा मजकुराबाबत आपल्याला काही आक्षेप किंवा तक्रार असल्यास, आपण आमच्या मुख्य तक्रार निवारण अधिकाऱ्यांकडे लेखी नोंदणी करू शकता.
कायदा आणि नियमांनुसार आपल्या तक्रारीची २४ तासांच्या आत दखल घेऊन १५ दिवसांच्या आत त्याचे निवारण केले जाईल.
📌 मुख्य तक्रार निवारण अधिकारी (Level 1):
अधिकारी: आमीर मोहम्मद शेख (Editor & Publisher)
वेबसाईट: https://crimemaharashtra.live
अधिकृत ईमेल: crimemaharashtra.live@gmail.com
Info@crimemaharashtra.live
कार्यालयीन पत्ता: पुणे, महाराष्ट्रIn accordance with Rule 11(2)(a) of the Information Technology (Intermediary Guidelines and Digital Media Ethics Code) Rules, 2021, any person having a grievance regarding the content published on Crimemaharashtra.live may send their complaint to the designated Grievance Redressal Officer.
Grievance Officer: Amir Mohammad Shaikh (Editor & Publisher)
Website: https://crimemaharashtra.live
Official Email: crimemaharashtra.live@gmail.com
Address: Pune, Maharashtra, India.
Note: Please ensure that your complaint includes the specific URL of the news article, the date of publication, and a clear description of the grievance along with supporting documents. All grievances will be acknowledged within 24 hours and resolved within 15 days.,
