अपघाती डिव्हायडरची आरती करून प्रशासनाचा निषेध — अर्धवट बीआरटी मार्ग हटवण्यासाठी आंदोलन
विश्रांतवाडी–आळंदी रोड येथे वाढत्या अपघातांच्या पार्श्वभूमीवर अर्धवट व निकृष्ट नियोजन केलेल्या बीआरटी मार्गाविरोधात आज काँग्रेस पक्षा चे वडगवशेरी उपाध्यक्ष सचिन भोसले यांच्या वतीने अनोखे आंदोलन करण्यात आले. अपघातांना कारणीभूत ठरत असलेल्या डिव्हायडरची प्रत्यक्ष आरती करून पुणे महानगरपालिका व पीएमपीएमएल प्रशासनाचा जोरदार निषेध नोंदवण्यात आला.
मागील दोन वर्षांपासून नागरिक व काँग्रेस पक्षाकडून पालिका व पीएमपीएमएल विभागाला सातत्याने पत्रव्यवहार करूनही कोणतीही कार्यवाही करण्यात आली नाही. याशिवाय, विश्रांतवाडी परिसरात सुरू असलेल्या उड्डाणपुलाच्या कामामुळे दिवसभर ट्रॅफिकची मोठी कोंडी होत असून नागरिक त्रस्त झाले आहेत.
विशेषत: बीआरटी मार्गावरील डिव्हायडर रात्री चालकांना नीट दिसत नसल्याने अपघातांची मालिका सुरु आहे. आतापर्यंत 20 ते 25 वाहनांचे गंभीर अपघात या डिव्हायडरमुळे झाले असल्याचे निदर्शनास आले आहे. अनेक फोरव्हिलर थेट बीआरटी डिव्हायडरवर आदळून नुकसानग्रस्त झाले आहेत.
वडगावशेरी काँग्रेस ब्लॉकचे उपाध्यक्ष सचिन भोसले म्हणाले की,
> “प्रशासनाने तात्काळ दखल घेऊन अर्धवट बीआरटी मार्ग हटवावा, डिव्हायडरला योग्य लाईटिंग व रिफ्लेक्टर्स बसवावेत. अन्यथा पुढच्या काही दिवसांत आम्ही मोठे रास्ता रोको आंदोलन उभारू.”
या आंदोलनात सामाजिक कार्यकर्ते अनिकेत गंगावणे,खंडू लांडगे, नंदू राक्षे, आनंद कांबळे, सनी राव, हितेश पाटोळे,
भारत देवकुळे आदी मान्यवर उपस्थित होते.
नियम व अटी / Disclaimer:
वरील माहिती विविध ओपन सोर्स माध्यमांतून, सोशल मीडियातील चर्चांमधून तसेच उपलब्ध असलेल्या सार्वजनिक वाचन-सामग्रीवर आधारित आहे. “क्राईम महाराष्ट्र लाईव्ह न्युज” (Crime Maharashtra Live News) व त्याचे संपादक, प्रतिनिधी किंवा संबद्ध कर्मचारी या माहितीच्या संपूर्ण सत्यतेचा दावा करत नाहीत.ही माहिती केवळ जनहितार्थ, समाजजागृती व चर्चेसाठी प्रसिद्ध करण्यात आलेली आहे. कृपया वाचक/दर्शकांनी संबंधित अधिकृत यंत्रणांकडून खातरजमा करूनच कोणताही निर्णय घ्यावा. या माहितीमध्ये काही बाबी चुकीच्या, अपूर्ण किंवा कालांतराने बदललेल्या असू शकतात. त्यामुळे कोणतीही कायदेशीर अथवा प्रशासकीय कृती करण्यापूर्वी अधिकृत स्रोताची खात्री करणे अत्यावश्यक आहे.. तथापि, या बातम्यांमुळे उद्भवणाऱ्या कोणत्याही गैरसमज किंवा नुकसानीस Crime Maharashtra Live News जबाबदार राहणार नाही.> टीप: जर कोणाला आमच्या बातमीबाबत आक्षेप असल्यास, कृपया आम्हाला [crimemaharashtra.live@gmail.com] वर संपर्क करा.मोबाईल नंबर 7744808833
