पुणे, दि. १६ एप्रिल २०२६ — पुणे शहर पोलीसांकडून सुरू असलेल्या “ऑपरेशन फ्लश आऊट” मोहिमेअंतर्गत सिंहगड रोड पोलीस ठाण्याच्या हद्दीत मोठी कारवाई करत धारदार शस्त्रांसह एका आरोपीस अटक करण्यात आली आहे.
दि. १६/०४/२०२६ रोजी गुन्हे प्रतिबंधात्मक पेट्रोलिंग दरम्यान तपास पथकाचे प्रभारी अधिकारी पोलीस उपनिरीक्षक संतोष भांडवलकर, तसेच पोलीस अंमलदार विकास बांदल, संदीप कांबळे, तानाजी सागर, सागर शेडगे हे हद्दीत गस्त घालत होते. त्यावेळी पोलीस अंमलदार तानाजी सागर व संदीप कांबळे यांना त्यांच्या खास बातमीदारामार्फत माहिती मिळाली की, वडगाव बुद्रुक येथील धोंडीबा निवास बिल्डिंग परिसरात एक संशयित इसम पांढऱ्या रंगाच्या पिशवीत लोखंडी हत्यार घेऊन उभा आहे.
सदर माहिती तात्काळ पोलीस उपनिरीक्षक संतोष भांडवलकर यांना कळविण्यात आली. त्यांनी ही माहिती वरिष्ठ अधिकाऱ्यांना देत खात्री करून योग्य ती कारवाई करण्याचे आदेश प्राप्त केले. त्यानुसार पोलीस पथकाने तातडीने घटनास्थळी जाऊन पाहणी केली असता, एक इसम बिल्डिंगच्या पार्किंगमध्ये संशयास्पद स्थितीत उभा असल्याचे दिसून आले.
पोलिसांना पाहताच त्या इसमाने पळून जाण्याचा प्रयत्न केला. मात्र पोलिसांनी तत्परतेने त्याचा पाठलाग करून त्यास ताब्यात घेतले. चौकशीत त्याने आपले नाव संकेत बालाजी गायकवाड (वय २७ वर्षे, रा. पीएमसी शाळेमागे, गोसावी वस्ती, वडगाव बुद्रुक, पुणे) असे सांगितले.
त्याची अंगझडती घेतली असता त्याच्याकडून अंदाजे ८०० रुपये किंमतीचा लोखंडी कोयता जप्त करण्यात आला. त्यानंतर करण्यात आलेल्या घरझडतीत आरोपीकडून एक लोखंडी धारदार हत्यार व एक लोखंडी तलवार देखील हस्तगत करण्यात आली.
या प्रकरणी सिंहगड रोड पोलीस ठाण्यात गुन्हा रजिस्टर क्रमांक ९५४/२०२६ नोंदविण्यात आला असून, आरोपीविरुद्ध आर्म्स अॅक्ट कलम ४(२५) तसेच महाराष्ट्र पोलीस अधिनियम कलम ३७(१)(३) सह १३५ अन्वये गुन्हा दाखल करण्यात आला आहे. सदर गुन्ह्याचा पुढील तपास पोलीस अंमलदार विकास बांदल करीत आहेत.
ही कारवाई मा. अपर पोलीस आयुक्त (पश्चिम प्रादेशिक विभाग) श्री. राजेश बनसोडे, मा. पोलीस उपआयुक्त (परिमंडळ-३) श्री. संभाजी कदम, तसेच मा. सहायक पोलीस आयुक्त, सिंहगड रोड विभाग श्री. अजय परमार यांच्या मार्गदर्शनाखाली पार पडली.
तसेच वरिष्ठ पोलीस निरीक्षक श्री. विनय पाटणकर व पोलीस निरीक्षक (गुन्हे) श्री. समीर गायकवाड यांच्या सूचनेनुसार ही कारवाई करण्यात आली.
या उल्लेखनीय कारवाईमध्ये
पोलीस उपनिरीक्षक संतोष भांडवलकर,
पोलीस अंमलदार उत्तम तारू, आण्णा केकाण, विकास बांदल, सतीश मोरे, राहुल ओलेकर, सागर शेडगे, तानाजी सागर, संदीप कांबळे, समीर माळवदकर, विनायक मोहिते व शिरीष गावडे
यांच्या पथकाने सक्रिय सहभाग घेतला.
पुणे शहरातील गुन्हेगारीवर नियंत्रण मिळवण्यासाठी “ऑपरेशन फ्लश आऊट” अंतर्गत अशा धडक कारवाया सातत्याने सुरू राहणार असल्याचा इशारा पोलिसांनी दिला आहे.
नियम व अटी / Disclaimer:
वरील माहिती विविध ओपन सोर्स माध्यमांतून, सोशल मीडियातील चर्चांमधून तसेच उपलब्ध असलेल्या सार्वजनिक वाचन-सामग्रीवर आधारित आहे. “क्राईम महाराष्ट्र लाईव्ह न्युज” (Crime Maharashtra Live News) व त्याचे संपादक, प्रतिनिधी किंवा संबद्ध कर्मचारी या माहितीच्या संपूर्ण सत्यतेचा दावा करत नाहीत.ही माहिती केवळ जनहितार्थ, समाजजागृती व चर्चेसाठी प्रसिद्ध करण्यात आलेली आहे. कृपया वाचक/दर्शकांनी संबंधित अधिकृत यंत्रणांकडून खातरजमा करूनच कोणताही निर्णय घ्यावा. या माहितीमध्ये काही बाबी चुकीच्या, अपूर्ण किंवा कालांतराने बदललेल्या असू शकतात. त्यामुळे कोणतीही कायदेशीर अथवा प्रशासकीय कृती करण्यापूर्वी अधिकृत स्रोताची खात्री करणे अत्यावश्यक आहे.. तथापि, या बातम्यांमुळे उद्भवणाऱ्या कोणत्याही गैरसमज किंवा नुकसानीस Crime Maharashtra Live News जबाबदार राहणार नाही.> टीप: जर कोणाला आमच्या बातमीबाबत आक्षेप असल्यास, कृपया आम्हाला [crimemaharashtra.live@gmail.com] वर संपर्क करा.मोबाईल नंबर 7744808833
