गणेश पेठेतील सार्वजनिक स्वच्छतागृहाची दुरवस्था; नागरिक त्रस्त, प्रशासनाकडे दुर्लक्षाचा आरोप
पुणे : शहरातील मध्यवर्ती भाग असलेल्या 443, गणेश पेठ – नवीन दूध भट्टी परिसरातील सार्वजनिक स्वच्छतागृहाची अत्यंत दयनीय अवस्था झाल्याची गंभीर बाब समोर आली आहे. स्वच्छतागृहात मोठ्या प्रमाणात घाण साचलेली असून अनेक दिवसांपासून साफसफाई न झाल्यामुळे परिसरात दुर्गंधी पसरली आहे. याशिवाय या ठिकाणी पाण्याची कोणतीही सुविधा उपलब्ध नसल्याने नागरिकांना मोठ्या अडचणींचा सामना करावा लागत आहे.
स्थानिक नागरिकांच्या म्हणण्यानुसार, या स्वच्छतागृहाबाबत पुणे महानगरपालिकेकडे अनेक वेळा तक्रारी देण्यात आल्या आहेत, मात्र त्यावर अद्याप कोणतीही ठोस कारवाई झालेली नाही. प्रशासनाच्या या दुर्लक्षामुळे परिसरातील रहिवाशांमध्ये तीव्र नाराजी व्यक्त होत आहे.
या स्वच्छतागृहाचा वापर दररोज मोठ्या संख्येने नागरिक करतात. विशेषतः जेष्ठ नागरिक, महिला व स्थानिक रहिवासी यांना या अस्वच्छ परिस्थितीमुळे मोठा त्रास सहन करावा लागत आहे. स्वच्छतागृहातील अस्वच्छता आणि पाण्याचा अभाव यामुळे आरोग्याच्या समस्या निर्माण होण्याची भीती नागरिकांनी व्यक्त केली आहे.
दरम्यान, या संदर्भात राष्ट्रीय दलित पॅंथर सेना, पुणे शहर युवक अध्यक्ष सोहम भाऊ नवले यांच्याकडेही नागरिकांनी लेखी तक्रार दिली आहे. नागरिकांच्या अडचणी लक्षात घेऊन संबंधित प्रशासनाने तात्काळ दखल घेऊन स्वच्छतागृहाची साफसफाई, पाणीपुरवठा व नियमित देखभाल व्यवस्था सुरू करावी, अशी मागणी स्थानिकांकडून करण्यात येत आहे.
नागरिकांचे म्हणणे आहे की, शहर स्वच्छतेबाबत मोठमोठे दावे करणाऱ्या महानगरपालिकेने प्रत्यक्षात अशा मूलभूत सुविधांकडे तातडीने लक्ष देणे आवश्यक आहे, अन्यथा आंदोलनाचा इशाराही स्थानिकांकडून देण्यात येत आहे
नियम व अटी / Disclaimer:
वरील माहिती विविध ओपन सोर्स माध्यमांतून, सोशल मीडियातील चर्चांमधून तसेच उपलब्ध असलेल्या सार्वजनिक वाचन-सामग्रीवर आधारित आहे. “क्राईम महाराष्ट्र लाईव्ह न्युज” (Crime Maharashtra Live News) व त्याचे संपादक, प्रतिनिधी किंवा संबद्ध कर्मचारी या माहितीच्या संपूर्ण सत्यतेचा दावा करत नाहीत.ही माहिती केवळ जनहितार्थ, समाजजागृती व चर्चेसाठी प्रसिद्ध करण्यात आलेली आहे. कृपया वाचक/दर्शकांनी संबंधित अधिकृत यंत्रणांकडून खातरजमा करूनच कोणताही निर्णय घ्यावा. या माहितीमध्ये काही बाबी चुकीच्या, अपूर्ण किंवा कालांतराने बदललेल्या असू शकतात. त्यामुळे कोणतीही कायदेशीर अथवा प्रशासकीय कृती करण्यापूर्वी अधिकृत स्रोताची खात्री करणे अत्यावश्यक आहे.. तथापि, या बातम्यांमुळे उद्भवणाऱ्या कोणत्याही गैरसमज किंवा नुकसानीस Crime Maharashtra Live News जबाबदार राहणार नाही.> टीप: जर कोणाला आमच्या बातमीबाबत आक्षेप असल्यास, कृपया आम्हाला [crimemaharashtra.live@gmail.com] वर संपर्क करा.मोबाईल नंबर 7744808833
