दिवाळीच्या पार्श्वभूमीवर अंध, अपंग, दिव्यांग व विधवा महिलांना फराळ वाटप
कोथरूड : श्रीपाद वल्लभ फाउंडेशन व रायझिंग फाऊंडेशन मिराज संस्थेच्या वतीने प्रभाग क्रमांक 10 मधील अंध, अपंग, दिव्यांग बांधव व विधवा महिलांना दिवाळी फराळ वाटपाचा कार्यक्रम उत्साहात पार पडला. या कार्यक्रमाचे उद्घाटन कोथरूड पोलिस स्टेशनचे पोलीस निरीक्षक अनिल माने यांच्या हस्ते करण्यात आले.
यावेळी प्रमुख पाहुणे म्हणून सामाजिक कार्यकर्ते प्रसाद सपकाळ, राष्ट्रवादी काँग्रेसचे उपाध्यक्ष सिताराम तोंडे पाटील, वसुंधरा फाऊंडेशनचे अध्यक्ष धनंजय झुरुगे, राजीव गांधी पंचायत राज संघटनेचे अध्यक्ष सागर धाडवे, शिवसेना शहर प्रसिद्धीप्रमुख अनंत घरत, तसेच हनुमंत गायकवाड, बंटी जाधव, विकी कांबळे, आप्पा कांबळे, माणिक थोरात, आकाश देवकळे, आकाश गायकवाड, सुनंदाताई बामणे, रंजनाताई पवार, ज्योतीताई जाधव आदी मान्यवर उपस्थित होते.
या वेळी सर्व दिव्यांग बांधवांनी समाधान व्यक्त केले.
कार्यक्रमाचे संयोजन श्रीपाद वल्लभ फाउंडेशनचे अध्यक्ष किशोर मारणे, मिराज सेवा संस्थेच्या अध्यक्षा सुरेखाताई किशोर मारणे आणि किरण मारणे यांनी केले होते.
दिवाळीच्या आनंदात समाजातील वंचित घटकांना सामील करून घेण्याचा या उपक्रमाचा हेतू सर्वांनी कौतुकास्पद मानला.
नियम व अटी / Disclaimer:
वरील माहिती विविध ओपन सोर्स माध्यमांतून, सोशल मीडियातील चर्चांमधून तसेच उपलब्ध असलेल्या सार्वजनिक वाचन-सामग्रीवर आधारित आहे. “क्राईम महाराष्ट्र लाईव्ह न्युज” (Crime Maharashtra Live News) व त्याचे संपादक, प्रतिनिधी किंवा संबद्ध कर्मचारी या माहितीच्या संपूर्ण सत्यतेचा दावा करत नाहीत.ही माहिती केवळ जनहितार्थ, समाजजागृती व चर्चेसाठी प्रसिद्ध करण्यात आलेली आहे. कृपया वाचक/दर्शकांनी संबंधित अधिकृत यंत्रणांकडून खातरजमा करूनच कोणताही निर्णय घ्यावा. या माहितीमध्ये काही बाबी चुकीच्या, अपूर्ण किंवा कालांतराने बदललेल्या असू शकतात. त्यामुळे कोणतीही कायदेशीर अथवा प्रशासकीय कृती करण्यापूर्वी अधिकृत स्रोताची खात्री करणे अत्यावश्यक आहे.. तथापि, या बातम्यांमुळे उद्भवणाऱ्या कोणत्याही गैरसमज किंवा नुकसानीस Crime Maharashtra Live News जबाबदार राहणार नाही.> टीप: जर कोणाला आमच्या बातमीबाबत आक्षेप असल्यास, कृपया आम्हाला [crimemaharashtra.live@gmail.com] वर संपर्क करा.मोबाईल नंबर 7744808833
