पुणे: पुणे शहरातील अंमली पदार्थांच्या अवैध विक्रीवर लगाम लावण्यासाठी पुणे पोलीस आयुक्तालयाने विशेष मोहीम हाती घेतली आहे. या मोहिमेअंतर्गत अमली पदार्थ विरोधी पथकाने कोंढवा भागात छापा टाकून २२ किलो गांजासह दोघांना अटक केली आहे.
गोपनीय बातमीवरून कारवाई
दिनांक २९/०४/२०२६ रोजी परिमंडळ ०५ चे पोलीस अधिकारी व अंमलदार हद्दीत पेट्रोलिंग करत असताना पोलीस उप निरीक्षक अल्फाज शेख यांना एक विश्वासार्ह बातमी मिळाली. कोंढवा पोलीस स्टेशनच्या हद्दीतील गल्ली नं. ३०, शिवनेरीनगर, कोंढवा खुर्द येथे एक महिला आणि एक पुरुष ओळखीच्या लोकांना गांजा विकत असल्याची माहिती पोलिसांना मिळाली होती.
या माहितीची खात्री पटल्यानंतर पोलीस उप आयुक्त श्रीमती राजलक्ष्मी शिवणकर यांनी तात्काळ कारवाईचे आदेश दिले. त्यानुसार परिमंडळ ०५ चे पथक आणि कोंढवा पोलीस स्टेशनच्या पथकाने संयुक्तपणे त्या ठिकाणी छापा टाकला.
दोघांना बेड्या आणि मुद्देमाल जप्त
या छाप्यात पोलिसांनी खालील दोन आरोपींना अटक केली आहे:
यास्मीन करीम शेख (वय ४५ वर्षे, रा. शिवनेरीनगर, कोंढवा).
आमिर समीर शेख (वय १९ वर्षे).
आरोपींच्या ताब्यातून पोलिसांनी २१.१९८ किलो ग्रॅम गांजा, रोख रक्कम, मोबाईल आणि इतर साहित्य असा एकूण ९,७४,९६०/- रुपयांचा मुद्देमाल जप्त केला आहे. याप्रकरणी कोंढवा पोलीस स्टेशनमध्ये एन.डी.पी.एस. (NDPS) अॅक्ट कलम 8(c), 20(b)(ii)(B), २९ अन्वये गुन्हा (गु.र.नं ३२८/२०२६) दाखल करण्यात आला आहे. या गुन्ह्याचा पुढील तपास पोलीस निरीक्षक जगताप करत आहेत.
तपास पथक
ही यशस्वी कामगिरी अपर पोलीस आयुक्त श्री. मनोज पाटील आणि पोलीस उप आयुक्त श्रीमती राजलक्ष्मी शिवणकर यांच्या मार्गदर्शनाखाली पूर्ण करण्यात आली. या पथकात खालील अधिकारी व अंमलदारांचा समावेश होता:
अधिकारी: वपोनि कुमार घाडगे, पोलीस उप निरीक्षक अल्फाज शेख आणि रविंद्र गावडे.
पोलीस अंमलदार: प्रविण उत्तेकर, सर्फराज देशमुख, कैलास सपकाळ, हणमंत कांबळे, पुजा चोरमले, विशाल मेमाणे, अमोल हिरवे, स्वागत पळसे, अमित सुर्यवंशी, शंकर माटे, सिध्देश झेंडे आणि दत्तात्रय धुमाळ.
महिला पोलीस अंमलदार: पुजा नागरगोजे आणि आर्या सांळुके.
नियम व अटी / Disclaimer:
वरील माहिती विविध ओपन सोर्स माध्यमांतून, सोशल मीडियातील चर्चांमधून तसेच उपलब्ध असलेल्या सार्वजनिक वाचन-सामग्रीवर आधारित आहे. “क्राईम महाराष्ट्र लाईव्ह न्युज” (Crime Maharashtra Live News) व त्याचे संपादक, प्रतिनिधी किंवा संबद्ध कर्मचारी या माहितीच्या संपूर्ण सत्यतेचा दावा करत नाहीत.ही माहिती केवळ जनहितार्थ, समाजजागृती व चर्चेसाठी प्रसिद्ध करण्यात आलेली आहे. कृपया वाचक/दर्शकांनी संबंधित अधिकृत यंत्रणांकडून खातरजमा करूनच कोणताही निर्णय घ्यावा. या माहितीमध्ये काही बाबी चुकीच्या, अपूर्ण किंवा कालांतराने बदललेल्या असू शकतात. त्यामुळे कोणतीही कायदेशीर अथवा प्रशासकीय कृती करण्यापूर्वी अधिकृत स्रोताची खात्री करणे अत्यावश्यक आहे.. तथापि, या बातम्यांमुळे उद्भवणाऱ्या कोणत्याही गैरसमज किंवा नुकसानीस Crime Maharashtra Live News जबाबदार राहणार नाही.> टीप: जर कोणाला आमच्या बातमीबाबत आक्षेप असल्यास, कृपया आम्हाला [crimemaharashtra.live@gmail.com] वर संपर्क करा.मोबाईल नंबर 7744808833
