पुणे:
पुणे शहर पोलीस आयुक्तालयाच्या हद्दीत गंभीर गुन्हे करणाऱ्या गुन्हेगारांविरुद्ध कडक मोहीम राबवली जात आहे. या मोहिमेत गुन्हे शाखा युनिट ३ च्या पथकाने मोठी कामगिरी बजावत, निलेश घायवळ टोळीवरील मोक्का (MCOCA) गुन्ह्यातील ८ महिन्यांपासून फरार असलेला आरोपी गुरूदत्त गुणाजी साळवे याला सोलापूर जिल्ह्यातून शिताफीने अटक केली आहे.
पार्श्वभूमी आणि गुन्हे
आरोपी गुरूदत्त गुणाजी साळवे (वय ४४ वर्षे, रा. कोथरुड, पुणे) हा निलेश घायवळ टोळीचा सक्रिय सदस्य असून, त्याच्यावर कोथरुड पोलीस स्टेशनमध्ये दोन गंभीर गुन्हे दाखल आहेत:
गु.र.क्र. २५०/२०२५: भा.न्या.सं. कलम १०९, ३५२, ३५१, १८९(१), १८९(४), १९१(२), १९०, १११(२), ६१(२), ४९, ३(५) सह आर्म ॲक्ट ३, २५, २७ व मोक्का कायदा कलम ३(१)(ii), ३(२), ३(४).
गु.र.क्र. २५१/२०२५: भा.न्या.सं. कलम १०९, ३५२, ३५१, १८९(१), १८९(४), १९१(२), १९०, १११(२), ६१(२), ४९, ३(५) सह आर्म ॲक्ट ३, ४, २५ व मोक्का कायदा कलम ३(१)(ii), ३(२), ३(४).
तपास आणि अटक प्रक्रिया
गेल्या ८ महिन्यांपासून पोलीस साळवेचा शोध घेत होते. तो स्वतःची ओळख लपवून सोलापूर जिल्ह्यातील सांगोला तालुक्यात राहत असल्याची खात्रीशीर माहिती युनिट ३ चे पोलीस अंमलदार संदिप शेळके यांना गोपनीय बातमीदारांमार्फत मिळाली.
वरिष्ठांच्या परवानगीने पोलीस उप-निरीक्षक गणेश फरताडे, पोलीस अंमलदार मारूती पारधी, संदिप शेळके, अतुल साठे व वाघस्कर यांचे एक विशेष पथक तातडीने सोलापूरला रवाना झाले. या पथकाने सलग दोन दिवस आरोपीचा पाठलाग केला आणि अखेर सांगोला तालुक्यातील निजामपूर गावातून त्याला शिताफीने ताब्यात घेतले. आरोपीला सुरक्षितपणे पुण्यात आणून पुढील तपासासाठी सहाय्यक पोलीस आयुक्त गुन्हे शाखा १ यांच्यासमोर हजर करण्यात आले आहे.
तपास पथकातील अधिकारी व कर्मचारी
सदरची यशस्वी कामगिरी ही मा. अपर पोलीस आयुक्त (गुन्हे) श्री. पंकज देशमुख, मा. पोलीस उप-आयुक्त (गुन्हे) श्री. विवेक मासाळ, आणि सहा. पोलीस आयुक्त (गुन्हे-१) श्री. शैलेश संखे यांच्या मार्गदर्शनाखाली पार पडली.
या मोहिमेत गुन्हे शाखा युनिट ३ चे वरिष्ठ पोलीस निरीक्षक श्री. प्रशांत अन्नछत्रे यांच्या सूचनेनुसार खालील पथकाने सहभाग घेतला:
सहा. पोलीस निरीक्षक ज्ञानेश्वर ढवळे
पोलीस उप-निरीक्षक गणेश फरताडे
पोलीस अंमलदार: पंढरीनाथ शिंदे, मुकुंद तारु, मारूती पारधी, अमोल काटकर, संदिप शेळके, मो. हनिफ शौकत शेख, कैलास लिम्हण, अतुल साठे, महेंद्र तुपसौंदर, अर्चना वाघमारे, अनुष्का जगदाळे, पुरुषोत्तम गुन्ला, योगेश झेंडे, तुषार किंद्रे आणि विपुन गायकवाड.
या कारवाईमुळे निलेश घायवळ टोळीला मोठा धक्का बसला असून, पुणे पोलिसांनी फरार गुन्हेगारांना स्पष्ट इशारा दिला आहे.
नियम व अटी / Disclaimer:
वरील माहिती विविध ओपन सोर्स माध्यमांतून, सोशल मीडियातील चर्चांमधून तसेच उपलब्ध असलेल्या सार्वजनिक वाचन-सामग्रीवर आधारित आहे. “क्राईम महाराष्ट्र लाईव्ह न्युज” (Crime Maharashtra Live News) व त्याचे संपादक, प्रतिनिधी किंवा संबद्ध कर्मचारी या माहितीच्या संपूर्ण सत्यतेचा दावा करत नाहीत.ही माहिती केवळ जनहितार्थ, समाजजागृती व चर्चेसाठी प्रसिद्ध करण्यात आलेली आहे. कृपया वाचक/दर्शकांनी संबंधित अधिकृत यंत्रणांकडून खातरजमा करूनच कोणताही निर्णय घ्यावा. या माहितीमध्ये काही बाबी चुकीच्या, अपूर्ण किंवा कालांतराने बदललेल्या असू शकतात. त्यामुळे कोणतीही कायदेशीर अथवा प्रशासकीय कृती करण्यापूर्वी अधिकृत स्रोताची खात्री करणे अत्यावश्यक आहे.. तथापि, या बातम्यांमुळे उद्भवणाऱ्या कोणत्याही गैरसमज किंवा नुकसानीस Crime Maharashtra Live News जबाबदार राहणार नाही.> टीप: जर कोणाला आमच्या बातमीबाबत आक्षेप असल्यास, कृपया आम्हाला [crimemaharashtra.live@gmail.com] वर संपर्क करा.मोबाईल नंबर 7744808833
