पुणे:
येरवडा खुल्या कारागृहातून कायदेशीर रखवालीतून पळून गेलेल्या एका जन्मठेपेच्या आरोपीला पुणे पोलीस गुन्हे शाखा युनिट-१ च्या पथकाने शिताफीने अटक केली आहे. जनार्दन शंकर अडसुळे असे या आरोपीचे नाव असून, तो खुनाच्या गुन्ह्यात शिक्षा भोगत होता.
नेमकी घटना काय?
आरोपी जनार्दन शंकर अडसुळे (वय ३५ वर्षे, रा. पीएमसी कॉलनी नं. १०, कासेवाडी, भवानी पेठ, पुणे) याला २०१७ मधील एका खुनाच्या गुन्ह्यात (खडक पोलीस ठाणे गु.र.नं. १०३/२०१७, भादवि कलम ३०२, १८२) अतिरिक्त सत्र न्यायालयाने जन्मठेपेची शिक्षा सुनावली होती.
दिनांक १२ मे २०२६ रोजी दुपारी २:०० ते संध्याकाळी ६:०० वाजेच्या दरम्यान, शिक्षा चुकवण्याच्या हेतूने तो येरवडा खुल्या कारागृहातून पळून गेला होता. याप्रप्रकरणी येरवडा कारागृहाचे सुभेदार चंद्रकांत सयाजी खांदवे यांनी येरवडा पोलीस ठाण्यात तक्रार दाखल केली होती, ज्यानुसार बीएनएस कलम २६२ प्रमाणे गुन्हा (गु.र.नं. २२३/२०२६) दाखल करण्यात आला होता.
अशी झाली अटक
दिनांक १४ मे २०२६ रोजी गुन्हे शाखा युनिट-१ चे पथक खडक पोलीस ठाण्याच्या हद्दीत पेट्रोलिंग करत असताना पोलीस अंमलदार अनिकेत बाबर व उमेश मठपती यांना त्यांच्या गुप्त बातमीदाराकडून महत्त्वाची माहिती मिळाली. २०१७ मधील मर्डर केस मधील आरोपी जनार्दन अडसुळे हा जेलमधून पळून आला असून तो सध्या कासेवाडी येथील म्हसोबा मंदिराजवळ थांबला आहे, अशी माहिती प्राप्त झाली.
मिळालेल्या माहितीची खात्री केल्यानंतर वरिष्ठ पोलीस निरीक्षक अजित जाधव यांच्या नेतृत्वाखालील पथकाने सापळा रचून दुपारी १२:३० वाजता आरोपीला ताब्यात घेतले. चौकशीदरम्यान आरोपीने कबुली दिली की, कासेवाडी येथे राहणाऱ्या त्याच्या आत्याची तब्येत अत्यंत खराब असल्याने त्यांना भेटण्यासाठी तो कोणालाही न सांगता कारागृहातून पळून आला होता.
तपास पथक
ही यशस्वी कारवाई पुणे शहराचे पोलीस आयुक्त अमितेश कुमार, सह पोलीस आयुक्त रंजनकुमार शर्मा, अपर पोलीस आयुक्त (गुन्हे) पंकज देशमुख, पोलीस उप आयुक्त (गुन्हे) विवेक मासाळ आणि सहाय्यक पोलीस आयुक्त (गुन्हे-१) शैलेश संखे यांच्या मार्गदर्शनाखाली करण्यात आली.
या पथकात खालील पोलीस अंमलदारांचा समावेश होता:
वरीष्ठ पोलीस निरीक्षक अजित जाधव
पोलीस अंमलदार: अनिकेत बाबर, शशिकांत दरेकर, उमेश मठपती, निलेश साबळे, अविनाश दळवी, सुहास डोंगरे, युवराज कांबळे, हेमंत पेरणे
महिला अंमलदार: रुक्साना नदाफ, मयुरी जाधव
आरोपी जनार्दन अडसुळे याला पुढील कायदेशीर कारवाईसाठी येरवडा पोलीस ठाण्याच्या ताब्यात देण्यात आले आहे.
नियम व अटी / Disclaimer:
वरील माहिती विविध ओपन सोर्स माध्यमांतून, सोशल मीडियातील चर्चांमधून तसेच उपलब्ध असलेल्या सार्वजनिक वाचन-सामग्रीवर आधारित आहे. “क्राईम महाराष्ट्र लाईव्ह न्युज” (Crime Maharashtra Live News) व त्याचे संपादक, प्रतिनिधी किंवा संबद्ध कर्मचारी या माहितीच्या संपूर्ण सत्यतेचा दावा करत नाहीत.ही माहिती केवळ जनहितार्थ, समाजजागृती व चर्चेसाठी प्रसिद्ध करण्यात आलेली आहे. कृपया वाचक/दर्शकांनी संबंधित अधिकृत यंत्रणांकडून खातरजमा करूनच कोणताही निर्णय घ्यावा. या माहितीमध्ये काही बाबी चुकीच्या, अपूर्ण किंवा कालांतराने बदललेल्या असू शकतात. त्यामुळे कोणतीही कायदेशीर अथवा प्रशासकीय कृती करण्यापूर्वी अधिकृत स्रोताची खात्री करणे अत्यावश्यक आहे.. तथापि, या बातम्यांमुळे उद्भवणाऱ्या कोणत्याही गैरसमज किंवा नुकसानीस Crime Maharashtra Live News जबाबदार राहणार नाही.> टीप: जर कोणाला आमच्या बातमीबाबत आक्षेप असल्यास, कृपया आम्हाला [crimemaharashtra.live@gmail.com] वर संपर्क करा.मोबाईल नंबर 7744808833
