तांबोळी मशिदीत इफ्तार पार्टी; पोलीस अधिकाऱ्यांची उपस्थिती
पुणे : रमजान महिन्याच्या पार्श्वभूमीवर पुणे शहरातील तांबोळी मशिदीत मुस्लिम बांधवांच्या वतीने इफ्तार पार्टीचे आयोजन करण्यात आले होते. या कार्यक्रमाला पुणे शहर पोलीस दलातील वरिष्ठ अधिकाऱ्यांनी उपस्थित राहून मुस्लिम बांधवांशी संवाद साधला तसेच रमजान महिन्याच्या शुभेच्छा दिल्या.
या इफ्तार कार्यक्रमाला पोलीस उपायुक्त परिमंडळ-१, पुणे शहर मा. श्री. ऋषिकेश रावले यांची प्रमुख उपस्थिती होती. तसेच फरासखाना पोलीस स्टेशनचे वरिष्ठ पोलीस निरीक्षक श्री. प्रशांत भस्मे, खडक पोलीस स्टेशनचे वरिष्ठ पोलीस निरीक्षक श्री. शशिकांत चव्हाण, विश्रामबाग पोलीस स्टेशनचे वरिष्ठ पोलीस निरीक्षक श्री. प्रदीप कसबे आणि समर्थ पोलीस स्टेशनचे वरिष्ठ पोलीस निरीक्षक श्री. जयंत राजूरकर हेही कार्यक्रमाला उपस्थित होते.
यावेळी सामाजिक कार्यकर्ते आसिफ इब्राहिम इनामदार यांनी उपस्थित मान्यवरांचे स्वागत केले. रमजान महिन्यातील उपवास सोडल्यानंतर सर्वांनी एकत्र येत इफ्तार केला आणि समाजात बंधुभाव, शांतता व सामाजिक ऐक्याचा संदेश दिला.
या कार्यक्रमामुळे विविध समाजघटकांमध्ये सलोखा आणि एकोप्याचे वातावरण निर्माण झाले असून उपस्थितांनी रमजान महिन्याच्या पवित्रतेबद्दल आपले विचार व्यक्त केले.
(क्राईम महाराष्ट्र लाईव्ह न्यूज)
नियम व अटी / Disclaimer:
वरील माहिती विविध ओपन सोर्स माध्यमांतून, सोशल मीडियातील चर्चांमधून तसेच उपलब्ध असलेल्या सार्वजनिक वाचन-सामग्रीवर आधारित आहे. “क्राईम महाराष्ट्र लाईव्ह न्युज” (Crime Maharashtra Live News) व त्याचे संपादक, प्रतिनिधी किंवा संबद्ध कर्मचारी या माहितीच्या संपूर्ण सत्यतेचा दावा करत नाहीत.ही माहिती केवळ जनहितार्थ, समाजजागृती व चर्चेसाठी प्रसिद्ध करण्यात आलेली आहे. कृपया वाचक/दर्शकांनी संबंधित अधिकृत यंत्रणांकडून खातरजमा करूनच कोणताही निर्णय घ्यावा. या माहितीमध्ये काही बाबी चुकीच्या, अपूर्ण किंवा कालांतराने बदललेल्या असू शकतात. त्यामुळे कोणतीही कायदेशीर अथवा प्रशासकीय कृती करण्यापूर्वी अधिकृत स्रोताची खात्री करणे अत्यावश्यक आहे.. तथापि, या बातम्यांमुळे उद्भवणाऱ्या कोणत्याही गैरसमज किंवा नुकसानीस Crime Maharashtra Live News जबाबदार राहणार नाही.> टीप: जर कोणाला आमच्या बातमीबाबत आक्षेप असल्यास, कृपया आम्हाला [crimemaharashtra.live@gmail.com] वर संपर्क करा.मोबाईल नंबर 7744808833
