पुणे: हडपसर परिसरातील एका मसाज सेंटरमध्ये सुरू असलेल्या वेश्याव्यवसायाचा पुणे पोलीस गुन्हे शाखेने पर्दाफाश केला आहे. ‘एस.पी. बॉडी फिटनेस’ या मसाज सेंटरवर टाकलेल्या छाप्यात ५ पीडित महिलांची सुटका करण्यात आली असून, ५५ वर्षीय महिला चालकाला अटक करण्यात आली आहे.
नेमकी घटना काय?
हडपसर गाडीतळ येथील वैभव थिएटर शेजारी असलेल्या ‘भोसले आर्केड’ इमारतीमधील शॉप नं. २ मध्ये “एस.पी. बॉडी फिटनेस” या नावाने मसाज सेंटर चालवले जात होते. या सेंटरमध्ये मसाजच्या नावाखाली महिलांकडून वेश्याव्यवसाय करून घेतला जात असल्याची गोपनीय माहिती अनैतिक मानवी वाहतूक व व्यापार प्रतिबंध कक्षाला (AHTU) मिळाली होती.
मिळालेल्या माहितीची पडताळणी करण्यासाठी पोलीस निरीक्षक छगन कापसे यांच्या मार्गदर्शनाखाली बनावट ग्राहक पाठवून खात्री करण्यात आली. खात्री पटताच पोलिसांनी दिनांक ८ मे २०२६ रोजी तिथे अचानक छापा टाकला. या कारवाईत मसाज सेंटरमध्ये असलेल्या ५ पीडित महिलांची सुटका करण्यात आली.
मॅनेजरला अटक
या मसाज सेंटरची मालकीण आणि मॅनेजर आशा मुकेश गोरे (वय ५५ वर्ष, रा. गंगा व्हिलेज हांडेवाडी, हडपसर) हिला पोलिसांनी ताब्यात घेतले आहे. तिच्या विरुद्ध हडपसर पोलीस स्टेशनमध्ये भारतीय न्याय संहिता (भा.न्या.स.) कलम १४३ (१) (३) आणि अनैतिक मानवी वाहतूक प्रतिबंध कायदा १९५६ चे कलम ३, ४, ५ नुसार गुन्हा दाखल करण्यात आला आहे.
या पथकाने केली कारवाई
ही कारवाई पुणे शहराचे पोलीस आयुक्त अमितेश कुमार, सह पोलीस आयुक्त रंजनकुमार शर्मा, अपर पोलीस आयुक्त (गुन्हे) पंकज देशमुख, पोलीस उप-आयुक्त (गुन्हे) विवेक मासाळ आणि सहाय्यक पोलीस आयुक्त विजय कुंभार यांच्या मार्गदर्शनाखाली करण्यात आली.
या पथकात पोलीस निरीक्षक छगन कापसे, पोलीस उप निरीक्षक विशांत चव्हाण, तसेच पोलीस अंमलदार आंधळे, भिवरकर, जाधव, केदार, रसाळ, कोंडे आणि महिला पोलीस अंमलदार खेडेकर यांचा समावेश होता.
(Grievance Redressal – IT Rules 2021)
क्राईम महाराष्ट्र लाईव्ह न्यूज (Crimemaharashtra.live) हे केंद्र सरकारच्या माहिती तंत्रज्ञान नियम, २०२१ (IT Rules 2021) च्या नियम १८ अंतर्गत नोंदणीकृत आणि नियमांचे पालन करणारे अधिकृत डिजिटल न्यूज पोर्टल आहे. आमच्या पोर्टलवर प्रसिद्ध झालेल्या कोणत्याही बातमी, लेख किंवा मजकुराबाबत आपल्याला काही आक्षेप किंवा तक्रार असल्यास, आपण आमच्या मुख्य तक्रार निवारण अधिकाऱ्यांकडे लेखी नोंदणी करू शकता.
कायदा आणि नियमांनुसार आपल्या तक्रारीची २४ तासांच्या आत दखल घेऊन १५ दिवसांच्या आत त्याचे निवारण केले जाईल.
📌 मुख्य तक्रार निवारण अधिकारी (Level 1):
अधिकारी: आमीर मोहम्मद शेख (Editor & Publisher)
वेबसाईट: https://crimemaharashtra.live
अधिकृत ईमेल: crimemaharashtra.live@gmail.com
Info@crimemaharashtra.live
कार्यालयीन पत्ता: पुणे, महाराष्ट्रIn accordance with Rule 11(2)(a) of the Information Technology (Intermediary Guidelines and Digital Media Ethics Code) Rules, 2021, any person having a grievance regarding the content published on Crimemaharashtra.live may send their complaint to the designated Grievance Redressal Officer.
Grievance Officer: Amir Mohammad Shaikh (Editor & Publisher)
Website: https://crimemaharashtra.live
Official Email: crimemaharashtra.live@gmail.com
Address: Pune, Maharashtra, India.
Note: Please ensure that your complaint includes the specific URL of the news article, the date of publication, and a clear description of the grievance along with supporting documents. All grievances will be acknowledged within 24 hours and resolved within 15 days.,
