मौजे आव्हाळवाडी येथे मोफत महाआरोग्य शिबिरास नागरिकांचा उत्स्फूर्त प्रतिसाद
मौजे आव्हाळवाडी (ता. हवेली) येथे सौ. पल्लवी युवराज काकडे यांच्या पुढाकाराने आयोजित करण्यात आलेल्या मोफत सर्वरोग निदान महाआरोग्य शिबिरास नागरिकांनी मोठ्या उत्साहाने प्रतिसाद दिला. या शिबिरात तब्बल 1380 हून अधिक नागरिकांनी सहभाग नोंदवत आरोग्य तपासणी करून घेतली.
शिबिरात 900 नागरिकांची डोळ्यांची तपासणी करण्यात आली. त्यापैकी 753 नागरिकांना मोफत चष्म्यांचे वाटप करण्यात आले. तसेच 47 रुग्णांमध्ये मोतीबिंदूचे निदान झाल्याने येत्या काही दिवसांत सर्वांची मोफत शस्त्रक्रिया करण्यात येणार असल्याची माहिती आरोग्यदूत युवराज काकडे यांनी दिली. याशिवाय 2 नागरिकांसाठी कृत्रिम हात व पाय मिळवण्यासाठी नोंद करण्यात आली.
आरोग्य शिबिरात हृदय तपासणी, सर्वसाधारण आरोग्य तपासणी, दंत व हाडांची तपासणी, स्त्रीरोग तपासणी, ईसीजी, हिमोग्लोबिन, शुगर चाचणी, रक्तदाब मापन तसेच कान-नाक-घसा तपासणी अशा विविध सुविधांचा समावेश होता.
सौ. पल्लवी युवराज काकडे यांच्या सामाजिक बांधिलकीतून राबविण्यात आलेल्या या उपक्रमामुळे आव्हाळवाडी परिसरातील नागरिकांना सर्वसमावेशक आरोग्य सेवा एका ठिकाणी उपलब्ध झाली. या उपक्रमाचे सर्वत्र कौतुक होत असून, नागरिकांनी आयोजकांचे मन:पूर्वक आभार व्यक्त केले आहेत.
या शिबिरास माजी उपसरपंच मंगेश सातव, माजी उपसरपंच प्रशांत सातव, ग्रामपंचायत सदस्य अमोल आव्हाळे, युवानेते किरण आव्हाळे, संकेत आव्हाळे, नितीन आव्हाळे, हर्षल आव्हाळे, सुबोध सातव, निलेश सातव, राम आव्हाळे, विशाल कुटे इतर मान्यवर उपस्थित होते.
नियम व अटी / Disclaimer:
वरील माहिती विविध ओपन सोर्स माध्यमांतून, सोशल मीडियातील चर्चांमधून तसेच उपलब्ध असलेल्या सार्वजनिक वाचन-सामग्रीवर आधारित आहे. “क्राईम महाराष्ट्र लाईव्ह न्युज” (Crime Maharashtra Live News) व त्याचे संपादक, प्रतिनिधी किंवा संबद्ध कर्मचारी या माहितीच्या संपूर्ण सत्यतेचा दावा करत नाहीत.ही माहिती केवळ जनहितार्थ, समाजजागृती व चर्चेसाठी प्रसिद्ध करण्यात आलेली आहे. कृपया वाचक/दर्शकांनी संबंधित अधिकृत यंत्रणांकडून खातरजमा करूनच कोणताही निर्णय घ्यावा. या माहितीमध्ये काही बाबी चुकीच्या, अपूर्ण किंवा कालांतराने बदललेल्या असू शकतात. त्यामुळे कोणतीही कायदेशीर अथवा प्रशासकीय कृती करण्यापूर्वी अधिकृत स्रोताची खात्री करणे अत्यावश्यक आहे.. तथापि, या बातम्यांमुळे उद्भवणाऱ्या कोणत्याही गैरसमज किंवा नुकसानीस Crime Maharashtra Live News जबाबदार राहणार नाही.> टीप: जर कोणाला आमच्या बातमीबाबत आक्षेप असल्यास, कृपया आम्हाला [crimemaharashtra.live@gmail.com] वर संपर्क करा.मोबाईल नंबर 7744808833
