पुणे: भारती विद्यापीठ पोलीस स्टेशनच्या हद्दीत एका मुलीवर वारंवार जबरदस्तीने शारीरिक संबंध ठेवून तिचे अश्लील व्हिडिओ व्हायरल करण्याची धमकी देणाऱ्या आरोपीला पोलिसांनी लातूर जिल्ह्यातून बेड्या ठोकल्या आहेत.
नेमकी घटना काय?
मिळालेल्या माहितीनुसार, सन २०२४ पासून १६ मार्च २०२६ या कालावधीत आरोपीने फिर्यादीच्या मुलीशी तिच्या राहत्या घरी वारंवार जबरदस्तीने शारीरिक संबंध प्रस्थापित केले. पीडितेचे अश्लील व्हिडिओ आणि फोटो काढून ते सोशल मीडियावर व्हायरल करण्याची धमकी आरोपीने फिर्यादीला दिली होती. याप्रकरणी भारती विद्यापीठ पोलीस स्टेशनमध्ये काशिराम चंद्रकांत म्हस्कले (वय २२, रा. मांगडेवाडी, कात्रज, पुणे) याच्या विरोधात भारतीय न्याय संहिता २०२३ च्या कलम ६४ (२) (एम), ११५ (२), आणि ३५१ (२) अन्वये गुन्हा (गु.र.नं. १११/२०२६) दाखल करण्यात आला होता.
तांत्रिक तपासाच्या आधारे अटक
गुन्हा दाखल झाल्यापासून आरोपी फरार होता. वरिष्ठ पोलीस अधिकाऱ्यांच्या मार्गदर्शनाखाली पोलीस उपनिरीक्षक निलेश मोकाशी, पोलीस अंमलदार मंगेश पवार आणि मंगेश गायकवाड यांनी आरोपीच्या मोबाईल फोन आणि इंस्टाग्राम अकाउंटचे तांत्रिक विश्लेषण केले. तपासादरम्यान आरोपी लातूर जिल्ह्यातील अहमदपूर तालुक्यातील खरबवाडी येथे लपून बसल्याची खात्रीशीर माहिती मिळाली. त्यानुसार पोलीस पथकाने तातडीने लातूर गाठून सापळा रचला आणि आरोपी काशिराम म्हस्कले याला ताब्यात घेऊन अटक केली.
तपास पथक
ही यशस्वी कामगिरी अपर पोलीस आयुक्त (पश्चिम प्रादेशिक विभाग) श्री. राजेश बनसोडे, पोलीस उप आयुक्त (परिमंडळ २) श्री. मिलिंद मोहीते, आणि सहाय्यक पोलीस आयुक्त (भारती विद्यापीठ विभाग) श्री. राहुल आवारे यांच्या मार्गदर्शनाखाली पार पडली.
या कारवाईत भारती विद्यापीठ पोलीस स्टेशनचे वरिष्ठ पोलीस निरीक्षक राहुल खिलारे, पोलीस निरीक्षक (गुन्हे) कैलास कोडग, सहाय्यक पोलीस निरीक्षक स्नेहल थोरात, पोलीस उपनिरीक्षक निलेश मोकाशी तसेच पोलीस अंमलदार मंगेश पवार, मंगेश गायकवाड, सागर बोरगे, महेश बारवकर, किरण साबळे, मितेश चोरमोले, निलेश खैरमोडे, अभिनय चौधरी, तुकाराम सुतार आणि संदीप आगळे यांनी महत्त्वाची भूमिका बजावली.
सध्या या प्रकरणाचा पुढील तपास सहाय्यक पोलीस निरीक्षक स्नेहल थोरात करत आहेत.
नियम व अटी / Disclaimer:
वरील माहिती विविध ओपन सोर्स माध्यमांतून, सोशल मीडियातील चर्चांमधून तसेच उपलब्ध असलेल्या सार्वजनिक वाचन-सामग्रीवर आधारित आहे. “क्राईम महाराष्ट्र लाईव्ह न्युज” (Crime Maharashtra Live News) व त्याचे संपादक, प्रतिनिधी किंवा संबद्ध कर्मचारी या माहितीच्या संपूर्ण सत्यतेचा दावा करत नाहीत.ही माहिती केवळ जनहितार्थ, समाजजागृती व चर्चेसाठी प्रसिद्ध करण्यात आलेली आहे. कृपया वाचक/दर्शकांनी संबंधित अधिकृत यंत्रणांकडून खातरजमा करूनच कोणताही निर्णय घ्यावा. या माहितीमध्ये काही बाबी चुकीच्या, अपूर्ण किंवा कालांतराने बदललेल्या असू शकतात. त्यामुळे कोणतीही कायदेशीर अथवा प्रशासकीय कृती करण्यापूर्वी अधिकृत स्रोताची खात्री करणे अत्यावश्यक आहे.. तथापि, या बातम्यांमुळे उद्भवणाऱ्या कोणत्याही गैरसमज किंवा नुकसानीस Crime Maharashtra Live News जबाबदार राहणार नाही.> टीप: जर कोणाला आमच्या बातमीबाबत आक्षेप असल्यास, कृपया आम्हाला [crimemaharashtra.live@gmail.com] वर संपर्क करा.मोबाईल नंबर 7744808833
