पुणे:
लोहगाव परिसरातील कलवड वस्ती येथे एका महिलेची सोन्याची चैन आणि मोबाईल चोरणाऱ्या दोन सराईत गुन्हेगारांना पुणे पोलिसांच्या गुन्हे शाखा युनिट ७ ने अवघ्या ८ तासांत बेड्या ठोकल्या आहेत. पोलिसांनी आरोपींकडून चोरीला गेलेला मोबाईल जप्त केला असून त्यांच्याविरुद्ध गुन्हा दाखल केला आहे.
नेमकी घटना काय?
दिनांक २ मे २०२६ रोजी सकाळी ७:०० वाजेच्या सुमारास कलवड वस्ती, गणराज चौक, लोहगाव येथे एक महिला पायी जात होती. यावेळी दोन अनोळखी इसमांनी संगनमताने महिलेला गाठून तिच्या गळ्यातील सोन्याची चैन आणि हातातील मोबाईल फोन जबरदस्तीने हिसकावून नेला. या घटनेची माहिती मिळताच परिसरात खळबळ उडाली होती.
तपासाची चक्रे आणि अटक
घटनेचे गांभीर्य ओळखून गुन्हे शाखा युनिट ७ च्या वरिष्ठ पोलीस निरीक्षक श्रीमती कांचन जाधव यांनी तात्काळ तपासाचे आदेश दिले. पोलिसांनी घटनास्थळ आणि आजूबाजूच्या परिसरातील सी.सी.टी.व्ही. फुटेजची कसून तपासणी केली. फुटेजवरून आरोपींचे फोटो प्राप्त केल्यानंतर, तांत्रिक विश्लेषण आणि बातमीदारांकडून मिळालेल्या माहितीच्या आधारे सापळा रचून दोन्ही आरोपींना ताब्यात घेण्यात आले.
अटक करण्यात आलेल्या आरोपींची नावे:
१. हाशिम खलील शेख (वय २० वर्षे, रा. शिफा हॉस्पिटल मागे, कलवड वस्ती, लोहगाव, पुणे)
२. आसिफ इक्बाल शेख (वय १९ वर्षे, रा. शिफा हॉस्पिटल मागे, कलवड वस्ती, लोहगाव, पुणे)
कायदेशीर कारवाई व मुद्देमाल
आरोपींविरुद्ध लोहगाव पोलीस स्टेशन येथे गु.र.नं. ५३/२०२६, भारतीय न्याय संहिता (BNS) कलम ३०९ (६), ३(५) अन्वये गुन्हा दाखल करण्यात आला आहे. पोलिसांनी या कारवाईत १०,००० रुपये किमतीचा एक सॅमसंग कंपनीचा मोबाईल जप्त केला आहे.
तपास पथक
सदरची कामगिरी मा. अप्पर पोलीस आयुक्त (गुन्हे) श्री. पंकज देशमुख, मा. पोलीस उप आयुक्त (गुन्हे) श्री. विवेक मासाळ (अतिरिक्त कार्यभार) आणि मा. सहाय्यक पोलीस आयुक्त (गुन्हे) श्री. राजेंद्र मुळीक यांच्या मार्गदर्शनाखाली पार पडली.
या मोहिमेत वरिष्ठ पोलीस निरीक्षक श्रीमती कांचन जाधव, सहाय्यक पोलीस निरीक्षक (सपोनि) मदन कांबळे, पोलीस अंमलदार विनायक साळवे, प्रशांत कापुरे, निलेश साळवे, ऋषीकेश ताकवणे आणि महिला पोलीस अंमलदार सोनाली नरवडे यांनी सक्रिय सहभाग नोंदवला.
(Grievance Redressal – IT Rules 2021)
क्राईम महाराष्ट्र लाईव्ह न्यूज (Crimemaharashtra.live) हे केंद्र सरकारच्या माहिती तंत्रज्ञान नियम, २०२१ (IT Rules 2021) च्या नियम १८ अंतर्गत नोंदणीकृत आणि नियमांचे पालन करणारे अधिकृत डिजिटल न्यूज पोर्टल आहे. आमच्या पोर्टलवर प्रसिद्ध झालेल्या कोणत्याही बातमी, लेख किंवा मजकुराबाबत आपल्याला काही आक्षेप किंवा तक्रार असल्यास, आपण आमच्या मुख्य तक्रार निवारण अधिकाऱ्यांकडे लेखी नोंदणी करू शकता.
कायदा आणि नियमांनुसार आपल्या तक्रारीची २४ तासांच्या आत दखल घेऊन १५ दिवसांच्या आत त्याचे निवारण केले जाईल.
📌 मुख्य तक्रार निवारण अधिकारी (Level 1):
अधिकारी: आमीर मोहम्मद शेख (Editor & Publisher)
वेबसाईट: https://crimemaharashtra.live
अधिकृत ईमेल: crimemaharashtra.live@gmail.com
Info@crimemaharashtra.live
कार्यालयीन पत्ता: पुणे, महाराष्ट्रIn accordance with Rule 11(2)(a) of the Information Technology (Intermediary Guidelines and Digital Media Ethics Code) Rules, 2021, any person having a grievance regarding the content published on Crimemaharashtra.live may send their complaint to the designated Grievance Redressal Officer.
Grievance Officer: Amir Mohammad Shaikh (Editor & Publisher)
Website: https://crimemaharashtra.live
Official Email: crimemaharashtra.live@gmail.com
Address: Pune, Maharashtra, India.
Note: Please ensure that your complaint includes the specific URL of the news article, the date of publication, and a clear description of the grievance along with supporting documents. All grievances will be acknowledged within 24 hours and resolved within 15 days.,
