ज्येष्ठ पत्रकारास बातमी डिलेट कर अन्यथा तुला डिलीट करून टाकीन अशी ठार मारण्याची धमकी….
सहसंपादक शिवाजी दवणे
क्राईम महाराष्ट्र न्यूज 9730170965
जिल्ह्यातील विविध पत्रकार संघटनेने केला या घटनेचा निषेध…
अहिल्यानगर जिल्ह्यातील श्रीरामपूर येथील वरिष्ठ पत्रकार व दैनिक जय बाबा वृत्तपत्राचे संपादक बाळासाहेब शंकराव आगे यांना सोशल मीडियावरून जीवे मारण्याची धमकी देण्यात आल्याची धक्कादायक घटना घडली आहे.
या प्रकरणी श्रीरामपूर शहर पोलीस ठाण्यात गुन्हा दाखल झाला असून पत्रकार संघटनांनी या घटनेचा तीव्र निषेध नोंदवला आहे.
संपादक बाळासाहेब आगे यांनी 16 ऑगस्ट रोजी त्यांच्या dainik_jay_baba_ या इन्स्टाग्राम अकाऊंटवर श्रीरामपूर शहर पोलीस ठाण्याच्या हद्दीत नशेच्या इंजेक्शनसह महिला अटक झाल्याची बातमी व संबंधित एसडीपीओंचा व्हिडीओ प्रसिद्ध केला होता. या वृत्तात आरोपी गणेश मुंडे याचे नाव आले होते. त्यानंतर _ganesh._.mundhe_3 _.mundhe_307 या इन्स्टाग्राम अकाऊंटवरून हे वृत्त डिलीट कर, नाहीतर तुला डिलीट करून टाकीन अशा आशयाचा धमकीचा संदेश आगे यांना दिला आहे.
पत्रकाराला थेट जीवे मारण्याची धमकी देण्यात आल्याने पत्रकार समाजात संतापाची लाट उसळली आहे.
गेली 35 ते 40 वर्षांपासून श्रीरामपूरात अनेक पत्रकार राजकीय, सामाजिक आणि गुन्हेगारी विषयांवर सडेतोड लिखाण करीत आहेत. मात्र आजवर कोणत्याही पत्रकाराला अशा प्रकारे धमकी मिळाली नव्हती. पोलिसांनी दिलेल्या माहितीच्या आधारे वृत्त प्रसारित केल्यानंतर धमक्या मिळत असतील, तर शहर पत्रकारितेसाठी कितपत सुरक्षित राहिले आहे, असा प्रश्न पत्रकारांकडून उपस्थित केला जात आहे.
या पार्श्वभूमीवर श्रीरामपूर प्रेस क्लब, श्रीरामपूर पत्रकार संघ, श्रीरामपूर तालुका मराठी पत्रकार संघ, बेलापूर पत्रकार संघ आणि इलेक्ट्रॉनिक मीडिया संघटनेच्या प्रतिनिधींनी घटनेचा निषेध करून आरोपीवर कठोरातील कठोर कारवाई करण्याची मागणी केली आहे.
या बैठकीस प्रेस क्लबचे अध्यक्ष बाळासाहेब भांड, श्रीरामपूर तालुका मराठी पत्रकार संघाचे अध्यक्ष महेश रक्ताटे, श्रीरामपूर पत्रकार संघाचे अध्यक्ष अशोक गाडेकर, सचिव प्रकाश कुलथे, खजिनदार अनिल पांडे, उपाध्यक्ष करण नवले, विकास अंत्रे, सहसचिव महेश माळवे, राजेंद्र बोरसे, शिवाजी पवार, रवी भागवत, कामगार नेते नागेश सावंत , जेष्ठ पत्रकार मनोजकुमार आगे, प्रदीप आहेर, नितीन शेळके, उपाध्यक्ष सलीम खान पठाण, सचिव सचिन उघडे, इलेक्ट्रॉनिक मीडियाचे असलम बिनसाद, बेलापूर पत्रकार संघाचे देविदास देसाई, दिलीप दायमा, सुहास शेलार आदी यावेळी उपस्थित होते.
(Grievance Redressal – IT Rules 2021)
क्राईम महाराष्ट्र लाईव्ह न्यूज (Crimemaharashtra.live) हे केंद्र सरकारच्या माहिती तंत्रज्ञान नियम, २०२१ (IT Rules 2021) च्या नियम १८ अंतर्गत नोंदणीकृत आणि नियमांचे पालन करणारे अधिकृत डिजिटल न्यूज पोर्टल आहे. आमच्या पोर्टलवर प्रसिद्ध झालेल्या कोणत्याही बातमी, लेख किंवा मजकुराबाबत आपल्याला काही आक्षेप किंवा तक्रार असल्यास, आपण आमच्या मुख्य तक्रार निवारण अधिकाऱ्यांकडे लेखी नोंदणी करू शकता.
कायदा आणि नियमांनुसार आपल्या तक्रारीची २४ तासांच्या आत दखल घेऊन १५ दिवसांच्या आत त्याचे निवारण केले जाईल.
📌 मुख्य तक्रार निवारण अधिकारी (Level 1):
अधिकारी: आमीर मोहम्मद शेख (Editor & Publisher)
वेबसाईट: https://crimemaharashtra.live
अधिकृत ईमेल: crimemaharashtra.live@gmail.com
Info@crimemaharashtra.live
कार्यालयीन पत्ता: पुणे, महाराष्ट्रIn accordance with Rule 11(2)(a) of the Information Technology (Intermediary Guidelines and Digital Media Ethics Code) Rules, 2021, any person having a grievance regarding the content published on Crimemaharashtra.live may send their complaint to the designated Grievance Redressal Officer.
Grievance Officer: Amir Mohammad Shaikh (Editor & Publisher)
Website: https://crimemaharashtra.live
Official Email: crimemaharashtra.live@gmail.com
Address: Pune, Maharashtra, India.
Note: Please ensure that your complaint includes the specific URL of the news article, the date of publication, and a clear description of the grievance along with supporting documents. All grievances will be acknowledged within 24 hours and resolved within 15 days.,
