पुणे:
ममता फाउंडेशन संस्थेच्या इमारतीचे व घरांचे बांधकाम पाडण्याची आणि जीवे मारण्याची भीती दाखवून तब्बल १० लाख रुपयांची खंडणी मागणाऱ्या आरोपींना पुणे शहर पोलिसांच्या भारती विद्यापीठ पोलीस ठाण्यातील पथकाने सापळा रचून रंगेहात अटक केली आहे. भीम संघर्ष संघटनेच्या संस्थापक/अध्यक्षासह त्याच्या इतर तीन साथीदारांना या प्रकरणी जेरबंद करण्यात आले असून, त्यांच्याकडून ७ लाख ९ हजार ८५० रुपयांचा मुद्देमाल जप्त करण्यात आला आहे.
याप्रकरणी अटक करण्यात आलेल्या आरोपींची नावे खालीलप्रमाणे आहेत:
१) विनोद निवृत्ती गायकवाड (वय ४३ वर्षे, रा. विंझर, सिद्धार्थनगर, ता. वेल्हा, जि. पुणे – संस्थापक/अध्यक्ष, भीम संघर्ष संघटना)
२) संग्राम दत्तात्रय सोनावणे (वय ३० वर्षे, रा. विंझर, सिद्धार्थनगर, ता. वेल्हा, जि. पुणे)
३) सुधिर मुगुट शेडगे (वय ३८ वर्षे, रा. हुजूरपागा शाळेसमोर, लेन नं ५, मांगडेवाडी, पुणे)
४) निलेश बबन कुंभार (वय ४२ वर्षे, रा. नवी आळी, भोर, पुणे)
तसेच या गुन्ह्यात राजाभाऊ कांबळे नावाच्या अन्य एका व्यक्तीविरुद्धही गुन्हा दाखल करण्यात आला आहे.
नेमकी घटना काय?
तक्रारदार (फिर्यादी) यांनी मांगडेवाडी, कात्रज, पुणे येथील हुजूरपागा शाळेसमोर ‘ममता फाउंडेशन’ या संस्थेकरिता एक इमारत आणि राहण्यासाठी दोन घरांचे बांधकाम केले आहे. हे बांधकाम पाडण्याच्या उद्देशाने भीम संघर्ष संघटनेचा अध्यक्ष विनोद निवृत्ती गायकवाड याने मुद्दामहून पुणे महानगरपालिकेत (PMC) तक्रारी अर्ज करून ते बांधकाम तोडण्यास लावले होते. यानंतरही आरोपीने फिर्यादी यांना “तुझे सगळेच घर तोडून टाकीन” आणि जीवे मारीन अशी भीती दाखवली. तसेच, “जर पुढे पुणे महानगरपालिकेत तक्रारी अर्ज करायचे नसतील, तर १० लाख रुपये द्यावे लागतील,” अशी धमकी देऊन खंडणीची मागणी केली.
धमकीला घाबरून फिर्यादी यांनी यापूर्वीच आरोपी विनोद गायकवाड याला टायटन कंपनीचे महागडे घड्याळ आणि ऑनलाईन १०,००० रुपये दिले होते, तसेच दुसरा आरोपी संग्राम दत्तात्रय सोनावणे याच्या गुगल पे (Google Pay) वर ५,००० रुपये खंडणी स्वरूपात पाठवले होते. या सततच्या त्रासाला कंटाळून फिर्यादी यांनी शेवटी भारती विद्यापीठ पोलीस ठाण्यात तक्रार नोंदवली. त्यानुसार आरोपींवर गु.र.नं. ३४५/२०२६, भारतीय न्याय संहिता (BNS) कलम ३०८ (२), ३०८ (३), व ३ (५) अन्वये गुन्हा दाखल करण्यात आला.
हॉटेल किनारा येथे रचला सापळा:
गुन्हा दाखल झाल्यानंतर, पोलिसांनी आरोपींना पकडण्यासाठी रणनीती आखली. आरोपींनी फिर्यादी यांच्याकडे मागितलेल्या खंडणीच्या रकमेपैकी ५०,००० रुपयांचा पहिला हप्ता कात्रज येथील ‘किनारा हॉटेल’ येथे आणून देण्यास सांगितले. भारती विद्यापीठ पोलीस ठाण्याचे वरिष्ठ पोलीस निरीक्षक श्री. मानसिंग पाटील यांच्या मार्गदर्शनाखाली पोलिसांनी हॉटेल परिसरात चोख सापळा रचला. फिर्यादी जेव्हा आरोपींच्या सांगण्यावरून तिथे पोहोचले, तेव्हा मागणी केलेल्या १ लाख रुपयांपैकी ५०,००० रुपयांची रोख रक्कम स्वीकारताना मुख्य आरोपी विनोद गायकवाड आणि संग्राम सोनावणे यांना पोलिसांनी रंगेहात (लाईव्ह) पकडले. या कारवाईत पोलिसांनी एकूण ७,०९,८५०/- रुपयांचा मुद्देमाल जप्त केला आहे.
तपास अधिकारी व पोलीस पथक:
सदर गुन्ह्याचा पुढील सखोल तपास सहाय्यक पोलीस निरीक्षक (API) गणेश मोहीते हे करत आहेत.
ही धडक कामगिरी पुणे पोलीस उप-आयुक्त (परिमंडळ २) श्री. मिलिंद मोहीते, सहाय्यक पोलीस आयुक्त (भारती विद्यापीठ विभाग) श्री. राहुल आवारे यांच्या मार्गदर्शनाखाली; भारती विद्यापीठ पोलीस स्टेशनचे वरिष्ठ पोलीस निरीक्षक श्री. मानसिंग पाटील आणि पोलीस निरीक्षक (गुन्हे) श्री. कैलास कोडग यांच्या थेट सूचनांनुसार करण्यात आली.
या कारवाईत सहाय्यक पोलीस निरीक्षक गणेश मोहीते, पोलीस उपनिरीक्षक निलेश मोकाशी तसेच पोलीस अंमलदार महेश बारवकर, मंगेश पवार, केतन लोखंडे, सचिन सरपाले, मितेश चोरमोले, अभिनय चौधरी, सागर बोरगे, मंगेश गायकवाड, किरण साबळे, संदीप आगळे, तुकाराम सुतार, सोहम शेंडकर आणि निलेश खैरमोडे यांनी मोलाची भूमिका बजावली.
पुणे पोलिसांचे जाहीर आवाहन:
“या अटक करण्यात आलेल्या आरोपींनी किंवा त्यांच्या संघटनेने अशाच प्रकारे इतर कोणालाही भीती घालून, धमकावून त्यांच्याकडून खंडणी, रोख रक्कम किंवा मौल्यवान भेटवस्तू घेतल्या असल्यास अथवा मागणी केली असल्यास, नागरिकांनी न घाबरता पुढे येऊन भारती विद्यापीठ पोलीस ठाण्यात तक्रार नोंदवावी,” असे जाहीर आवाहन पुणे पोलिसांच्या वतीने करण्यात आले आहे.
(Grievance Redressal – IT Rules 2021)
क्राईम महाराष्ट्र लाईव्ह न्यूज (Crimemaharashtra.live) हे केंद्र सरकारच्या माहिती तंत्रज्ञान नियम, २०२१ (IT Rules 2021) च्या नियम १८ अंतर्गत नोंदणीकृत आणि नियमांचे पालन करणारे अधिकृत डिजिटल न्यूज पोर्टल आहे. आमच्या पोर्टलवर प्रसिद्ध झालेल्या कोणत्याही बातमी, लेख किंवा मजकुराबाबत आपल्याला काही आक्षेप किंवा तक्रार असल्यास, आपण आमच्या मुख्य तक्रार निवारण अधिकाऱ्यांकडे लेखी नोंदणी करू शकता.
कायदा आणि नियमांनुसार आपल्या तक्रारीची २४ तासांच्या आत दखल घेऊन १५ दिवसांच्या आत त्याचे निवारण केले जाईल.
📌 मुख्य तक्रार निवारण अधिकारी (Level 1):
अधिकारी: आमीर मोहम्मद शेख (Editor & Publisher)
वेबसाईट: https://crimemaharashtra.live
अधिकृत ईमेल: crimemaharashtra.live@gmail.com
Info@crimemaharashtra.live
कार्यालयीन पत्ता: पुणे, महाराष्ट्रIn accordance with Rule 11(2)(a) of the Information Technology (Intermediary Guidelines and Digital Media Ethics Code) Rules, 2021, any person having a grievance regarding the content published on Crimemaharashtra.live may send their complaint to the designated Grievance Redressal Officer.
Grievance Officer: Amir Mohammad Shaikh (Editor & Publisher)
Website: https://crimemaharashtra.live
Official Email: crimemaharashtra.live@gmail.com
Address: Pune, Maharashtra, India.
Note: Please ensure that your complaint includes the specific URL of the news article, the date of publication, and a clear description of the grievance along with supporting documents. All grievances will be acknowledged within 24 hours and resolved within 15 days.,
