शरद पवार पुन्हा रुग्णालयात दाखल, मुंबईतील ब्रीच कँडीमध्ये उपचार सुरू; सुप्रिया सुळे
मुंबई, दि.५ (शशिकांत पाटोळे) : राष्ट्रवादी काँग्रेस (शरदचंद्र पवार) पक्षाचे अध्यक्ष आणि ज्येष्ठ नेते शरद पवार यांना बुधवारी (४ नोव्हेंबर) संध्याकाळी मुंबईतील ब्रीच कँडी रुग्णालयात दाखल करण्यात आले आहे. पुण्यातील रुबी हॉल क्लिनिकमधून डिस्चार्ज मिळाल्यानंतर पुढील वैद्यकीय तपासण्यांसाठी त्यांना मुंबईतील रुग्णालयात दाखल करण्यात आल्याची माहिती खासदार सुप्रिया सुळे यांनी सोशल मीडियावरील पोस्टद्वारे दिली.
शरद पवार यांना गेल्या काही दिवसांपासून खोकला आणि छातीत वेदना होत होत्या. त्यामुळे २ नोव्हेंबर रोजी त्यांना पुण्यातील रुबी हॉल क्लिनिकमध्ये दाखल करण्यात आले होते. दोन दिवस उपचार आणि वैद्यकीय निरीक्षणाखाली ठेवल्यानंतर बुधवारी सकाळी त्यांना रुग्णालयातून डिस्चार्ज देण्यात आला होता. त्यावेळी त्यांची प्रकृती स्थिर असून प्रकृतीत सुधारणा होत असल्याचे डॉक्टरांनी सांगितले होते.
पुढील तपासण्यांसाठी मुंबईत दाखल
पुण्यातून मुंबईला परतल्यानंतर शरद पवार यांना पुढील वैद्यकीय तपासण्यांसाठी ब्रीच कँडी रुग्णालयात दाखल करण्यात आले. याबाबत सुप्रिया सुळे यांनी ‘एक्स’वर पोस्ट करत शरद पवार यांच्या प्रकृतीबाबत काळजी व्यक्त करणाऱ्या आणि शुभेच्छा देणाऱ्या सर्व हितचिंतकांचे आभार मानले आहेत.
दरम्यान, पंतप्रधान नरेंद्र मोदी यांनीही बुधवारी सकाळी शरद पवार यांच्याशी दूरध्वनीवरून संवाद साधत त्यांच्या प्रकृतीची विचारपूस केली. तसेच त्यांनी शरद पवार यांना पूर्ण विश्रांती घेण्याचा सल्ला दिला.
शरद पवार यांच्या प्रकृतीबाबत त्यांच्या समर्थक आणि कार्यकर्त्यांकडून चिंता व्यक्त केली जात असून ते लवकर बरे व्हावेत, अशा शुभेच्छा दिल्या जात आहेत.
(Grievance Redressal – IT Rules 2021)
क्राईम महाराष्ट्र लाईव्ह न्यूज (Crimemaharashtra.live) हे केंद्र सरकारच्या माहिती तंत्रज्ञान नियम, २०२१ (IT Rules 2021) च्या नियम १८ अंतर्गत नोंदणीकृत आणि नियमांचे पालन करणारे अधिकृत डिजिटल न्यूज पोर्टल आहे. आमच्या पोर्टलवर प्रसिद्ध झालेल्या कोणत्याही बातमी, लेख किंवा मजकुराबाबत आपल्याला काही आक्षेप किंवा तक्रार असल्यास, आपण आमच्या मुख्य तक्रार निवारण अधिकाऱ्यांकडे लेखी नोंदणी करू शकता.
कायदा आणि नियमांनुसार आपल्या तक्रारीची २४ तासांच्या आत दखल घेऊन १५ दिवसांच्या आत त्याचे निवारण केले जाईल.
📌 मुख्य तक्रार निवारण अधिकारी (Level 1):
अधिकारी: आमीर मोहम्मद शेख (Editor & Publisher)
वेबसाईट: https://crimemaharashtra.live
अधिकृत ईमेल: crimemaharashtra.live@gmail.com
Info@crimemaharashtra.live
कार्यालयीन पत्ता: पुणे, महाराष्ट्रIn accordance with Rule 11(2)(a) of the Information Technology (Intermediary Guidelines and Digital Media Ethics Code) Rules, 2021, any person having a grievance regarding the content published on Crimemaharashtra.live may send their complaint to the designated Grievance Redressal Officer.
Grievance Officer: Amir Mohammad Shaikh (Editor & Publisher)
Website: https://crimemaharashtra.live
Official Email: crimemaharashtra.live@gmail.com
Address: Pune, Maharashtra, India.
Note: Please ensure that your complaint includes the specific URL of the news article, the date of publication, and a clear description of the grievance along with supporting documents. All grievances will be acknowledged within 24 hours and resolved within 15 days.,
