“पाषाण तलाव मृत्यूच्या छायेत; हजारो मासे मृत – जबाबदार अधिकाऱ्यांवर गुन्हा दाखल करण्याची मागणी, अन्यथा न्यायालयीन लढा”
पुणे प्रतिनिधी – पुण्यातील ऐतिहासिक व पर्यावरणीयदृष्ट्या अत्यंत महत्त्वाचा पाषाण तलाव सध्या गंभीर प्रदूषणाच्या विळख्यात सापडला असून, नुकत्याच घडलेल्या घटनेत हजारो मासे मृत अवस्थेत आढळून आल्यामुळे मोठी खळबळ उडाली आहे. या प्रकरणी पर्यावरण प्रेमी, तक्रारदार अनंत घरत यांनी संबंधित अधिकाऱ्यांविरोधात कठोर कारवाईची मागणी करत पोलिस आयुक्तांकडे गुन्हा दाखल करण्याचे निवेदन सादर केले आहे.
तसेच, पुणे महानगरपालिका आयुक्तांकडे सदर प्रकरणी जबाबदार अधिकाऱ्यांची विभागीय चौकशी करण्याबाबत स्वतंत्र पत्रही देण्यात आले आहे.
१८६७-६८ मध्ये ब्रिटिश काळात बांधण्यात आलेला पाषाण तलाव हा पुण्याचा पर्यावरणीय वारसा मानला जातो. स्थलांतरित परदेशी पक्ष्यांचे अधिवासस्थान म्हणून ओळख असलेल्या या तलावाची सध्याची अवस्था अत्यंत चिंताजनक बनली आहे.
तलावामध्ये मोठ्या प्रमाणात जलपर्णी साठणे, तसेच प्रक्रिया न केलेले सांडपाणी (untreated sewage) थेट मिसळणे, यामुळे पाण्यातील ऑक्सिजनचे प्रमाण मोठ्या प्रमाणात घटले आहे. परिणामी, हजारो मासे मृत झाल्याची घटना समोर आली आहे.
तक्रारदार अनंत घरत यांचे म्हणणे
“पाषाण तलाव हा केवळ जलस्रोत नसून एक वारसा स्थळ आहे. येथे अनेक स्थलांतरित परदेशी पक्षी वास्तव्यास येतात. मात्र, पुणे मनपा अधिकाऱ्यांनी या ठिकाणी सातत्याने दुर्लक्ष केले आहे. तलावात येणारे नैसर्गिक प्रवाह हे प्रदूषित व सांडपाण्याने युक्त असल्यामुळे तलावाची परिस्थिती अत्यंत बिकट झाली आहे.
या संपूर्ण प्रकरणात संबंधित अधिकारी कर्तव्यात कसूर करत असून, त्यांच्यावर तात्काळ कारवाई होणे अत्यावश्यक आहे. अन्यथा, आम्हाला न्यायालयीन लढा उभारण्याशिवाय पर्याय राहणार नाही,” असा इशारा तक्रारदार अनंत घरत यांनी दिला.
सदर प्रकरणी पुणे महानगरपालिका – मलनिस्सारण ( ड्रेनेज) विभाग, पर्यावरण विभाग आणि संबंधित क्षेत्रीय अधिकारी हे विभाग जबाबदार असल्याचा आरोप करण्यात आला आहे आणि त्यांच्यावर कायदेशीर कारवाई करावी असे निवेदनात नमूद केले आहे.
तक्रारदारांनी Environment (Protection) Act, 1986, Water (Prevention and Control of Pollution) Act, 1974 तसेच IPC मधील संबंधित कलमांनुसार गुन्हा दाखल करण्याची मागणी करण्यात आली आहे.
तसेच या प्रकरणी संपूर्ण प्रकरणाची सखोल चौकशी करावी, जबाबदार अधिकाऱ्यांवर तात्काळ गुन्हा दाखल करणे, तलावात येणारे सांडपाणी त्वरित थांबवणे, पर्यावरणीय पुनरुज्जीवनासाठी ठोस उपाययोजना करणे, भविष्यात अशा घटना टाळण्यासाठी जबाबदारी निश्चित करणेमुख्य या मागण्या करण्यात आल्या आहेत.
आयुक्तांनी याप्रकरणी तातडीने कार्यवाही न केल्यास न्यायालयीन मार्ग अवलंबण्याचा इशारा देण्यात आला असून, येत्या काळात हे प्रकरण अधिक तीव्र होण्याची शक्यता आहे.
(Grievance Redressal – IT Rules 2021)
क्राईम महाराष्ट्र लाईव्ह न्यूज (Crimemaharashtra.live) हे केंद्र सरकारच्या माहिती तंत्रज्ञान नियम, २०२१ (IT Rules 2021) च्या नियम १८ अंतर्गत नोंदणीकृत आणि नियमांचे पालन करणारे अधिकृत डिजिटल न्यूज पोर्टल आहे. आमच्या पोर्टलवर प्रसिद्ध झालेल्या कोणत्याही बातमी, लेख किंवा मजकुराबाबत आपल्याला काही आक्षेप किंवा तक्रार असल्यास, आपण आमच्या मुख्य तक्रार निवारण अधिकाऱ्यांकडे लेखी नोंदणी करू शकता.
कायदा आणि नियमांनुसार आपल्या तक्रारीची २४ तासांच्या आत दखल घेऊन १५ दिवसांच्या आत त्याचे निवारण केले जाईल.
📌 मुख्य तक्रार निवारण अधिकारी (Level 1):
अधिकारी: आमीर मोहम्मद शेख (Editor & Publisher)
वेबसाईट: https://crimemaharashtra.live
अधिकृत ईमेल: crimemaharashtra.live@gmail.com
Info@crimemaharashtra.live
कार्यालयीन पत्ता: पुणे, महाराष्ट्रIn accordance with Rule 11(2)(a) of the Information Technology (Intermediary Guidelines and Digital Media Ethics Code) Rules, 2021, any person having a grievance regarding the content published on Crimemaharashtra.live may send their complaint to the designated Grievance Redressal Officer.
Grievance Officer: Amir Mohammad Shaikh (Editor & Publisher)
Website: https://crimemaharashtra.live
Official Email: crimemaharashtra.live@gmail.com
Address: Pune, Maharashtra, India.
Note: Please ensure that your complaint includes the specific URL of the news article, the date of publication, and a clear description of the grievance along with supporting documents. All grievances will be acknowledged within 24 hours and resolved within 15 days.,
