पुण्यात ड्रंक अँड ड्राईव्ह विरोधात कडक कारवाई; 229 वाहनचालकांवर गुन्हे, येरवड्यात समुपदेशन सत्र
पुणे | प्रतिनिधी
पुणे शहर वाहतूक शाखेकडून शहरात Drunk & Drive विरोधात विशेष मोहीम राबविण्यात येत असून, प्रत्येक शुक्रवार, शनिवार आणि रविवारी कडक कारवाई केली जात आहे. या मोहिमेंतर्गत दिनांक 10 एप्रिल 2026 रोजी कोरेगाव पार्क परिसरात 5 ठिकाणी नाकाबंदी करून 31 वाहनचालकांवर कारवाई करण्यात आली.
तसेच 12 एप्रिल 2026 रोजी विमानतळ परिसरात 4 ठिकाणी नाकाबंदी लावून 10 वाहनचालकांवर कारवाई करण्यात आली. सर्व विभागांचा एकत्रित विचार करता, पुणे शहरात एकूण 229 वाहनचालकांवर ड्रंक अँड ड्राईव्ह प्रकरणी कारवाई करण्यात आल्याची माहिती वाहतूक शाखेकडून देण्यात आली.
दरम्यान, 13 एप्रिल 2026 रोजी येरवडा येथील पोलीस उपायुक्त कार्यालय, वाहतूक शाखा येथे या सर्व 229 दोषी वाहनचालकांना हजर राहण्याचे आदेश देण्यात आले होते. माननीय पोलीस आयुक्तांच्या मार्गदर्शनाखाली या चालकांसाठी विशेष समुपदेशन सत्राचे आयोजन करण्यात आले.
या सत्रात मद्यपान करून वाहन चालवल्यामुळे होणारे अपघात, जीवितहानी आणि त्याचे गंभीर परिणाम याबाबत सविस्तर मार्गदर्शन करण्यात आले. “मद्यपान करून वाहन चालविणे म्हणजे स्वतःचा आणि इतरांचा जीव धोक्यात घालणे” असा स्पष्ट संदेश पोलिसांनी दिला.
वाहतूक विभागाने नागरिकांना आवाहन केले आहे की,
👉 मद्यपान केल्यास वाहन चालवू नका
👉 पर्यायी वाहनांचा वापर करा
👉 वाहतूक नियमांचे काटेकोर पालन करा
पुणे शहरात वाढत्या अपघातांच्या पार्श्वभूमीवर ही मोहीम अधिक तीव्र करण्यात येणार असल्याचेही संकेत वाहतूक शाखेकडून देण्यात आले आहेत.
नियम व अटी / Disclaimer:
वरील माहिती विविध ओपन सोर्स माध्यमांतून, सोशल मीडियातील चर्चांमधून तसेच उपलब्ध असलेल्या सार्वजनिक वाचन-सामग्रीवर आधारित आहे. “क्राईम महाराष्ट्र लाईव्ह न्युज” (Crime Maharashtra Live News) व त्याचे संपादक, प्रतिनिधी किंवा संबद्ध कर्मचारी या माहितीच्या संपूर्ण सत्यतेचा दावा करत नाहीत.ही माहिती केवळ जनहितार्थ, समाजजागृती व चर्चेसाठी प्रसिद्ध करण्यात आलेली आहे. कृपया वाचक/दर्शकांनी संबंधित अधिकृत यंत्रणांकडून खातरजमा करूनच कोणताही निर्णय घ्यावा. या माहितीमध्ये काही बाबी चुकीच्या, अपूर्ण किंवा कालांतराने बदललेल्या असू शकतात. त्यामुळे कोणतीही कायदेशीर अथवा प्रशासकीय कृती करण्यापूर्वी अधिकृत स्रोताची खात्री करणे अत्यावश्यक आहे.. तथापि, या बातम्यांमुळे उद्भवणाऱ्या कोणत्याही गैरसमज किंवा नुकसानीस Crime Maharashtra Live News जबाबदार राहणार नाही.> टीप: जर कोणाला आमच्या बातमीबाबत आक्षेप असल्यास, कृपया आम्हाला [crimemaharashtra.live@gmail.com] वर संपर्क करा.मोबाईल नंबर 7744808833
