पोलिस प्रशासनाची, सरकारची, फसवणूक केल्याबद्दल फिर्यादी व आ सावंत यांच्यावर गुन्हा दाखल करावा. – शिवसेना पुणे .
पुणे:- आ तानाजी सावंत यांच्या विरोधात शिवसेना पुणे शहराच्या वतीने सिंहगड पोलिस स्टेशन येथे तक्रार देण्यात आली. पोलिस प्रशासन आणि महाराष्ट्राचे सरकार एका आमदार पुत्राला शोधण्यासाठी किती तत्परतेने काम करते हे महाराष्ट्राने पाहिले. परंतू हीच तत्परता सर्वसामान्य
माणसाच्या अडचणीच्या वेळी देखील असावी, अशी आशा आज प्रत्येक नागरिकांना आहे. आ तानाजी सावंत यांचा मुलगा कुटुंबातील भांडणामुळे घरी कोणालाही न सांगता बॅंकॉकला जात असताना, आणि मुलगा काॅलेज कॅम्पस मधून स्विफ्ट गाडीत गेल्याचे समजले असताना देखील पुण्यात आ सावंत आणि कुटुंबियांनी मुलाचे अपहरण नाट्य घडवून आणले, पोलिसांनीही त्यावर तत्परतेने भूमिका बजावली. त्याबाबत पोलीस अधिकाऱ्यांचे मनापासून अभिनंदन. परंतू त्यासोबतच महाराष्ट्राचे मुख्यमंत्री, गृहमंत्री, केंद्रिय हवाई उड्डाण राज्यमंत्री यांनी देखील तातडीने सूत्र हलवली. पण हा सगळा बनाव असल्याचे उघड झाले. आणि आमदार सावंतांचा मुलगा खाजगी विमानाने दोन मित्रांसोबत बॅंकॉकला गेल्याचे समोर आले. यासर्व प्रकारामुळे महाराष्ट्रात सरकार व पोलिस प्रशासन यावर टीकेची झोड उठली, आमदारांनी पदाचा गैरवापर करून पोलिस यंत्रणा मुलाच्या शोधकार्यात लावली. स्वतःची राजकीय ताकद दाखविण्याचा प्रयत्न केला गेला, त्यामुळे सरकारी यंत्रणेवर झालेला खर्च आमदार सावंतांकडून वसूल करावा तसेच पोलिस प्रशासन, आणि महाराष्ट्र सरकारची दिशाभूल केल्याबद्दल फिर्यादी जो महाविद्यालयाचा विश्वस्त आहे. आणि विश्वस्तांवर ज्यांनी फिर्याद देण्याचे फर्मान सोडले त्या आमदार सावंत यांच्यावर गुन्हा दाखल करण्यात यावा. असे पुणे शहर शिवसेनेकडून सिंहगड पोलिस ठाण्यात वरिष्ठ पोलीस निरीक्षक यांना निवेदन देण्यात आले.
यावेळी पुणे शहरप्रमुख संजय मोरे, गजानन थरकुडे, राज्य संघटक वसंत मोरे, उपशहर प्रमुख भरत कुंभारकर, महिला आघाडीच्या रेखा कोंडे, शहर संघटक संतोष गोपाळ , प्रसिद्धी प्रमुख अनंत घरत, विभाग प्रमुख राजू चव्हाण, अनिल माझिरे, अजय परदेशी, संतोष सावंत, शिवा पासलकर, प्रसाद गिजरे, विलास पवार, संजय साळवी, प्रणव अडकर, नितीन जगताप, मंगेश रासकर, मच्छिंद्र खोमणे, उपस्थित होते.
सूचना / Disclaimer:
या पोर्टलवरील सर्व बातम्या, फोटो, व्हिडीओ आणि मजकूर हे केवळ माहिती व जनहितासाठी प्रसारित केले जातात. आमचा उद्देश कुणाच्याही भावना दुखावणे किंवा अफवा पसरवणे हा नाही. कोणतीही माहिती प्रसारित करण्यापूर्वी आम्ही ती सत्य व खात्रीशीर असल्याची पुष्टी करण्याचा पूर्ण प्रयत्न करतो. तथापि, या बातम्यांमुळे उद्भवणाऱ्या कोणत्याही गैरसमज किंवा नुकसानीस Crime Maharashtra Live News जबाबदार राहणार नाही.> टीप: जर कोणाला आमच्या बातमीबाबत आक्षेप असल्यास, कृपया आम्हाला [crimemaharashtra.live@gmail.com] वर संपर्क करा.
