बिबट्यांच्या भीतीने शेतकऱ्यांनी गळ्यात घातले खिळे असलेले कुत्र्याचे पट्टे — प्रशासन आणि राजकारणाची झोप अजूनही कायम!
पुणे जिल्ह्यातील जुन्नर, आंबेगाव, शिरूर आणि खेड तालुक्यांमध्ये गेल्या काही महिन्यांपासून बिबट्यांचा धुमाकूळ सुरू आहे. अनेक ठिकाणी गुरेढोरे आणि लहान मुलांवर बिबट्यांच्या हल्ल्यांच्या घटना समोर आल्या असून, ग्रामीण भागातील शेतकऱ्यांमध्ये भीतीचे वातावरण निर्माण झाले आहे. भीती इतकी वाढली आहे की, काही शेतकऱ्यांनी स्वतःच्या सुरक्षेसाठी गळ्यात खिळे असलेले कुत्र्याचे पट्टे घालणे सुरू केले आहे — जे पाहून राज्यभरातील समाजमन हादरले आहे.
या घटनेने ग्रामीण भागातील प्रशासनाच्या निष्क्रियतेचा आणि राजकीय संवेदनशून्यतेचा भेदक आरसा समाजासमोर आणला आहे. लोकप्रतिनिधी, अधिकारी, आणि वनविभाग यांची झोप अजूनही कायम आहे.
जनतेच्या जीवावर उठलेल्या या भीषण समस्येकडे शासनाच्या पातळीवर गंभीरतेने पाहिले जात नाही, हे स्पष्टपणे जाणवते.
दरम्यान, या प्रसंगी सामाजिक माध्यमांवरही एक प्रश्न गाजू लागला आहे —
> “माणसांचं कुत्रं झालं पण राजकारण्यांमधल्या माणसाला काय जागं येईना…”
काँग्रेस असो, भाजप, राष्ट्रवादींचे दोन्ही गट असोत, शिवसेनेचे दोन्ही विभाजन असोत की मनसे किंवा इतर लहान पक्ष — सत्तेच्या खुर्चीवर कोण बसतो, याचाच विचार सर्वांना आहे.
शेतकरी, आदिवासी, ग्रामीण जनता यांच्या प्रश्नांकडे मात्र कोणीही ठोस पावले उचलताना दिसत नाही.
ज्या दिवशी हे सत्य सामान्य जनतेला उमजेल, त्या दिवशी ते या राजकीय लोकांकडून अति अपेक्षा ठेवणं बंद करतील, अशी भावना ग्रामीण जनतेत दिसून येते.
यात सर्वात कटू वास्तव म्हणजे — बिबट्यांचंही निवडलेलं बळी गरीब शेतकरीच असतो.
> “आमदार, खासदार, चेअरमन, उद्योगपती यांच्या वाटला बिबट्या जात नाही. गरीबाचीच कच्ची बच्ची खाईल…”
या शब्दांमध्ये दडलेला संताप आणि वेदना दोन्हीही गंभीर आहेत.
शेतकऱ्यांच्या सुरक्षेसाठी तातडीने उपाययोजना न केल्यास ग्रामीण भागात अनर्थ घडू शकतो.
तज्ज्ञांच्या मते, जंगल कमी होत असल्याने आणि विकासकामांच्या नावाखाली नैसर्गिक अधिवास उद्ध्वस्त झाल्याने बिबटे मानवी वस्त्यांमध्ये घुसत आहेत. परंतु अशा घटनांचा तोटा मात्र नेहमीच दुर्बल घटकांना सहन करावा लागतो.
शेतकऱ्यांच्या जीवावर उठलेला बिबट्या आणि प्रशासनाच्या निष्क्रियतेवर संताप व्यक्त करत ग्रामीण जनता म्हणते —
> “ज्या दिवशी बिबट्या एखाद्या राजकारण्याच्या घरातल्या माणसाला मारील, तोच दिवस या बिबट्यांचा शेवटचा दिवस असेल!”
📢 “क्राईम महाराष्ट्र लाईव्ह न्यूज” प्रशासन आणि सरकारकडे मागणी करते की —
1. ग्रामीण भागात वनविभाग, ग्रामपंचायत आणि पोलीस प्रशासन यांनी संयुक्त पथके तयार करून तातडीने गस्त वाढवावी.
2. शेतकऱ्यांना सुरक्षेसाठी शासकीय पातळीवर साधनसामग्री (सेफ्टी जॅकेट, टॉर्च, अलार्म इ.) उपलब्ध करून द्यावी.
3. बिबट्यांच्या हल्ल्यात जखमी किंवा मृत पावलेल्या कुटुंबांना तातडीने आर्थिक मदत व नोकरी द्यावी.
4. जंगल आणि मानवी वस्त्यांच्या सीमेवर “वन्यजीव संरक्षण भिंत” उभारण्याचा प्रकल्प हाती घ्यावा.
(Grievance Redressal – IT Rules 2021)
क्राईम महाराष्ट्र लाईव्ह न्यूज (Crimemaharashtra.live) हे केंद्र सरकारच्या माहिती तंत्रज्ञान नियम, २०२१ (IT Rules 2021) च्या नियम १८ अंतर्गत नोंदणीकृत आणि नियमांचे पालन करणारे अधिकृत डिजिटल न्यूज पोर्टल आहे. आमच्या पोर्टलवर प्रसिद्ध झालेल्या कोणत्याही बातमी, लेख किंवा मजकुराबाबत आपल्याला काही आक्षेप किंवा तक्रार असल्यास, आपण आमच्या मुख्य तक्रार निवारण अधिकाऱ्यांकडे लेखी नोंदणी करू शकता.
कायदा आणि नियमांनुसार आपल्या तक्रारीची २४ तासांच्या आत दखल घेऊन १५ दिवसांच्या आत त्याचे निवारण केले जाईल.
📌 मुख्य तक्रार निवारण अधिकारी (Level 1):
अधिकारी: आमीर मोहम्मद शेख (Editor & Publisher)
वेबसाईट: https://crimemaharashtra.live
अधिकृत ईमेल: crimemaharashtra.live@gmail.com
Info@crimemaharashtra.live
कार्यालयीन पत्ता: पुणे, महाराष्ट्रIn accordance with Rule 11(2)(a) of the Information Technology (Intermediary Guidelines and Digital Media Ethics Code) Rules, 2021, any person having a grievance regarding the content published on Crimemaharashtra.live may send their complaint to the designated Grievance Redressal Officer.
Grievance Officer: Amir Mohammad Shaikh (Editor & Publisher)
Website: https://crimemaharashtra.live
Official Email: crimemaharashtra.live@gmail.com
Address: Pune, Maharashtra, India.
Note: Please ensure that your complaint includes the specific URL of the news article, the date of publication, and a clear description of the grievance along with supporting documents. All grievances will be acknowledged within 24 hours and resolved within 15 days.,
