महात्मा फुले कृषी विद्यापीठातील कृषी सहाय्यक कै. पांडुरंग तुकाराम कुसळकर यांचे हृदयविकाराच्या झटक्याने निधन
राहुरी, जि. अहमदनगर – महात्मा फुले कृषी विद्यापीठ, राहुरी येथे कापूस सुधार प्रकल्पात कृषी सहाय्यक पदावर कार्यरत असलेले पांडुरंग तुकाराम कुसळकर (वय ५५) यांचे हृदयविकाराच्या तीव्र झटक्याने दुःखद निधन झाले.
दि. ४ ऑगस्ट २०२५ रोजी सकाळी कार्यालयीन कामकाजादरम्यान त्यांना अचानक अस्वस्थ वाटू लागले. सहकाऱ्यांनी तात्काळ त्यांना राहुरी येथील रुग्णालयात दाखल केले. प्राथमिक उपचारांनंतर डॉक्टरांच्या सल्ल्याने त्यांना पुढील उपचारासाठी अहिल्यानगर येथील रुग्णालयात हलविण्यात आले. मात्र, उपचारादरम्यान त्यांना दुसरा तीव्र झटका आल्याने त्यांचे निधन झाले.
कुसळकर यांनी कापूस सुधार प्रकल्पातील संशोधन, विकास आणि कर्मचारी हिताच्या उपक्रमांमध्ये महत्वाची भूमिका बजावली होती. महात्मा फुले कृषी विद्यापीठातील १२/२४ प्रगत योजना कर्मचाऱ्यांसाठी लागू करण्यासाठी त्यांचे मोलाचे योगदान होते. प्रेमळ स्वभाव आणि प्रामाणिक कार्यशैलीमुळे ते सर्वांच्या मनात आदराचे स्थान मिळवून गेले होते.
त्यांच्या अकस्मात निधनाने विद्यापीठ परिसरात शोककळा पसरली असून, सर्व सहकाऱ्यांनी त्यांना श्रद्धांजली वाहिली आहे.
दि. ५ ऑगस्ट रोजी सोनई (ता. नेवासा) येथील मूळ गावी शोकाकुल वातावरणात त्यांच्या पार्थिवावर अंत्यसंस्कार करण्यात आले.
त्यांच्या पश्चात आई, पत्नी, एक मुलगा, एक मुलगी व दोन भाऊ असा परिवार आहे. त्यांच्या जाण्याने संपूर्ण परिवार, सहकारी वर्ग व कृषी विद्यापीठ परिवारावर दुःखाचा डोंगर कोसळला आहे.
—
सहसंपादक:
शिवाजी दवणे
क्राईम महाराष्ट्र न्यूज
📞 9730170965
नियम व अटी / Disclaimer:
वरील माहिती विविध ओपन सोर्स माध्यमांतून, सोशल मीडियातील चर्चांमधून तसेच उपलब्ध असलेल्या सार्वजनिक वाचन-सामग्रीवर आधारित आहे. “क्राईम महाराष्ट्र लाईव्ह न्युज” (Crime Maharashtra Live News) व त्याचे संपादक, प्रतिनिधी किंवा संबद्ध कर्मचारी या माहितीच्या संपूर्ण सत्यतेचा दावा करत नाहीत.ही माहिती केवळ जनहितार्थ, समाजजागृती व चर्चेसाठी प्रसिद्ध करण्यात आलेली आहे. कृपया वाचक/दर्शकांनी संबंधित अधिकृत यंत्रणांकडून खातरजमा करूनच कोणताही निर्णय घ्यावा. या माहितीमध्ये काही बाबी चुकीच्या, अपूर्ण किंवा कालांतराने बदललेल्या असू शकतात. त्यामुळे कोणतीही कायदेशीर अथवा प्रशासकीय कृती करण्यापूर्वी अधिकृत स्रोताची खात्री करणे अत्यावश्यक आहे.. तथापि, या बातम्यांमुळे उद्भवणाऱ्या कोणत्याही गैरसमज किंवा नुकसानीस Crime Maharashtra Live News जबाबदार राहणार नाही.> टीप: जर कोणाला आमच्या बातमीबाबत आक्षेप असल्यास, कृपया आम्हाला [crimemaharashtra.live@gmail.com] वर संपर्क करा.मोबाईल नंबर 7744808833
