स्थानिकांचा संताप: कंपनी व ठेकेदारावर तात्काळ गुन्हा दाखल करण्याची मागणी
सहसंपादक प्रसाद उर्फ बाप्पु सोनवणे
पुणे (श्रीक्षेत्र थेऊर):
श्रीक्षेत्र थेऊर येथील ‘राईज अँड शाईन बायोटेक प्रायव्हेट लिमिटेड’ या कंपनीने विहीर खोदकामासाठी केलेल्या बेजबाबदार स्फोटकांमुळे परिसरातील नागरिकांच्या घरांचे नुकसान झाले असून, शासकीय निधीतून बनवलेला रस्ताही उद्ध्वस्त झाला आहे. प्रशासनाने काम स्थगित करण्याचे आदेश देऊनही कंपनीने मनमानी कारभार सुरूच ठेवल्याने संतापलेल्या नागरिकांनी आता आक्रमक पवित्रा घेतला आहे.
प्रशासकीय आदेशालाही कंपनीकडून केराची टोपली
मिळालेल्या माहितीनुसार, सदर कंपनीने स्वतःच्या जागेत विहीर खोदण्याचे काम हाती घेतले होते. या खोदकामात मोठ्या प्रमाणावर स्फोटकांचा वापर करण्यात आला. या स्फोटकांमुळे झालेल्या हादऱ्यांनी आसपासच्या घरांना तडे गेले असून, काही घरांच्या छतावर दगड पडून मालमत्तेचे मोठे नुकसान झाले आहे. या त्रासाबाबत स्थानिक नागरिकांनी तक्रार केल्यानंतर, लोणी काळभोर येथील मा. अप्पर तहसीलदार यांनी सदर विहिरीचे काम त्वरित स्थगित करण्याचे आदेश दिले होते. मात्र, प्रशासकीय आदेशाला न जुमानता कंपनीने आणि संबंधित ठेकेदाराने काम सुरूच ठेवल्याने आश्चर्य व्यक्त केले जात आहे.
शासकीय निधीतून बनवलेला रस्ता झाला निकामी
विहीर खोदकामासाठी वापरल्या जाणाऱ्या स्फोटकांचा फटका दत्तनगरकडे जाणाऱ्या रस्त्याला बसला आहे. शासकीय निधीतून बनवलेला हा रस्ता स्फोटकांमुळे ठिकठिकाणी खचला असून त्याला मोठे तडे गेले आहेत. यामुळे परिसरातील नागरिकांच्या आणि वाहनधारकांच्या सुरक्षिततेचा प्रश्न ऐरणीवर आला आहे. वारंवार विनंती करूनही कंपनी प्रशासन आणि ठेकेदार या गंभीर प्रकाराकडे जाणीवपूर्वक दुर्लक्ष करत असल्याचा आरोप नागरिकांनी केला आहे.
नागरिकांचा इशारा: कारवाई करा, अन्यथा आंदोलन
सदर कंपनी आणि ठेकेदाराच्या या हलगर्जीपणामुळे स्थानिक रहिवासी त्रस्त झाले आहेत. कंपनीने तातडीने घरांचे झालेले नुकसान भरून द्यावे आणि निकामी झालेला शासकीय रस्ता दुरुस्त करावा, अशी मागणी नागरिकांनी केली आहे. जर कंपनी आणि ठेकेदारावर कायदेशीर गुन्हा दाखल करून नुकसान भरपाई दिली गेली नाही, तर तीव्र आंदोलन छेडण्याचा इशाराही नागरिकांनी दिला आहे.
आता या प्रकरणावर प्रशासन नेमकी काय भूमिका घेते आणि संबंधित कंपनीवर कायदेशीर कारवाई होते का, याकडे संपूर्ण थेऊर परिसराचे लक्ष लागले आहे.
(Grievance Redressal – IT Rules 2021)
क्राईम महाराष्ट्र लाईव्ह न्यूज (Crimemaharashtra.live) हे केंद्र सरकारच्या माहिती तंत्रज्ञान नियम, २०२१ (IT Rules 2021) च्या नियम १८ अंतर्गत नोंदणीकृत आणि नियमांचे पालन करणारे अधिकृत डिजिटल न्यूज पोर्टल आहे. आमच्या पोर्टलवर प्रसिद्ध झालेल्या कोणत्याही बातमी, लेख किंवा मजकुराबाबत आपल्याला काही आक्षेप किंवा तक्रार असल्यास, आपण आमच्या मुख्य तक्रार निवारण अधिकाऱ्यांकडे लेखी नोंदणी करू शकता.
कायदा आणि नियमांनुसार आपल्या तक्रारीची २४ तासांच्या आत दखल घेऊन १५ दिवसांच्या आत त्याचे निवारण केले जाईल.
📌 मुख्य तक्रार निवारण अधिकारी (Level 1):
अधिकारी: आमीर मोहम्मद शेख (Editor & Publisher)
वेबसाईट: https://crimemaharashtra.live
अधिकृत ईमेल: crimemaharashtra.live@gmail.com
Info@crimemaharashtra.live
कार्यालयीन पत्ता: पुणे, महाराष्ट्रIn accordance with Rule 11(2)(a) of the Information Technology (Intermediary Guidelines and Digital Media Ethics Code) Rules, 2021, any person having a grievance regarding the content published on Crimemaharashtra.live may send their complaint to the designated Grievance Redressal Officer.
Grievance Officer: Amir Mohammad Shaikh (Editor & Publisher)
Website: https://crimemaharashtra.live
Official Email: crimemaharashtra.live@gmail.com
Address: Pune, Maharashtra, India.
Note: Please ensure that your complaint includes the specific URL of the news article, the date of publication, and a clear description of the grievance along with supporting documents. All grievances will be acknowledged within 24 hours and resolved within 15 days.,
