राहुरीत नगर-मनमाड हायवेवर मराठा आंदोलनाने चक्काजाम; मनोज दादा जरांगे यांच्या उपोषणाला पाठिंबा
क्राईम महाराष्ट्र न्यूज सहसंपादक शिवाजी दवणे
9730170965
मुंबईतील आझाद मैदानात सुरू असलेल्या मराठा आरक्षणासाठीच्या मनोज दादा जरांगे यांच्या उपोषणाला पाठिंबा दर्शवण्यासाठी राहुरी शहरात आज (2 सप्टेंबर) सकाळी सकल मराठा समाजाच्या वतीने भव्य चक्काजाम आंदोलन करण्यात आले. नगर-मनमाड हायवेवर सकाळी 11 वाजल्यापासून हा जाम सुरू झाला.
“एक मराठा, लाख मराठा” च्या घोषणांनी परिसर दणाणून गेला. आंदोलनात रवी भाऊ मोरे, कांता पाटील तनपुरे, मुन्ना शेठ तनपुरे, राजू शेटे, युवा नेते सौरभ उंडे, ताराचंद पाटील तनपुरे, सचिन बोरुडे, सुनील निमसे, राऊ काका तनपुरे, राहुल भैया शेटे, बाळासाहेब उंडे,युवराज तोडमल, भिकू शेठ भुजाडी, भारत भुजाडी, गणेश उंडे, आदींसह अनेक मराठा बांधव मोठ्या संख्येने सहभागी झाले होते.
यावेळी मार्गावर वाहतुकीची मोठी कोंडी निर्माण झाली होती. आंदोलकांनी शांततेत परंतु ठामपणे आपली मागणी मांडली.
कांता पाटील तनपुरे यांनी सरकारवर ताशेरे ओढत म्हटले, “सर्वात महत्त्वाचं म्हणजे, ज्या गायकवाड आयोगाच्या अहवालाच्या आधारावर राज्य सरकारने मराठा समाजाला आरक्षण दिलं होतं — ते आरक्षण उच्च न्यायालयात टिकून राहिलं होतं. मग आमचं आरक्षण तुम्ही का काढलं? हा अन्याय आम्ही सहन करणार नाही.”
प्रकाश देठे यांनीही यावेळी आपले मनोगत व्यक्त करत सांगितले, “मराठा बांधवांनी केवळ रस्त्यावरच नव्हे, तर सोशल मीडियावर, प्रत्यक्ष, अप्रत्यक्ष मार्गांनी आंदोलनास पाठिंबा द्यावा. मराठा आता थांबणार नाही. गनिमी काव्याने सुद्धा आंदोलन करावे लागले, तरी आम्ही मागे हटणार नाही.”
यावेळी सचिन बोरुडे, शिवसेना शेतकरी पक्षाचे प्रदेश उपाध्यक्ष रवी मोरे यांनीही मनोगत व्यक्त केले.
राहुरीमधील हे आंदोलन शांततेत पार पडले असून, सरकारने तातडीने सकारात्मक पावले उचलावीत, अशी एकमुखी मागणी आंदोलकांकडून करण्यात आली.
नियम व अटी / Disclaimer:
वरील माहिती विविध ओपन सोर्स माध्यमांतून, सोशल मीडियातील चर्चांमधून तसेच उपलब्ध असलेल्या सार्वजनिक वाचन-सामग्रीवर आधारित आहे. “क्राईम महाराष्ट्र लाईव्ह न्युज” (Crime Maharashtra Live News) व त्याचे संपादक, प्रतिनिधी किंवा संबद्ध कर्मचारी या माहितीच्या संपूर्ण सत्यतेचा दावा करत नाहीत.ही माहिती केवळ जनहितार्थ, समाजजागृती व चर्चेसाठी प्रसिद्ध करण्यात आलेली आहे. कृपया वाचक/दर्शकांनी संबंधित अधिकृत यंत्रणांकडून खातरजमा करूनच कोणताही निर्णय घ्यावा. या माहितीमध्ये काही बाबी चुकीच्या, अपूर्ण किंवा कालांतराने बदललेल्या असू शकतात. त्यामुळे कोणतीही कायदेशीर अथवा प्रशासकीय कृती करण्यापूर्वी अधिकृत स्रोताची खात्री करणे अत्यावश्यक आहे.. तथापि, या बातम्यांमुळे उद्भवणाऱ्या कोणत्याही गैरसमज किंवा नुकसानीस Crime Maharashtra Live News जबाबदार राहणार नाही.> टीप: जर कोणाला आमच्या बातमीबाबत आक्षेप असल्यास, कृपया आम्हाला [crimemaharashtra.live@gmail.com] वर संपर्क करा.मोबाईल नंबर 7744808833
