“स्क्रॅच कार्डपासून मार्केटिंगपर्यंत” — डिजिटल पेमेंट कंपन्यांच्या भविष्यातील धोरणांवर सामाजिक कार्यकर्ते व पुणे पँथर सेना चे अध्यक्ष सचिन भोसले यांची शंका
पुणे : अनेक वर्षांपूर्वी जेव्हा Google Pay भारतात नवीन आले होते, तेव्हा प्रत्येक ऑनलाइन पेमेंट नंतर ग्राहकांना scratch card दिले जात होते. त्या scratch card मधून २ रुपये, ५ रुपये, ७ रुपये, १० रुपये असे छोटे cashback अनेकांना मिळत होते. त्या काळात लोकांमध्ये मोठ्या प्रमाणावर उत्सुकता निर्माण झाली आणि मोठ्या संख्येने नागरिकांनी Google Pay वापरण्यास सुरुवात केली.
याच विषयावर सामाजिक कार्यकर्ते सचिन भोसले यांनी आपले मत व्यक्त करताना सांगितले की, “ही फक्त cashback योजना नव्हती, तर Google ची अत्यंत प्रभावी marketing strategy होती. लोकांना छोट्या रकमांचे आकर्षण निर्माण करून app install करण्यास आणि नियमित वापरण्यास प्रवृत्त करण्यात आले.”
सचिन भोसले पुढे म्हणाले की, सुरुवातीला लोकांना थेट पैसे मिळत असल्यामुळे Google Pay ची लोकप्रियता झपाट्याने वाढली. मात्र आता बहुतांश scratch cards मध्ये cashback ऐवजी विविध products व services वर discount offers दिल्या जातात. “आज scratch card उघडलं की TV घ्या, shopping करा, discount मिळवा अशा जाहिराती दिसतात. म्हणजेच सुरुवातीला cashback च्या माध्यमातून market तयार करण्यात आली आणि आता त्याच feature चा वापर marketing साठी केला जात आहे,” असेही सचिन भोसले यांनी नमूद केले.
तसेच सचिन भोसले यांनी भविष्यासंदर्भात एक गंभीर शंका व्यक्त केली. त्यांनी म्हटले की, आज ज्या प्रकारे लोक पूर्णपणे online wallet आणि digital payment apps वर अवलंबून झाले आहेत, त्याचा फायदा घेऊन भविष्यात काही कंपन्या transaction वर entry charges किंवा transfer fees आकारू शकतात. जसे आज काही ठिकाणी money transfer करण्यासाठी पैसे द्यावे लागतात, त्याचप्रमाणे भविष्यात digital payment साठीही शुल्क आकारले जाण्याची शक्यता नाकारता येत नाही.
सचिन भोसले यांनी यामध्ये google pay
PhonePe, Paytm, BharatPe यांसारख्या digital wallet कंपन्यांचाही उल्लेख केला. त्यांनी सांगितले की, “हा विषय नागरिकांनी गांभीर्याने घेतला पाहिजे. सुरुवातीला मोफत सुविधा देऊन लोकांना सवय लावली जाते आणि नंतर हळूहळू शुल्क आकारण्याची पद्धत अनेक क्षेत्रांमध्ये दिसून आली आहे.”
तसेच त्यांनी सांगितले की, डिजिटल व्यवहार हे भविष्यातील वास्तव असले तरी नागरिकांच्या हिताचे नियम आणि पारदर्शक धोरणे असणे अत्यंत आवश्यक आहे.
नियम व अटी / Disclaimer:
वरील माहिती विविध ओपन सोर्स माध्यमांतून, सोशल मीडियातील चर्चांमधून तसेच उपलब्ध असलेल्या सार्वजनिक वाचन-सामग्रीवर आधारित आहे. “क्राईम महाराष्ट्र लाईव्ह न्युज” (Crime Maharashtra Live News) व त्याचे संपादक, प्रतिनिधी किंवा संबद्ध कर्मचारी या माहितीच्या संपूर्ण सत्यतेचा दावा करत नाहीत.ही माहिती केवळ जनहितार्थ, समाजजागृती व चर्चेसाठी प्रसिद्ध करण्यात आलेली आहे. कृपया वाचक/दर्शकांनी संबंधित अधिकृत यंत्रणांकडून खातरजमा करूनच कोणताही निर्णय घ्यावा. या माहितीमध्ये काही बाबी चुकीच्या, अपूर्ण किंवा कालांतराने बदललेल्या असू शकतात. त्यामुळे कोणतीही कायदेशीर अथवा प्रशासकीय कृती करण्यापूर्वी अधिकृत स्रोताची खात्री करणे अत्यावश्यक आहे.. तथापि, या बातम्यांमुळे उद्भवणाऱ्या कोणत्याही गैरसमज किंवा नुकसानीस Crime Maharashtra Live News जबाबदार राहणार नाही.> टीप: जर कोणाला आमच्या बातमीबाबत आक्षेप असल्यास, कृपया आम्हाला [crimemaharashtra.live@gmail.com] वर संपर्क करा.मोबाईल नंबर 7744808833
