उपळवटे ते शेळके वस्ती हा रस्ता डांबरीकरण झाला पाहिजे; ग्रामस्थांचा संतप्त इशारा
उपळवटे (ता. माढा, जि. सोलापूर) – उपळवटे ते शेळके वस्ती हा रस्ता गेल्या अनेक वर्षांपासून अतिशय खराब अवस्थेत
https://youtu.be/PGJ13ZkQd5E?si=uzezAw84qD3XGDqH आहे. पावसाळ्यात या रस्त्याची अवस्था बिकट बनते, परिणामी नागरिकांना मोठ्या त्रासाला सामोरे जावे लागते. या रस्त्यावरून शेतकरी, विद्यार्थी, रुग्णवाहिका आणि सामान्य प्रवासी यांचा रोजचा प्रवास खडतर बनला आहे.
रस्त्यावर जागोजागी मोठे खड्डे पडले असून, पावसामुळे चिखल साचतो. त्यामुळे अपघातांचे प्रमाणही वाढले आहे. या मार्गाने जाणाऱ्या रुग्णवाहिकांना वेळेत रुग्णालयात पोहोचणे कठीण झाले आहे. शेळके वस्तीतील शेतकऱ्यांनी सांगितले की, “शेतीमाल विक्रीसाठी बाजारात न्यायचा तर रस्ताच नाही. चिखलात ट्रॅक्टर अडकतो. आम्ही हा त्रास वर्षानुवर्षे सहन करतोय.”
या रस्त्याबाबत ग्रामस्थांनी वारंवार पंचायत समिती, तहसील कार्यालय तसेच लोकप्रतिनिधींना निवेदने दिली आहेत. मात्र आजतागायत कोणतीही ठोस कार्यवाही झाली नाही. त्यामुळे ग्रामस्थांमध्ये तीव्र नाराजी आहे.
स्थानिक नागरिकांनी स्पष्ट शब्दात सांगितले की, “हा रस्ता जर त्वरित डांबरीकरण करण्यात आला नाही, तर तीव्र आंदोलन छेडले जाईल.” प्रशासनाने या गंभीर विषयाची तातडीने दखल घेऊन रस्त्याचे डांबरीकरण करावे, अशी मागणी ग्रामस्थांतून होत आहे.
नियम व अटी / Disclaimer:
वरील माहिती विविध ओपन सोर्स माध्यमांतून, सोशल मीडियातील चर्चांमधून तसेच उपलब्ध असलेल्या सार्वजनिक वाचन-सामग्रीवर आधारित आहे. “क्राईम महाराष्ट्र लाईव्ह न्युज” (Crime Maharashtra Live News) व त्याचे संपादक, प्रतिनिधी किंवा संबद्ध कर्मचारी या माहितीच्या संपूर्ण सत्यतेचा दावा करत नाहीत.ही माहिती केवळ जनहितार्थ, समाजजागृती व चर्चेसाठी प्रसिद्ध करण्यात आलेली आहे. कृपया वाचक/दर्शकांनी संबंधित अधिकृत यंत्रणांकडून खातरजमा करूनच कोणताही निर्णय घ्यावा. या माहितीमध्ये काही बाबी चुकीच्या, अपूर्ण किंवा कालांतराने बदललेल्या असू शकतात. त्यामुळे कोणतीही कायदेशीर अथवा प्रशासकीय कृती करण्यापूर्वी अधिकृत स्रोताची खात्री करणे अत्यावश्यक आहे.. तथापि, या बातम्यांमुळे उद्भवणाऱ्या कोणत्याही गैरसमज किंवा नुकसानीस Crime Maharashtra Live News जबाबदार राहणार नाही.> टीप: जर कोणाला आमच्या बातमीबाबत आक्षेप असल्यास, कृपया आम्हाला [crimemaharashtra.live@gmail.com] वर संपर्क करा.मोबाईल नंबर 7744808833
