ओळखीचा विश्वासघात – आर्मीतील माजी जवानाकडून ४.२६ लाख रुपये किमतीचे सोन्याचे दागिने चोरी
पुणे – ओळखीचा गैरफायदा घेत माजी आर्मी जवानाकडून स्वतःच्या नातेवाईक महिलेच्या घरातून तब्बल ₹४.२६ लाख किमतीचे सोन्याचे दागिने चोरल्याची धक्कादायक घटना उघडकीस आली आहे. या प्रकरणी मुंढवा पोलीस स्टेशनमध्ये गुन्हा रजि. क्र. २६०/२०२५ भा. दं. सं. २०२३ च्या कलम ३०५ (ए) अंतर्गत गुन्हा दाखल करण्यात आला आहे.
फिर्यादी सौ. सुवर्णा मायप्पा मोटे (वय ३५ वर्षे, धंदा – गृहीणी, रा. स. नं. ७/२९, बालाजीनगर, गल्ली नं. ४, घोरपडी, पुणे) यांनी दिलेल्या तक्रारीनुसार, दिनांक २६ सप्टेंबर २०२५ रोजी दुपारी २ वाजता ते ३० सप्टेंबर २०२५ रोजी दुपारी ३ वाजेपर्यंत, त्या आपल्या मुलासह नातेवाईकांना भेटण्यासाठी बाहेर गेल्या होत्या. त्या दरम्यान अज्ञात इसमाने त्यांच्या घराची चावी वापरून बेडरूममधील लोखंडी पेटीत ठेवलेले सोन्याचे दागिने चोरीस नेले.
फिर्यादींचे पती हे आर्मीमध्ये नोकरीनिमित्त सध्या चेन्नई येथे कार्यरत आहेत. या गुन्ह्याचा तपास सहाय्यक पोलीस निरीक्षक राजु महानोर यांच्याकडे सोपविण्यात आला होता.
तपास पथकाने घटनास्थळावरील CCTV फुटेजची पडताळणी, संशयित इसमांचे मोबाईल CDR व SDR तपासणी, आणि तांत्रिक विश्लेषण केल्यानंतर संदीप सुरेश चव्हाण (रा. साईसिद्धी कॉलनी, आदर्शनगर, जयमहाराष्ट्र कॉलनी समोर, घर क्र. ९०९, दिघी, पुणे) हा आरोपी असल्याचे निष्पन्न झाले.
सदर आरोपी हा फिर्यादींचा नातेवाईक असून, तो देखील यापूर्वी आर्मीमध्ये फिर्यादींच्या पतीसोबत नोकरीला होता. घरात कोणी नसल्याची माहिती मिळवून आरोपीने ओळखीचा विश्वासघात करत चोरी केल्याचे तपासात स्पष्ट झाले आहे.
यानंतर १३ ऑक्टोबर २०२५ रोजी सकाळी १०:३० वाजता आरोपीला अटक करण्यात आली.
ही कामगिरी मा. पोलीस आयुक्त श्री. अमितेश कुमार, मा. पोलीस सहआयुक्त श्री. रंजन कुमार शर्मा, मा. अपर पोलीस आयुक्त श्री. मनोज पाटील, मा. पोलीस उपआयुक्त (परिमंडळ ५) श्री. राजकुमार शिंदे, तसेच सहाय्यक पोलीस आयुक्त श्रीमती अनुराधा उदमले यांच्या मार्गदर्शनाखाली पार पडली.
तपास पथकाचे प्रभारी सहा. पोलीस निरीक्षक राजु महानोर, तसेच सपोफो राजु कदम, पोलीस हवालदार शिवाजी जाधव, राहुल धोत्रे, राहुल मोरे, शिवाजी धांडे, पोलीस अंमलदार रुपेश तोडेकर, अक्षय धुमाळ आणि स्वप्नील रासकर यांच्या पथकाने ही कारवाई केली.
नियम व अटी / Disclaimer:
वरील माहिती विविध ओपन सोर्स माध्यमांतून, सोशल मीडियातील चर्चांमधून तसेच उपलब्ध असलेल्या सार्वजनिक वाचन-सामग्रीवर आधारित आहे. “क्राईम महाराष्ट्र लाईव्ह न्युज” (Crime Maharashtra Live News) व त्याचे संपादक, प्रतिनिधी किंवा संबद्ध कर्मचारी या माहितीच्या संपूर्ण सत्यतेचा दावा करत नाहीत.ही माहिती केवळ जनहितार्थ, समाजजागृती व चर्चेसाठी प्रसिद्ध करण्यात आलेली आहे. कृपया वाचक/दर्शकांनी संबंधित अधिकृत यंत्रणांकडून खातरजमा करूनच कोणताही निर्णय घ्यावा. या माहितीमध्ये काही बाबी चुकीच्या, अपूर्ण किंवा कालांतराने बदललेल्या असू शकतात. त्यामुळे कोणतीही कायदेशीर अथवा प्रशासकीय कृती करण्यापूर्वी अधिकृत स्रोताची खात्री करणे अत्यावश्यक आहे.. तथापि, या बातम्यांमुळे उद्भवणाऱ्या कोणत्याही गैरसमज किंवा नुकसानीस Crime Maharashtra Live News जबाबदार राहणार नाही.> टीप: जर कोणाला आमच्या बातमीबाबत आक्षेप असल्यास, कृपया आम्हाला [crimemaharashtra.live@gmail.com] वर संपर्क करा.मोबाईल नंबर 7744808833
