पुणे:
सोशल मीडिया आणि डेटिंग ॲपच्या माध्यमातून गुन्हेगारीचे प्रमाण वाढत असतानाच, पुणे शहरात एका तरुणाला ‘गे डेटिंग ॲण्ड चॅट’ ॲपच्या माध्यमातून बोलावून मारहाण करत लुटल्याची धक्कादायक घटना समोर आली आहे. मात्र, वारजे माळवाडी पोलीस स्टेशनच्या तपास पथकाने अत्यंत चपळाईने हालचाली करत अवघ्या अर्ध्या तासात आरोपींना जेरबंद केले आहे.
नेमकी घटना काय?
मिळालेल्या माहितीनुसार, या प्रकरणातील फिर्यादी तरुणाला आरोपींनी ‘गे डेटिंग ॲण्ड चॅट’ या ॲपद्वारे चॅटिंग करून भेटायला बोलावले होते. तरुण भेटीच्या ठिकाणी पोहोचल्यानंतर चार अनोळखी इसमांनी त्याला घेरले आणि बेदम मारहाण केली. इतकेच नाही तर, मोबाईलद्वारे जबरदस्तीने पैसे ट्रान्सफर करून घेतले आणि त्याच्या गळ्यातील चांदीची चैन हिसकावून पळ काढला. या प्रकरणी वारजे माळवाडी पोलीस स्टेशन येथे दिनांक ०८/०५/२०२६ रोजी गुन्हा र.नं. १५३/२०२६ नुसार भारतीय न्याय संहिता कलम ३०९ (६), ३५२, ३५१(२), ३(५) अन्वये गुन्हा दाखल करण्यात आला होता.
तपास आणि अटकेची कारवाई
गुन्ह्याचे गांभीर्य ओळखून वरिष्ठ पोलीस निरीक्षक महेश बोळकोटगी यांनी तात्काळ तपास पथकाचे प्रभारी पोलीस उप-निरीक्षक संजय नरळे यांना कारवाईचे आदेश दिले. तपासादरम्यान तांत्रिक विश्लेषण आणि गोपनीय बातमीदारांकडून मिळालेल्या माहितीच्या आधारे पोलिसांनी सापळा रचला. पोलीस अंमलदार बालाजी काटे व महादेव शिंदे यांना बातमी मिळाली की, यातील एक आरोपी अतुलनगर चौकात थांबलेला आहे.
पोलिसांनी तत्काळ घटनास्थळी धाव घेत एका आरोपीला ताब्यात घेतले. चौकशीत त्याने आपले नाव ओम गणेश वाघमारे (वय २० वर्षे, रा. चिंतामणी सोसायटीच्या मागे, वारजे माळवाडी) असे सांगितले. त्याने गुन्ह्याची कबुली दिली असून त्याच्या एका अल्पवयीन साथीदारालाही पोलिसांनी ताब्यात घेतले आहे.
या पथकाने केली कारवाई
ही यशस्वी कारवाई मा. अपर पोलीस आयुक्त (पश्चिम प्रादेशिक विभाग) राजेश बनसोडे, मा. पोलीस उप-आयुक्त (परिमंडळ ३) संभाजी कदम, आणि मा. सहा. पोलीस आयुक्त (कोथरुड विभाग) सुजाता तानवडे यांच्या मार्गदर्शनाखाली पूर्ण करण्यात आली.
तपासात वरिष्ठ पोलीस निरीक्षक महेश बोळकोटगी, पोलीस निरीक्षक (गुन्हे) प्रकाश धेंडे, पोलीस उप-निरीक्षक संजय नरळे, तसेच पोलीस अंमलदार बालाजी काटे, शरद पोळ, निखील तांगडे, अमित जाधव, अमित शेलार, सत्यजित लोंढे, गणेश शिंदे व महादेव शिंदे यांचा सहभाग होता. गुन्ह्याचा पुढील तपास पोलीस उप-निरीक्षक शंकर पाटील करत आहेत.
(Grievance Redressal – IT Rules 2021)
क्राईम महाराष्ट्र लाईव्ह न्यूज (Crimemaharashtra.live) हे केंद्र सरकारच्या माहिती तंत्रज्ञान नियम, २०२१ (IT Rules 2021) च्या नियम १८ अंतर्गत नोंदणीकृत आणि नियमांचे पालन करणारे अधिकृत डिजिटल न्यूज पोर्टल आहे. आमच्या पोर्टलवर प्रसिद्ध झालेल्या कोणत्याही बातमी, लेख किंवा मजकुराबाबत आपल्याला काही आक्षेप किंवा तक्रार असल्यास, आपण आमच्या मुख्य तक्रार निवारण अधिकाऱ्यांकडे लेखी नोंदणी करू शकता.
कायदा आणि नियमांनुसार आपल्या तक्रारीची २४ तासांच्या आत दखल घेऊन १५ दिवसांच्या आत त्याचे निवारण केले जाईल.
📌 मुख्य तक्रार निवारण अधिकारी (Level 1):
अधिकारी: आमीर मोहम्मद शेख (Editor & Publisher)
वेबसाईट: https://crimemaharashtra.live
अधिकृत ईमेल: crimemaharashtra.live@gmail.com
Info@crimemaharashtra.live
कार्यालयीन पत्ता: पुणे, महाराष्ट्रIn accordance with Rule 11(2)(a) of the Information Technology (Intermediary Guidelines and Digital Media Ethics Code) Rules, 2021, any person having a grievance regarding the content published on Crimemaharashtra.live may send their complaint to the designated Grievance Redressal Officer.
Grievance Officer: Amir Mohammad Shaikh (Editor & Publisher)
Website: https://crimemaharashtra.live
Official Email: crimemaharashtra.live@gmail.com
Address: Pune, Maharashtra, India.
Note: Please ensure that your complaint includes the specific URL of the news article, the date of publication, and a clear description of the grievance along with supporting documents. All grievances will be acknowledged within 24 hours and resolved within 15 days.,
