गैरकायदेशीर गोणखनिज उत्खनन उघड करणाऱ्या पत्रकाराला धमकी! – प्रशासनासमोरच गुंडगिरीचा प्रकार
हवेली तालुक्यातील परिसरात सार्वजनिक कामाच्या नावाखाली मोठ्या प्रमाणात विनापरवाना गोणखनिज (मुरुम) उत्खनन सुरू असल्याची माहिती स्थानिक पत्रकार सोमनाथ खंडागळे यांना मिळाल्यानंतर त्यांनी प्रत्यक्ष घटनास्थळी भेट दिली.
चौकशीदरम्यान त्यांनी परिस्थिती अधिकृतपणे तपासण्यासाठी तलाठी यांना सोबत घेऊन घटनास्थळी गेले. तलाठी व पत्रकार दोघेही जागेवर पोहोचल्यावर मोठ्या प्रमाणात मुरुम उत्खनन सुरू असल्याचे स्पष्टपणे दिसून आले.
मात्र, याच वेळी उत्खननाशी संबंधित काही व्यक्तींनी पत्रकारांवर आक्षेप घेत धमकी देण्यास सुरुवात केली.
त्यांनी उघडपणे म्हणाले —
> “कुठला पत्रकार तू? तुला आधी ओळखत होतो, आता नाही! ज्यांनी चोरी केली त्यांना बघ!”
या वक्तव्यामुळे उपस्थित सर्वांनी तणावपूर्ण वातावरण अनुभवले. हा संपूर्ण प्रकार तलाठी यांच्या उपस्थितीतच घडल्याने हा प्रकार अधिक गंभीर मानला जात आहे.
सोमनाथ खंडागळे यांनी या घटनेबाबत पोलीस ठाण्यात तक्रार दाखल करण्याची प्रक्रिया सुरू केली असून, धमकी देणाऱ्यांची ओळख पटवण्यासाठी तपासाची मागणी केली आहे.
स्थानिक नागरिक आणि पत्रकार संघटनांनी या घटनेचा तीव्र निषेध नोंदवला आहे. त्यांनी सांगितले की —
> “पत्रकार लोकहिताच्या कामासाठी मैदानात उतरतात. अशा गुंडगिरीला प्रोत्साहन दिल्यास कोणीही भ्रष्टाचार उघड करण्याचे धाडस करणार नाही.”
पत्रकार संघटनांनी पत्रकार संरक्षण कायद्यानुसार गुन्हा दाखल करून कठोर कारवाई करण्याची मागणी केली आहे. तसेच या उत्खनन प्रकरणातील मुख्य सूत्रधारांवरही कारवाई करून सरकारी महसुलाचे नुकसान करणाऱ्या घटकांवर तात्काळ खटला दाखल करण्याची मागणी करण्यात आली आहे.
नियम व अटी / Disclaimer:
वरील माहिती विविध ओपन सोर्स माध्यमांतून, सोशल मीडियातील चर्चांमधून तसेच उपलब्ध असलेल्या सार्वजनिक वाचन-सामग्रीवर आधारित आहे. “क्राईम महाराष्ट्र लाईव्ह न्युज” (Crime Maharashtra Live News) व त्याचे संपादक, प्रतिनिधी किंवा संबद्ध कर्मचारी या माहितीच्या संपूर्ण सत्यतेचा दावा करत नाहीत.ही माहिती केवळ जनहितार्थ, समाजजागृती व चर्चेसाठी प्रसिद्ध करण्यात आलेली आहे. कृपया वाचक/दर्शकांनी संबंधित अधिकृत यंत्रणांकडून खातरजमा करूनच कोणताही निर्णय घ्यावा. या माहितीमध्ये काही बाबी चुकीच्या, अपूर्ण किंवा कालांतराने बदललेल्या असू शकतात. त्यामुळे कोणतीही कायदेशीर अथवा प्रशासकीय कृती करण्यापूर्वी अधिकृत स्रोताची खात्री करणे अत्यावश्यक आहे.. तथापि, या बातम्यांमुळे उद्भवणाऱ्या कोणत्याही गैरसमज किंवा नुकसानीस Crime Maharashtra Live News जबाबदार राहणार नाही.> टीप: जर कोणाला आमच्या बातमीबाबत आक्षेप असल्यास, कृपया आम्हाला [crimemaharashtra.live@gmail.com] वर संपर्क करा.मोबाईल नंबर 7744808833
