ग्रामपंचायतीच्या अहवालात मुरुम चोरीचा पर्दाफाश; अभियंता ठेकेदाराची पाठराखण करत असल्याचा आरोप
📍 पुणे (हवेली तालुका), १४ जुलै २०२५ – गट क्रमांक ७२, कोळवडी साठे येथे सुरू असलेल्या जिल्हा परिषदेच्या निधीतून रस्त्याच्या कामात मोठ्या प्रमाणावर मुरुम चोरी व शासकीय मालमत्तेचा गैरवापर झाल्याचे ग्रामपंचायतीच्या अधिकृत अहवालातून उघड झाले आहे. अहवालात सुमारे अनेक ब्रास मुरुम चोरी, अनधिकृत उत्खनन आणि प्रशासनाच्या दुर्लक्षाचा स्पष्ट उल्लेख 
आहे.
📂 या प्रकरणात सामाजिक कार्यकर्ता आमिर मोहम्मद शेख यांनी तक्रार दाखल करून, संबंधित ठेकेदारांविरुद्ध भारतीय दंड विधान कलम ३७९, ४२०, ४०६, १२०(B) आणि महाराष्ट्र जमीन महसूल अधिनियम १९६६ अन्वये फौजदारी गुन्हा दाखल करण्याची जोरदार मागणी केली आहे.
📌 विशेष बाब म्हणजे, या प्रकरणावर हवेली विभागाचे बांधकाम अभियंता यांना विचारणा केली असता त्यांनी “मुरुम चोरून रस्त्यावरच वापरतोय ना!” असे उदासीन, निष्काळजी आणि प्रशासनाच्या प्रतिमेला सणसणीत तडा देणारे वक्तव्य केले. यामुळे त्यांच्यावर ठेकेदाराची उघड पाठराखण करत असल्याचा आरोप करण्यात आला आहे. त्यांच्या या वर्तनामुळे शासकीय जबाबदारी झटकण्याचा गंभीर प्रकार समोर आला आहे.
🛑 सदर वक्तव्यामुळे संतप्त नागरिक, कार्यकर्ते व स्थानिक ग्रामस्थांनी तीव्र प्रतिक्रिया व्यक्त केली असून, या प्रकाराची सखोल चौकशी करून धडकर यांच्यावर अनुशासनात्मक कारवाई करावी, अशी मागणी होत आहे.
📷 पुरावे (पोलिस ठाण्यात सादर):
ग्रामपंचायतीचा दिनांक १४ जुलै २०२५ चा अहवाल
जिल्हा परिषदेकडील पत्र
गट क्रमांक ७२ चा ७/१२ उतारा
मुरुम चोरीचे प्रत्यक्ष फोटो
✊ जर प्रशासनाने तात्काळ कारवाई केली नाही, तर नागरिक आणि सामाजिक कार्यकर्ते तीव्र आंदोलन छेडण्याचा इशारा देत आहेत. शासकीय निधीची लूट, अधिकारी व ठेकेदारांचे संगनमत, आणि ग्रामपंचायतीच्या निष्कर्षांकडे दुर्लक्ष — हे सर्व एकत्र येऊन हा प्रकार अत्यंत गंभीर व निंदनीय ठरत आहे.
📌 टीप (Legal Disclaimer):
वरील माहिती ग्रामपंचायतच्या लेखी अहवाल, स्थानिक नागरिकांकडून प्राप्त माहिती, व माहिती अधिकार कार्यकर्त्यांनी सादर केलेल्या निवेदनांवर आधारित आहे. या बातमीत कोणत्याही व्यक्तीची प्रतिमा दूषित करण्याचा उद्देश नसून, सार्वजनिक हितासाठी वस्तुनिष्ठ माहिती प्रसिद्ध करण्यात येत आहे.
नियम व अटी / Disclaimer:
वरील माहिती विविध ओपन सोर्स माध्यमांतून, सोशल मीडियातील चर्चांमधून तसेच उपलब्ध असलेल्या सार्वजनिक वाचन-सामग्रीवर आधारित आहे. “क्राईम महाराष्ट्र लाईव्ह न्युज” (Crime Maharashtra Live News) व त्याचे संपादक, प्रतिनिधी किंवा संबद्ध कर्मचारी या माहितीच्या संपूर्ण सत्यतेचा दावा करत नाहीत.ही माहिती केवळ जनहितार्थ, समाजजागृती व चर्चेसाठी प्रसिद्ध करण्यात आलेली आहे. कृपया वाचक/दर्शकांनी संबंधित अधिकृत यंत्रणांकडून खातरजमा करूनच कोणताही निर्णय घ्यावा. या माहितीमध्ये काही बाबी चुकीच्या, अपूर्ण किंवा कालांतराने बदललेल्या असू शकतात. त्यामुळे कोणतीही कायदेशीर अथवा प्रशासकीय कृती करण्यापूर्वी अधिकृत स्रोताची खात्री करणे अत्यावश्यक आहे.. तथापि, या बातम्यांमुळे उद्भवणाऱ्या कोणत्याही गैरसमज किंवा नुकसानीस Crime Maharashtra Live News जबाबदार राहणार नाही.> टीप: जर कोणाला आमच्या बातमीबाबत आक्षेप असल्यास, कृपया आम्हाला [crimemaharashtra.live@gmail.com] वर संपर्क करा.मोबाईल नंबर 7744808833
