“पालखी परंपरा वाचवण्यासाठी भवानी पेठेत एकजूट — मनपा आयुक्तांचा सकारात्मक प्रतिसाद”
पुणे, दि. २४ एप्रिल :
शेकडो वर्षांची ऐतिहासिक, धार्मिक आणि सांस्कृतिक परंपरा असलेल्या पालखी सोहळ्याच्या विश्रांती स्थळाबाबत निर्माण झालेल्या प्रश्नावर भवानी पेठ आणि नाना पेठ परिसरातील सर्व मंडळांनी एकत्र येत ठोस भूमिका घेतली आहे.
शुक्रवारी (दि. २४ एप्रिल) रोजी सर्व मंडळांच्या प्रतिनिधींनी पुणे महानगरपालिका आयुक्त श्री. नवल किशोर राम यांची भेट घेऊन पालखीच्या पारंपरिक मुक्काम स्थळात कोणताही बदल करू नये, या मागणीचे निवेदन सादर केले. विशेष म्हणजे, महानगरपालिकेची सर्वसाधारण सभा सुरू असतानाही आयुक्तांनी वेळ देऊन सभागृहाबाहेर येत प्रतिनिधींची भेट घेतली व निवेदन स्वीकारले.
या बैठकीत सकारात्मक चर्चा झाली असून आयुक्तांनी येत्या आठवड्यात भवानी पेठ येथील विठ्ठल मंदिरात प्रत्यक्ष भेट देऊन सर्व मंडळांशी सविस्तर चर्चा करण्याचे आश्वासन दिले आहे.
या प्रसंगी नाना पेठ व भवानी पेठ परिसरातील एकूण २१ मंडळांचे अध्यक्ष उपस्थित होते. सर्व मंडळांनी एकमताने पालखीच्या पारंपरिक मुक्काम स्थळाचे संरक्षण करण्याचा निर्धार व्यक्त केला.
ही चळवळ आता अधिक व्यापक करण्याचा निर्णय घेण्यात आला असून, आयुक्तांसोबत होणाऱ्या आगामी बैठकीस सर्व मंडळांचे अध्यक्ष, पदाधिकारी आणि कार्यकर्त्यांनी मोठ्या संख्येने उपस्थित राहण्याचे आवाहन करण्यात येत आहे. तसेच, पालखी संदर्भातील स्थानिक समस्या, हरकती व सूचना मांडून परंपरा जपण्यासाठी एकजुटीने भूमिका मांडण्याचेही आवाहन करण्यात आले आहे.
भवानी पेठ येथील विठ्ठल मंदिर हे पालखीचे पारंपरिक विश्रांती स्थळ असून ही परंपरा अखंड राखणे ही सर्वांची सामूहिक जबाबदारी आहे. पुणे महानगरपालिका प्रशासनानेही या विषयाकडे सकारात्मक दृष्टीने पाहिल्यामुळे सर्व मंडळांमध्ये समाधानाचे वातावरण आहे.
(Grievance Redressal – IT Rules 2021)
क्राईम महाराष्ट्र लाईव्ह न्यूज (Crimemaharashtra.live) हे केंद्र सरकारच्या माहिती तंत्रज्ञान नियम, २०२१ (IT Rules 2021) च्या नियम १८ अंतर्गत नोंदणीकृत आणि नियमांचे पालन करणारे अधिकृत डिजिटल न्यूज पोर्टल आहे. आमच्या पोर्टलवर प्रसिद्ध झालेल्या कोणत्याही बातमी, लेख किंवा मजकुराबाबत आपल्याला काही आक्षेप किंवा तक्रार असल्यास, आपण आमच्या मुख्य तक्रार निवारण अधिकाऱ्यांकडे लेखी नोंदणी करू शकता.
कायदा आणि नियमांनुसार आपल्या तक्रारीची २४ तासांच्या आत दखल घेऊन १५ दिवसांच्या आत त्याचे निवारण केले जाईल.
📌 मुख्य तक्रार निवारण अधिकारी (Level 1):
अधिकारी: आमीर मोहम्मद शेख (Editor & Publisher)
वेबसाईट: https://crimemaharashtra.live
अधिकृत ईमेल: crimemaharashtra.live@gmail.com
Info@crimemaharashtra.live
कार्यालयीन पत्ता: पुणे, महाराष्ट्रIn accordance with Rule 11(2)(a) of the Information Technology (Intermediary Guidelines and Digital Media Ethics Code) Rules, 2021, any person having a grievance regarding the content published on Crimemaharashtra.live may send their complaint to the designated Grievance Redressal Officer.
Grievance Officer: Amir Mohammad Shaikh (Editor & Publisher)
Website: https://crimemaharashtra.live
Official Email: crimemaharashtra.live@gmail.com
Address: Pune, Maharashtra, India.
Note: Please ensure that your complaint includes the specific URL of the news article, the date of publication, and a clear description of the grievance along with supporting documents. All grievances will be acknowledged within 24 hours and resolved within 15 days.,
