पुणे | प्रतिनिधी
पुणे शहरातील वाहनांची तोडफोड करून दहशत निर्माण करणाऱ्या अज्ञात आरोपींचा शोध घेत गुन्हे शाखा युनिट ७ ने मोठी कारवाई केली आहे. या कारवाईत १ आरोपी व ३ विधीसंघर्षित बालकांना ताब्यात घेण्यात आले असून त्यांच्याकडून वाहनांची तोडफोड केल्याची कबुली मिळाल्याची माहिती पोलिसांनी दिली आहे.
दिनांक २७ एप्रिल २०२६ रोजी रात्री ३ वाजण्याच्या सुमारास, वाघोली लोणीकंद रोडवरील मोरया फॅशन गल्ली, वाघोली, पुणे येथे चार अज्ञात इसमांनी वाहनांची तोडफोड केली होती. या प्रकरणी वाघोली पोलीस स्टेशन येथे गुन्हा दाखल करण्यात आला होता. त्यानंतर वरिष्ठांच्या आदेशानुसार सहाय्यक पोलीस निरीक्षक मदन कांबळे व गुन्हे शाखा युनिट ७ चे पथक सीसीटीव्ही फुटेज व तांत्रिक माहितीच्या आधारे आरोपींचा शोध घेत होते.
तपासादरम्यान पोलिस अंमलदार नितीन धाडगे यांना गुप्त माहिती मिळाली की, गुन्ह्यातील संशयित इसम जय जवान वस्ती, भावडी रोड, वाघोली येथे आले आहेत. मिळालेल्या माहितीच्या आधारे युनिट ७ च्या पथकाने तात्काळ छापा टाकून संशयित चार इसमांना ताब्यात घेतले. त्यांची चौकशी केली असता त्यांनी वाघोली लोणीकंद रोडवरील मोरया फॅशन गल्ली, वाघोली येथे वाहनांची तोडफोड केल्याची कबुली दिली, अशी माहिती पोलिसांनी दिली.
या प्रकरणी वाघोली पोलीस स्टेशन गु.र.नं. २८२/२०२६, भारतीय न्याय संहिता कलम ३२४(४), ३(५) व मुंबई पोलीस अधिनियम ३७(१)(३) सह १३५ अन्वये गुन्हा दाखल आहे. या गुन्ह्यात अमित प्रकाश काकडे (वय २२ वर्षे, रा. लेन नंबर २, साई पार्क, गणेश मंदिराजवळ, रायसोनी कॉलेज, वाघोली, पुणे) याला अटक करण्यात आली असून, त्याच्यासह ३ विधीसंघर्षित बालकांना पुढील तपासासाठी वाघोली पोलीस स्टेशनच्या ताब्यात देण्यात आले आहे.
ही कारवाई अपर पोलीस आयुक्त (गुन्हे) श्री. प्रवीण देशमुख, पोलीस उपायुक्त (गुन्हे) श्री. निखिल पिंगळे, सहाय्यक पोलीस आयुक्त गुन्हे-२ श्री. प्रजक्त मुंढे यांच्या मार्गदर्शनाखाली करण्यात आली.
तसेच युनिट ७ चे प्रभारी वरिष्ठ पोलीस निरीक्षक श्री. संतोष सोनवणे यांच्या सूचनेनुसार सहाय्यक पोलीस निरीक्षक मदन कांबळे, पोलीस अंमलदार सागर ढवळे, निलेश सालवे, विनायक सालवे, निनाद लोंढे, ऋषिकेश ताकवणे व नितीन धाडगे यांनी ही उल्लेखनीय कारवाई पार पाडली.
(Grievance Redressal – IT Rules 2021)
क्राईम महाराष्ट्र लाईव्ह न्यूज (Crimemaharashtra.live) हे केंद्र सरकारच्या माहिती तंत्रज्ञान नियम, २०२१ (IT Rules 2021) च्या नियम १८ अंतर्गत नोंदणीकृत आणि नियमांचे पालन करणारे अधिकृत डिजिटल न्यूज पोर्टल आहे. आमच्या पोर्टलवर प्रसिद्ध झालेल्या कोणत्याही बातमी, लेख किंवा मजकुराबाबत आपल्याला काही आक्षेप किंवा तक्रार असल्यास, आपण आमच्या मुख्य तक्रार निवारण अधिकाऱ्यांकडे लेखी नोंदणी करू शकता.
कायदा आणि नियमांनुसार आपल्या तक्रारीची २४ तासांच्या आत दखल घेऊन १५ दिवसांच्या आत त्याचे निवारण केले जाईल.
📌 मुख्य तक्रार निवारण अधिकारी (Level 1):
अधिकारी: आमीर मोहम्मद शेख (Editor & Publisher)
वेबसाईट: https://crimemaharashtra.live
अधिकृत ईमेल: crimemaharashtra.live@gmail.com
Info@crimemaharashtra.live
कार्यालयीन पत्ता: पुणे, महाराष्ट्रIn accordance with Rule 11(2)(a) of the Information Technology (Intermediary Guidelines and Digital Media Ethics Code) Rules, 2021, any person having a grievance regarding the content published on Crimemaharashtra.live may send their complaint to the designated Grievance Redressal Officer.
Grievance Officer: Amir Mohammad Shaikh (Editor & Publisher)
Website: https://crimemaharashtra.live
Official Email: crimemaharashtra.live@gmail.com
Address: Pune, Maharashtra, India.
Note: Please ensure that your complaint includes the specific URL of the news article, the date of publication, and a clear description of the grievance along with supporting documents. All grievances will be acknowledged within 24 hours and resolved within 15 days.,
