पुणे विमानतळावरील उड्डाणे रद्द: Miss Farha Charitable Foundationचा तीव्र निषेध
३६ विमान उड्डाणे रद्द झाल्याने हजारो प्रवाशांना त्रास; डॉ. फरहा अन्वर हुसेन शेख यांनी केंद्रीय मंत्री मुरलीधर मोहोळ यांना पत्र पाठवून तातडीच्या चौकशीची मागणी
*दिनांक: ५ डिसेंबर २०२५ | पुणे*
काल पुणे विमानतळावर घडलेली अचानक आणि मोठ्या प्रमाणातील उड्डाणे रद्द केल्याची घटना प्रवाशांसाठी अत्यंत त्रासदायक आणि धक्कादायक होती. इंडिगो सह विविध विमान कंपन्यांनी एकूण ३६ उड्डाणे रद्द केल्याने हजारो प्रवासी तासन्तास विमानतळावर अडकून राहिले. यामध्ये वरिष्ठ नागरिक, महिला, मुले, विद्यार्थी, रुग्ण, व्यावसायिक आणि सरकारी कारणांसाठी प्रवास करणाऱ्या लोकांना प्रचंड अडचणींचा सामना करावा
1लागला.
*“हे फक्त उड्डाण रद्द होणे नाही, तर प्रवाशांच्या हक्कांचा अवमान आहे.”*
*मी स्वतः दिल्लीला एका महत्त्वाच्या कायदेशीर सल्लामसलतीसाठी जाणार होते. आमच्या NGO मिस फरहा चैरिटेबल फाउंडेशन च्या चालू असलेल्या प्रकरणात वकिलांसोबत महत्त्वाची बैठक नियोजित होती. मात्र उड्डाण रद्द झाल्यामुळे मला दिल्लीला जाता आले नाही* आणि ते काम पुढे ढकलावे लागले.
ही परिस्थिती फक्त माझी नाही माझ्या आसपास शेकडो नागरिक त्रासाने, तणावाने आणि अनिश्चिततेने उभे होते.
*मिस फरहा चैरिटेबल फाउंडेशन ची भूमिका*
या घटनेबाबत आम्ही गंभीर आहोत आणि नागरिकांच्या व प्रवाशांच्या हक्कांसाठी आवाज उठवत आहोत.
*केंद्रिय विमान वाहतूक मंत्री मा. श्री. मुरलीधर मोहोळ यांना पत्र*
या प्रकरणात योग्य तपास, जबाबदारी निश्चित करणे, तसेच प्रवाशांसाठी भरपाई आणि नियम लागू करण्यासाठी आज आम्ही मा. मंत्री श्री. मुरलीधर मोहोळ यांना अधिकृत पत्र पाठवले आहे.
त्या पत्रात आम्ही पुढील मागण्या केल्या आहेत:
घटनेची तातडीने चौकशी
विमान कंपन्यांची जबाबदारी आणि पारदर्शकता
प्रवाशांना योग्य भरपाई आणि पर्यायी सेवा नियम
भविष्यात अशा घटना होऊ नयेत यासाठी कडक धोरण
मंत्री महोदयांकडे अपेक्षा
मोहोळ साहेब पुण्याचे प्रतिनिधी असल्यामुळे या परिस्थितीवर तात्काळ हस्तक्षेप करून योग्य निर्णय घ्यावा, अशी आमची नम्र विनंती आहे.
*“प्रवासी हा फक्त तिकीट क्रमांक नसतो तो सन्मान, वेळ आणि अधिकार असलेला नागरिक असतो.”*
डॉ. फरहा अन्वर हुसेन शेख

नियम व अटी / Disclaimer:
वरील माहिती विविध ओपन सोर्स माध्यमांतून, सोशल मीडियातील चर्चांमधून तसेच उपलब्ध असलेल्या सार्वजनिक वाचन-सामग्रीवर आधारित आहे. “क्राईम महाराष्ट्र लाईव्ह न्युज” (Crime Maharashtra Live News) व त्याचे संपादक, प्रतिनिधी किंवा संबद्ध कर्मचारी या माहितीच्या संपूर्ण सत्यतेचा दावा करत नाहीत.ही माहिती केवळ जनहितार्थ, समाजजागृती व चर्चेसाठी प्रसिद्ध करण्यात आलेली आहे. कृपया वाचक/दर्शकांनी संबंधित अधिकृत यंत्रणांकडून खातरजमा करूनच कोणताही निर्णय घ्यावा. या माहितीमध्ये काही बाबी चुकीच्या, अपूर्ण किंवा कालांतराने बदललेल्या असू शकतात. त्यामुळे कोणतीही कायदेशीर अथवा प्रशासकीय कृती करण्यापूर्वी अधिकृत स्रोताची खात्री करणे अत्यावश्यक आहे.. तथापि, या बातम्यांमुळे उद्भवणाऱ्या कोणत्याही गैरसमज किंवा नुकसानीस Crime Maharashtra Live News जबाबदार राहणार नाही.> टीप: जर कोणाला आमच्या बातमीबाबत आक्षेप असल्यास, कृपया आम्हाला [crimemaharashtra.live@gmail.com] वर संपर्क करा.मोबाईल नंबर 7744808833























