पुणे : पुणे शहर गुन्हे शाखेच्या खंडणी विरोधी पथक-२ यांनी मोठी कारवाई करत पुण्यातील एका प्रसिद्ध सराफाला तब्बल १८ कोटी रुपयांचा गंडा घालणाऱ्या मुख्य आरोपीला अटक केली आहे. ही कारवाई दिनांक २५ एप्रिल २०२६ रोजी करण्यात आली असून या प्रकरणामुळे सराफ व्यावसायिकांमध्ये मोठी खळबळ उडाली आहे.
प्राप्त माहितीनुसार, पुण्यातील एका प्रसिद्ध सराफ व्यावसायिकाने मार्च २०२६ मध्ये वार्षिक ऑडिट कामी स्टॉक व्हेरिफिकेशन केले असता, त्यामध्ये सुमारे ५२,८०० ग्रॅम वजनाचे सोने आणि सुमारे १७,००० ग्रॅम चांदी यामध्ये फरक आढळून आला. या प्रकारानंतर संबंधितांनी विश्वासात घेत तपास सुरू केला असता दुकानात काम करणारा प्रशांत कांतीलाल बंबेचा (वय ५६ वर्षे, रा. फ्लॅट नं. १००४, ए बिल्डिंग, शांतिनगर सोसायटी, कोंढवा पुणे) याच्यावर संशय निर्माण झाला.
तपासात पुढे उघड झाले की, प्रशांत बंबेचा याने दुकानातील विश्वासाचा गैरफायदा घेत सोने व चांदीची चोरी केली आणि त्याची विक्री करून स्वतःकडे मोठी रक्कम जमा केली. याप्रकरणी विश्रामबाग पोलीस स्टेशन येथे गुन्हा दाखल करण्यात आला असून गुन्हा क्रमांक १५७/२०२६ अंतर्गत भारतीय दंड संहितेच्या कलम ३८१, ३९६, ४०६, ४२० अन्वये गुन्हा नोंदविण्यात आला आहे.
तपासादरम्यान आणखी दोन आरोपींचा सहभाग समोर आला असून त्यामध्ये
समाकांत महादेव पाटोळे (वय ५२ वर्षे, रा. केडगाव जि. अहमदनगर)
मधु उर्फ महेश समाकांत पाटोळे (वय २२ वर्षे, रा. केडगाव जि. अहमदनगर)
यांचा समावेश आहे. या आरोपींनीही या गुन्ह्यात सहकार्य केल्याचे निष्पन्न झाले आहे.
गुन्ह्याचा तपास करताना खंडणी विरोधी पथक-२ चे पोलीस निरीक्षक राम राजमाने यांच्या मार्गदर्शनाखाली पथकाने केडगाव (जि. अहमदनगर) येथे छापा टाकून मुख्य आरोपीला ताब्यात घेतले. तपासादरम्यान आरोपी प्रशांत बंबेचा हा मागील दीड महिन्यांपासून इतर आरोपींसोबत राहत असल्याचेही निष्पन्न झाले. �
या कारवाईदरम्यान पोलिसांनी आरोपींकडून एकूण ५,४६,८२,०००/- रुपये किंमतीचा मुद्देमाल जप्त केला असून त्यामध्ये
२ किलो ५५२ ग्रॅम सोन्याचे दागिने (अंदाजे ३,७०,९२,०००/- रुपये)
२,३०,०००/- रुपये किंमतीचा वापरता मोबाईल फोन
१,३०,०००/- रुपये किंमतीची मर्सिडीज बेंझ कार
८,०००/- रुपये रोख रक्कम
असा समावेश आहे. �
सदर कारवाई पुणे शहराचे पोलीस आयुक्त श्री. अमितेश कुमार, सह पोलीस आयुक्त श्री. रंजनकुमार शर्मा, अतिरिक्त पोलीस आयुक्त श्री. पंकज देशमुख, पोलीस उपायुक्त (गुन्हे) श्री. विवेक मासाळ, सहाय्यक पोलीस आयुक्त श्री. राजेंद्र मुळीक यांच्या मार्गदर्शनाखाली पार पडली. �
ही कारवाई पोलीस निरीक्षक राम राजमाने, सहाय्यक पोलीस निरीक्षक कल्पना कासारे, पोलीस उपनिरीक्षक अजित पवार, पोलीस अंमलदार अनिल कुरणेसकर, किरण पडळकर, अभिज्ञान येडे, नितीन मुंडे, कांबळेकर कोंडे, आसाब पठाण, प्रशांत शिंदे, संदीप मिंधे, महिला पोलीस अंमलदार मृदुला लामाडे, तसेच प्रतिक्षा पवार व सुवर्णा धुमाळ यांनी संयुक्तरित्या केली. �
सदर प्रकरणाचा पुढील तपास खंडणी विरोधी पथक-२, गुन्हे शाखा, पुणे शहर यांच्याकडून सुरू आहे.
(Grievance Redressal – IT Rules 2021)
क्राईम महाराष्ट्र लाईव्ह न्यूज (Crimemaharashtra.live) हे केंद्र सरकारच्या माहिती तंत्रज्ञान नियम, २०२१ (IT Rules 2021) च्या नियम १८ अंतर्गत नोंदणीकृत आणि नियमांचे पालन करणारे अधिकृत डिजिटल न्यूज पोर्टल आहे. आमच्या पोर्टलवर प्रसिद्ध झालेल्या कोणत्याही बातमी, लेख किंवा मजकुराबाबत आपल्याला काही आक्षेप किंवा तक्रार असल्यास, आपण आमच्या मुख्य तक्रार निवारण अधिकाऱ्यांकडे लेखी नोंदणी करू शकता.
कायदा आणि नियमांनुसार आपल्या तक्रारीची २४ तासांच्या आत दखल घेऊन १५ दिवसांच्या आत त्याचे निवारण केले जाईल.
📌 मुख्य तक्रार निवारण अधिकारी (Level 1):
अधिकारी: आमीर मोहम्मद शेख (Editor & Publisher)
वेबसाईट: https://crimemaharashtra.live
अधिकृत ईमेल: crimemaharashtra.live@gmail.com
Info@crimemaharashtra.live
कार्यालयीन पत्ता: पुणे, महाराष्ट्रIn accordance with Rule 11(2)(a) of the Information Technology (Intermediary Guidelines and Digital Media Ethics Code) Rules, 2021, any person having a grievance regarding the content published on Crimemaharashtra.live may send their complaint to the designated Grievance Redressal Officer.
Grievance Officer: Amir Mohammad Shaikh (Editor & Publisher)
Website: https://crimemaharashtra.live
Official Email: crimemaharashtra.live@gmail.com
Address: Pune, Maharashtra, India.
Note: Please ensure that your complaint includes the specific URL of the news article, the date of publication, and a clear description of the grievance along with supporting documents. All grievances will be acknowledged within 24 hours and resolved within 15 days.,
