पुणे:
पुणे शहर पोलिसांच्या गुन्हे शाखे अंतर्गत असलेल्या अंमली पदार्थ विरोधी पथक-१ ने खराडी परिसरामध्ये धडक कारवाई केली आहे. बेकायदेशीररी्या ‘पॉपी स्ट्रा’ (अफू) या अंमली पदार्थाची विक्री करण्यासाठी आलेल्या एका ३० वर्षीय इसमाला पोलिसांनी रंगेहात जेरबंद केले असून, त्याच्याकडून लाखो रुपयांचा मुद्देमाल जप्त करण्यात आला आहे.
संशयास्पद हालचालींमुळे आरोपी पोलिसांच्या जाळ्यात
दिनांक ०६ जून २०२६ रोजी अंमली पदार्थ विरोधी पथक-१ चे वरिष्ठ पोलीस निरीक्षक श्री. वाहीद पठाण व त्यांचे पोलीस अंमलदार पुणे शहर हद्दीत अंमली पदार्थ विरोधी गस्त घालत होते. यादरम्यान खराडी येथील खराडकर पार्क, थिटे वस्ती, साईकृपा बिल्डिंगसमोरील रस्त्याच्या कडेला एक इसम दोन मोठ्या गोण्या घेऊन संशयीतरीत्या उभा असल्याचे महिला पोलीस हवालदार (मपोहवा) सुर्यवंशी यांच्या निदर्शनास आले.
संशय बळावल्याने पोलिसांनी त्या इसमाला ताब्यात घेऊन त्याची विचारपूस सुरू केली. मात्र, तो पोलिसांना असमाधानकारक आणि उडवाउडवीची उत्तरे देऊ लागला. त्याच्या हालचालींवरून त्याच्याकडे अंमली पदार्थ असण्याचा संशय बळावल्याने पोलिसांनी त्याची व त्याच्याकडील गोण्यांची झडती घेतली.
लाखोंचा मुद्देमाल जप्त, गुन्हा दाखल
झडती दरम्यान आरोपीच्या ताब्यातील गोण्यांमध्ये १३ किलो ८० ग्रॅम ‘पॉपी स्ट्रा’ (अफू) हा अंमली पदार्थ मिळून आला, ज्याची एकूण किंमत २,६१,६००/- रुपये आहे. हा अंमली पदार्थ तो कोणत्याही परवान्याशिवाय, अनधिकृत आणि बेकायदेशीररीत्या विक्रीसाठी बाळगून होता.
याप्रकरणी आरोपी मुकेश बिश्णोई (वय ३० वर्षे, रा. खराडकर पार्क, थिटे वस्ती, खराडी, पुणे) याच्याविरुद्ध खराडी पोलीस स्टेशन येथे गु.र.नं १९७/२०२५, एन.डी.पी.एस. अॅक्ट (NDPS Act) कलम ८ (क) आणि १५ (ब) अन्वये गुन्हा दाखल करण्यात आला असून त्याला अटक करण्यात आली आहे.
एकूण हस्तगत मुद्देमाल:
अंमली पदार्थ: १३ किलो ८० ग्रॅम पॉपी स्ट्रा (अफू)
एकूण किंमत: रुपये ०२,६१,६००/-
या वरिष्ठ अधिकाऱ्यांच्या मार्गदर्शनाखाली झाली कारवाई:
सदर धडक कारवाई पुणे पोलीस दलातील उच्चपदस्थ अधिकाऱ्यांच्या मार्गदर्शनाखाली पार पडली:
श्री. अमितेश कुमार (मा. पोलीस आयुक्त, पुणे शहर)
श्री. संजय दराडे (मा. सह पोलीस आयुक्त)
श्रीमती तेजस्वी सातपुते (मा. अपर पोलीस आयुक्त, गुन्हे)
श्री. गौहर हसन (मा. पोलीस उप आयुक्त, गुन्हे)
श्री. शंकर खटके (मा. सहाय्यक पोलीस आयुक्त, गुन्हे ३)
कारवाई करणारे पोलीस पथक:
अंमली पदार्थ विरोधी पथक-१, गुन्हे शाखा पुणे शहरचे वरिष्ठ पोलीस निरीक्षक श्री. वाहीद पठाण यांच्या सूचनेनुसार या पथकाने कामगिरी फत्ते केली. या पथकात खालील अधिकारी व अंमलदारांचा समावेश होता:
अनिल सुरवसे (सहा. पो. निरी.)
विठ्ठल साळुखे (पोलीस अंमलदार)
विशाल भिलारे (पोलीस अंमलदार)
निशिकांत सावंत (पोलीस अंमलदार)
संजय राजे (पोलीस अंमलदार)
निलेश जाधव (पोलीस अंमलदार)
अतुल क्षिरसागर (पोलीस अंमलदार)
सचिन लोहार (पोलीस अंमलदार)
विजय कांबळे (पोलीस अंमलदार)
तुषार साळुंखे (पोलीस अंमलदार)
आशा भिंगारे (पोलीस अंमलदार)
जान्हवी सुर्यवंशी (पोलीस अंमलदार / मपोहवा)
मंगेश गुंड (पोलीस अंमलदार)
पुणे शहरातील अंमली पदार्थांचे नेटवर्क उद्ध्वस्त करण्यासाठी पुणे पोलिसांकडून अशा कारवायांचे सत्र सुरूच राहणार असल्याचे प्रशासनातर्फे स्पष्ट करण्यात आले आहे.
(Grievance Redressal – IT Rules 2021)
क्राईम महाराष्ट्र लाईव्ह न्यूज (Crimemaharashtra.live) हे केंद्र सरकारच्या माहिती तंत्रज्ञान नियम, २०२१ (IT Rules 2021) च्या नियम १८ अंतर्गत नोंदणीकृत आणि नियमांचे पालन करणारे अधिकृत डिजिटल न्यूज पोर्टल आहे. आमच्या पोर्टलवर प्रसिद्ध झालेल्या कोणत्याही बातमी, लेख किंवा मजकुराबाबत आपल्याला काही आक्षेप किंवा तक्रार असल्यास, आपण आमच्या मुख्य तक्रार निवारण अधिकाऱ्यांकडे लेखी नोंदणी करू शकता.
कायदा आणि नियमांनुसार आपल्या तक्रारीची २४ तासांच्या आत दखल घेऊन १५ दिवसांच्या आत त्याचे निवारण केले जाईल.
📌 मुख्य तक्रार निवारण अधिकारी (Level 1):
अधिकारी: आमीर मोहम्मद शेख (Editor & Publisher)
वेबसाईट: https://crimemaharashtra.live
अधिकृत ईमेल: crimemaharashtra.live@gmail.com
Info@crimemaharashtra.live
कार्यालयीन पत्ता: पुणे, महाराष्ट्रIn accordance with Rule 11(2)(a) of the Information Technology (Intermediary Guidelines and Digital Media Ethics Code) Rules, 2021, any person having a grievance regarding the content published on Crimemaharashtra.live may send their complaint to the designated Grievance Redressal Officer.
Grievance Officer: Amir Mohammad Shaikh (Editor & Publisher)
Website: https://crimemaharashtra.live
Official Email: crimemaharashtra.live@gmail.com
Address: Pune, Maharashtra, India.
Note: Please ensure that your complaint includes the specific URL of the news article, the date of publication, and a clear description of the grievance along with supporting documents. All grievances will be acknowledged within 24 hours and resolved within 15 days.,
