बेपत्ता असलेल्या 16वर्षीय मुलाचा मृतदेह विहिरीत आढळून आला.
सहसंपादक शिवाजी दवणे
क्राईम महाराष्ट्र न्यूज 9730170965
राहुरी शहर हद्दीतील येवले आखाडा येथे तीन दिवसांपासून बेपत्ता असलेल्या अल्पवयीन मुलाचा मृतदेह त्याच परिसरातील एका विहिरीत आज दि. ११ ऑगस्ट रोजी सकाळच्या सुमारास मिळुन आला. या घटनेमुळे परिसरात खळबळ उडाली आहे.
तुषार गोरक्षनाथ शेटे, वय १६ वर्षे ६ महीने हा अल्पवयीन मुलगा राहुरी शहरातील येवले आखाडा येथे कुटुंबासह राहतो. दि. ८ ऑगस्ट २०२५ रोजी सकाळच्या सुमारास तो घरातुन बेपत्ता झाला होता. त्याचे अपहरण केल्याचा गुन्हा राहुरी पोलिस ठाण्यात दाखल करण्यात आला होता. पोलिस पथकासह त्याचे नातेवाईक सर्वत्र शोध घेत होते. आज दि. ११ ऑगस्ट रोजी सकाळच्या सुमारास येवले आखाडा परिसरातील एका विहिरीत तुषार शेटे याचा मृतदेह विहिरीच्या पाण्यावर तरंगताना दिसून आला. घटनेची माहिती मिळताच पोलिस पथकाने घटनास्थळी धाव घेतली. रविंद्र देवगीरे यांनी रुग्णवाहिकेतून तुषार शेटे याचा मृतदेह राहुरी येथील ग्रामीण रुग्णालयात आणला. शवविच्छेदन केल्यानंतर मृतदेह नातेवाईकांच्या ताब्यात देण्यात आला.
या घटने बाबत राहुरी पोलीस ठाण्यात आकस्मात गुन्ह्याची नोंद करण्यात आली असून पुढील तपास पोलिस निरीक्षक संजय ठेंगे यांच्या मार्गदर्शनाखाली सहाय्यक फौजदार तुळशीदास गिते हे करीत आहे. तुषार शेटे या अल्पवयीन मुलाच्या मृत्यूने परिसरात हळहळ व्यक्त केली जात आहे.
नियम व अटी / Disclaimer:
वरील माहिती विविध ओपन सोर्स माध्यमांतून, सोशल मीडियातील चर्चांमधून तसेच उपलब्ध असलेल्या सार्वजनिक वाचन-सामग्रीवर आधारित आहे. “क्राईम महाराष्ट्र लाईव्ह न्युज” (Crime Maharashtra Live News) व त्याचे संपादक, प्रतिनिधी किंवा संबद्ध कर्मचारी या माहितीच्या संपूर्ण सत्यतेचा दावा करत नाहीत.ही माहिती केवळ जनहितार्थ, समाजजागृती व चर्चेसाठी प्रसिद्ध करण्यात आलेली आहे. कृपया वाचक/दर्शकांनी संबंधित अधिकृत यंत्रणांकडून खातरजमा करूनच कोणताही निर्णय घ्यावा. या माहितीमध्ये काही बाबी चुकीच्या, अपूर्ण किंवा कालांतराने बदललेल्या असू शकतात. त्यामुळे कोणतीही कायदेशीर अथवा प्रशासकीय कृती करण्यापूर्वी अधिकृत स्रोताची खात्री करणे अत्यावश्यक आहे.. तथापि, या बातम्यांमुळे उद्भवणाऱ्या कोणत्याही गैरसमज किंवा नुकसानीस Crime Maharashtra Live News जबाबदार राहणार नाही.> टीप: जर कोणाला आमच्या बातमीबाबत आक्षेप असल्यास, कृपया आम्हाला [crimemaharashtra.live@gmail.com] वर संपर्क करा.मोबाईल नंबर 7744808833
