पुणे : महिलांसारखे गाऊन,सलवार कमीज असा वेश परिधान करून कंपनीत चोरी करणाऱ्या दोघा सराईत चोरट्यांना वानवडी पोलिसांनी बेड्या ठोकल्या.
रामटेकडी औद्योगिक वसाहतीतील एका कंपनीतून दोन लाख रुपयांच्या तांब्याच्या तारांचा बंडल चोरट्यांनी चोरून नेल्याची घटना २६ ऑगस्ट रोजी घडली होती.ओळख पटू नये म्हणून सराइत चोरट्यांनी महिलांसारखा वेश परिधान केला होता. मात्र सीसीटीव्ही चित्रीकरण आणि गुप्त बातमीदाराने दिलेल्या माहितीनुसार पोलिसांनी तपास करुन दोन सराईत चोरट्यांना अटक करून हा गुन्हा उघडकीस आला.
अमन अजीम शेख (वय २४), मुसा अबू शेख (वय २४, दोघे रा. रामटेकडी, हडपसर) अशी अटक करण्यात आलेल्यांची नावे आहेत. पोलिसांनी त्यांच्याकडून दोन लाख १९ हजार रुपयांच्या तांब्याच्या तारा आणि पट्ट्या जप्त करण्यात आल्या आहेत.
पोलिसांनी दिलेल्या माहितीनुसार, रामटेकडी परिसरातील औद्योगिक वसाहतीत असलेल्या हारको ट्रान्सफाॅर्मर कंपनीत २६ ऑगस्ट रोजी मध्यरात्री चोरटे शिरले. चोरट्यांनी स्वत:ची ओळख लपविण्यासाठी महिलांसारखा वेश परिधान केला होता. कंपनीच्या खिडकीचा गज तोडून चोरट्यांनी आतमध्ये प्रवेश केला. एका चोरट्याने पिवळा गाऊन आणि दुसऱ्याने गुलाबी रंगाची सलवार कमीज असा वेश परिधान केल्याचे सीसीटीव्ही कॅमेऱ्यात दिसून आले. चोरट्यांनी तोंडाला ओढणी आणि स्कार्फ बांधून कंपनीतील खोलीतून तांब्याच्या तारांचे बंडल आणि पट्ट्या चोरुन नेल्या होत्या.२७ ऑगस्ट रोजी सकाळी हा प्रकार उघडकीस आला. याबाबत कंपनीतील व्यवस्थापकांनी पोलिसांकडे तक्रार दिली होती.
वानवडी पोलिसांनी घटनास्थळी भेट देऊन तपास सुरू केला. पोलिसांनी सीसीटीव्ही चित्रीकरण तपासले. तपासात महिलांसाठी वेश परिधान करुन कंपनीत चोरी करणारे चोरटे सराइत असल्याची माहिती पोलीस कर्मचारी गोपाळ मदने, अमोल गायकवाड आणि अर्शद सय्यद यांना मिळाली. पोलिसांनी चोरटे अमन शेख आणि मुसा शेख यांना ताब्यात घेतले. चौकशीत दोघांनी चोरी केल्याची कबुली दिली. त्यांच्याकडून तांब्याच्या तारा, पट्ट्या, हार्ड डिस्क असा दोन लाख १९ हजार रुपये किंमतीचा मुद्देमाल जप्त करण्यात आला आहे.
अतिरिक्त पोलीस आयुक्त मनोज पाटील,उपायुक्त डाॅ. राजकुमार शिंदे, सहायक आयुक्त धन्यकुमार गोडसे यांच्या मार्गदर्शनाखाली वरिष्ठ पोलीस निरीक्षक सत्यजित आदमाने, गु्न्हे शाखेचेपोलीस निरीक्षक विजयकुमार डोके, सहायक निरीक्षक उमाकांत महाडिक, पोलीस कर्मचारी महेश गाढवे, दया शेगर, अतुल गायकवाड, अमोल पिलाणे, अमोल गायकवाड, अभी चव्हाण, गोपाळ मदने, विष्णू सुतार, बालाजी वाघमारे, यतीन भोसले, विठ्ठल चोरमले, आशिष कांबळे, अर्शद सय्यद यांनी ही कामगिरी केली.
(Grievance Redressal – IT Rules 2021)
क्राईम महाराष्ट्र लाईव्ह न्यूज (Crimemaharashtra.live) हे केंद्र सरकारच्या माहिती तंत्रज्ञान नियम, २०२१ (IT Rules 2021) च्या नियम १८ अंतर्गत नोंदणीकृत आणि नियमांचे पालन करणारे अधिकृत डिजिटल न्यूज पोर्टल आहे. आमच्या पोर्टलवर प्रसिद्ध झालेल्या कोणत्याही बातमी, लेख किंवा मजकुराबाबत आपल्याला काही आक्षेप किंवा तक्रार असल्यास, आपण आमच्या मुख्य तक्रार निवारण अधिकाऱ्यांकडे लेखी नोंदणी करू शकता.
कायदा आणि नियमांनुसार आपल्या तक्रारीची २४ तासांच्या आत दखल घेऊन १५ दिवसांच्या आत त्याचे निवारण केले जाईल.
📌 मुख्य तक्रार निवारण अधिकारी (Level 1):
अधिकारी: आमीर मोहम्मद शेख (Editor & Publisher)
वेबसाईट: https://crimemaharashtra.live
अधिकृत ईमेल: crimemaharashtra.live@gmail.com
Info@crimemaharashtra.live
कार्यालयीन पत्ता: पुणे, महाराष्ट्रIn accordance with Rule 11(2)(a) of the Information Technology (Intermediary Guidelines and Digital Media Ethics Code) Rules, 2021, any person having a grievance regarding the content published on Crimemaharashtra.live may send their complaint to the designated Grievance Redressal Officer.
Grievance Officer: Amir Mohammad Shaikh (Editor & Publisher)
Website: https://crimemaharashtra.live
Official Email: crimemaharashtra.live@gmail.com
Address: Pune, Maharashtra, India.
Note: Please ensure that your complaint includes the specific URL of the news article, the date of publication, and a clear description of the grievance along with supporting documents. All grievances will be acknowledged within 24 hours and resolved within 15 days.,
